Health Benefits:આપણી સવાર કેવી છે, તેના પર આખા દિવસનો આઘાર રહેલો છે. જો સવારની શરૂઆત હેલ્ધી હશે તો તમે દિવસભર ઉર્જાવાન રહેશો, હાલ સવારની સરળ દિનચર્યા ખૂબ લોકપ્રિય બની રહી છે. આમાં ગરમ પાણી પીવું અને માલાસનમાં બેસવું શામેલ છે. ઘણા નિષ્ણાતો દાવો કરે છે કે, આ બંને પ્રવૃતિ ફક્ત એક અઠવાડિયામાં શરીરમાં નાટકીય ફેરફારો લાવી શકે છે. જો કે, ઘણા લોકો હજુ પણ શંકા કરે છે કે, મલાસન અને અને ગરમ પાણી પીવું આ બે જ પ્રક્રિયા એકસાથે ખરેખર આટલા નોંધપાત્ર સ્વાસ્થ્ય સુધારણા લાવી શકે છે. તો, ચાલો આપણે સાત દિવસ સુધી દરરોજ સવારે ગરમ પાણી સાથે માલાસન કરવાના ફાયદાને વિગતવાર સમજીએ...
ગરમ પાણીને માલાસન સાથે શા માટે ફાયદાકારક માનવામાં આવે છે?
ઘણા વેલનેસ એક્સ્પર્ટ જણાવે છે કે, ફક્ત સાત દિવસ સુધી ગરમ પાણી સાથે માલાસન કરવાથી તેમની સવાર સંપૂર્ણપણે બદલાઈ ગઈ છે. નિષ્ણાતો જણાવે છે કે, તેનાથી કમર અને હિપની જડતા ઓછી થઈ, પાચનમાં સુધારો થયો, પેટનું ફૂલવું ઓછું થયું અને મન શાંત અને ધ્યાન કેન્દ્રિત કરવું સરળ બન્યું છે. વધુમાં, નિષ્ણાતો જણાવે છે કે, મલાસન પહેલાં ગરમ પાણી પીવાથી તેમને કોઈપણ આહાર અથવા ભારે કસરત વિના ક્રેવિંગને નિયંત્રિત કરવામાં અને તેમના ઉર્જા સ્તરને વધારવામાં મદદ મળી રહે છે.
આ સવારની દિનચર્યા વૈજ્ઞાનિક રીતે કેવી રીતે કાર્ય કરે છે?
NIH ના સંશોધન મુજબ, સ્ક્વોટિંગ પોઝમાં બેસવાથી એનોરેક્ટલ એંગલ વધે છે, એટલે કે ગુદામાર્ગ અને ગુદા નહેર વચ્ચેનો ખૂણો સીધો થાય છે. આનાથી નીચલા પાચનતંત્રનું કાર્ય પણ સરળ બને છે. એક રેન્ડમાઇઝ્ડ કંટ્રોલ્ડ ટ્રાયલમાં જાણવા મળ્યું છે કે દરરોજ આશરે 200 મિલી ગરમ પાણી પીવાથી આંતરડાની ગતિ ઉત્તેજીત થાય છે. તે જ સમયે, ગરમ પાણી જઠરાંત્રિય ખેંચાણ ઘટાડે છે અને આંતરડાના સ્નાયુઓને સક્રિય કરે છે, જે પાચનમાં સુધારો કરે છે.
પાણી અને માલાસનના બેવડા ફાયદા
નિષ્ણાતો કહે છે કે, માલાસન અને પાણી એકસાથે બેવડા ફાયદા ધરાવે છે. માલાસન શરીરનીપોઝશનિંગની સ્થિતિ સુધારે છે, જ્યારે ગરમ પાણી આંતરડાને અંદરથી સક્રિય કરે છે. મુદ્રા અને હાઇડ્રેશનનું આ મિશ્રણ સમગ્ર પાચનતંત્રને કાર્યક્ષમ બનાવે છે. જોકે આ દિનચર્યા પર લાંબા ગાળાના સંશોધન નથી, સંશોધન સૂચવે છે કે આ સંયોજન ખૂબ મદદરૂપ થઈ શકે છે.
આ દિનચર્યા કેવી રીતે અપનાવવી?
આ દિનચર્યા અપનાવવા માટે, ગરમ પાણીથી શરૂઆત કરો. ગરમ પાણી પીઓ અને પછી માલાસનની સ્થિતિ ધારણ કરો. તમારા પગ તમારા હિપ્સ કરતા થોડા પહોળા રાખીને ઊભા રહો. પછી ધીમે ધીમે સ્કોટ પોઝિશન ધારણ કરો, તમારી એડી જમીન પર રાખો. ત્યારબાદ, તમારી કરોડરજ્જુ સીધી અને તમારી છાતી ખુલ્લી રાખો. હવે, આ મુદ્રામાં 30 સેકન્ડથી 1 મિનિટ સુધી ઊંડા શ્વાસ લેતા રહો. આ સ્થિતિ આપણા સ્વાસ્થ્ય માટે ખૂબ ફાયદાકારક છે. જો કે, નિષ્ણાતો કહે છે કે જે લોકોને ઘૂંટણ, હિપ્સ, પગની ઘૂંટીઓ અથવા કમરના નીચેના ભાગમાં દુખાવો હોય તેમણે આ પોઝમાં બેસવાનું ટાળવું જોઈએ.