Dubai Villa: ભારતના સૌથી ધનિક વ્યક્તિ અને રિલાયન્સ ઈન્ડસ્ટ્રીઝના ચેરમેન મુકેશ અંબાણીએ તેમના પુત્ર અનંત અંબાણી અને તેમની ભાવિ પત્ની રાધિકા મર્ચન્ટને દુબઈમાં એક વૈભવી વિલા ભેટમાં આપ્યો છે. આ વિલા દુબઈના પ્રતિષ્ઠિત પામ જુમેરાહ વિસ્તારમાં સ્થિત છે અને તેની કિંમત લગભગ 640 કરોડ રૂપિયા હોવાનું કહેવાય છે. આવો, આ ભવ્ય વિલાની ઝલક પર એક નજર કરીએ અને તેના વિશે જાણીએ..
ગીફ્ટ કર્યો વિલા
અંબાણી પરિવારે રાધિકાને લગ્ન પહેલા એક ખાસ ભેટ આપી છે. નીતા અંબાણી અને મુકેશ અંબાણીએ દુબઈના પામ જુમેરાહમાં અનંત અને રાધિકાને રૂ. 640 કરોડની કિંમતનો આલીશાન વિલા ભેટમાં આપ્યો છે. આ વિલા દુબઈના સૌથી પોશ વિસ્તારમાં આવેલ છે અને તેને શહેરની સૌથી મોંઘી ડીલોમાની એક માનવામાં આવે છે.
વિલાની ખાસીયતો
33,000 સ્ક્વેર ફીટમાં ફેલાયેલો આ વિલા ખૂબ જ સુંદર અને લક્ઝુરિયસ છે. તેમાં 10 લક્ઝુરિયસ બેડરૂમ અને 70 મીટરનો પ્રાઈવેટ બીચ છે, જ્યાંથી સમુદ્રનો સુંદર નજારો જોઈ શકાય છે. વિલાનું ઈન્ટિરિયર પણ ખૂબ જ લક્ઝુરિયસ છે, જેમાં ઈટાલિયન માર્બલ અને ભવ્ય કલાકૃતિઓ છે. વિલામાં એક વિશાળ ડાઇનિંગ રૂમ છે, જેમાં એક વિશાળ ડાઇનિંગ ટેબલ અને આધુનિક બેડરૂમ છે. આ સિવાય ઘરમાં એક ઇન-બિલ્ટ પૂલ પણ છે જ્યાં પરિવાર આરામ કરી શકે છે. આ એક સારું હોલિડે હોમ છે, અંબાણી પરિવાર અહીં આરામથી રહી શકે છે અને મોટી પાર્ટીઓનું પણ આયોજન કરી શકે છે.
જાણો લવ સ્ટોરી
અનંત અંબાણી અને રાધિકા મર્ચન્ટ બાળપણથી એકબીજાને ઓળખતા હતા. મિત્રો સાથે લોંગ ડ્રાઈવ દરમિયાન તે અનંત અંબાણી સાથે પ્રેમમાં પડી ગઈ હતી. ધીરે ધીરે તેઓ એકબીજાની નજીક આવ્યા અને ડેટિંગ કરવા લાગ્યા. અનંતની મોટી બહેન ઈશા અંબાણીના લગ્ન દરમિયાન તેમનો સંબંધ વધુ મજબૂત બન્યો હતો. 2022 માં, તેઓએ રાજસ્થાનના શ્રીનાથજી મંદિરમાં સગાઈ કરી અને તે પછી એક ભવ્ય સગાઈની પાર્ટી થઈ. હવે, તેઓ તેમના લગ્ન જીવનની શરૂઆત કરવા માટે તૈયાર છે અને ટૂંક સમયમાં લગ્ન કરવા જઈ રહ્યા છે. તો બીજી તરફ મુકેશ અંબાણીના પુત્ર અનંત અંબાણી અને રાધિકા મર્ચન્ટ જુલાઈમાં લગ્ન કરવાનાં છે. આ પહેલાં બીજી પ્રી-વેડિંગ સેરેમની 28 મેથી 30 મે વચ્ચે થશે. એ ઇટાલી અને ફ્રાન્સ વચ્ચેના સમુદ્રમાં ક્રૂઝ પર મુસાફરી કરશે.