Tips To Keep Your Room Cool In Summer: જે લોકોના ઘરમાં પંખા ચાલતા હોય તેમના માટે મોટી સમસ્યા એ છે કે ઘરોમાં હવા હોય છે, પરંતુ તે એટલી ગરમ હોય છે કે ઘરની અંદરની સ્થિતિ હીટ સ્ટ્રોક જેવી હોય છે. હવામાન વિભાગ સતત આગાહી કરી રહ્યું છે કે આ વર્ષે ઉનાળો લાંબો ચાલશે અને તાપમાનમાં પણ વધારો થશે. આવી સ્થિતિમાં જે લોકો પાસે પોતાના ઘરમાં એસી અને કુલર લગાવવાનું બજેટ નથી તેમને ઘણી મુશ્કેલીઓનો સામનો કરવો પડી શકે છે. અહીં અમે તમને એવી જ કેટલીક ઘરગથ્થુ અને સરળ ટિપ્સ જણાવી રહ્યા છીએ, જેની મદદથી તમે તમારા ઘરને એસી અને કુલર વગર પણ ઠંડું રાખી શકો છો.
સાંજે બારી-બારણાં ખોલી દો
સુર્યાસ્ત થતા જ ઘરના બારી-બારણાં ખોલી દો, આમ કરવાથી અંદરની ઠંડી હવા ચારેય બાજુ ફેલાઇ જશે અને રૂમ ઠંડો થઇ જશે. બપોરના સમયે રુમ બંધ રાખજો, નહીંતર ઘર ગરમ થઇ જશે.
ઇલેક્ટ્રોનિક્સ વસ્તુઓનો ઉપયોગ ઘટાડો
ઓવન, લેપટોપ, ટીવી અને લેમ્પ જેવા ઇલેક્ટ્રોનિક ડિવાઇસ ગરમી છોડે છે. તેનાથી તાપમાન વધી શકે છે. આવાસંજોગોમાં જેની જરૂર ન હોય તેને બંધ કરી દો.
બારીઓમાં બ્લેક કાગળ લગાવો
ઘરમાં કાચની બારીઓમાં કાળા રંગનો કાગળ ચિપકાવી શકાય છે. આમ કરવાથી રૂમમાં તડકો નહીં આવે અને ઘર ઠંડુ રહેશે.
પરદા લગાવો
ખૂબ જ ગરમીથી બચવા માટે તમે દિવસભર ઘરમાં પરદા રાખો, જેના લીધે ઘર ઓછુ ગરમ થશે.
ખુદને હાઇડ્રેટેડ રાખો
ગરમીમાં ખુદને હાઇડ્રેટેડ રાખવા માટે ઘણું બધુ પાણી પીવો અને હેલ્ધી ડ્રિંક્સ પીતા રહો. આમ કરવાથી તમારા શરીરમાં પાણીની કમી નહીં થાય
ઘરની અંદર અને આસપાસ છોડ વાવો
ઘરની અંદર અને આસપાસની જગ્યાને ઠંડી રાખવા માટે તેમજ શુદ્ધ કરવા માટે ઇન્ડોર પ્લાન્ટ્સ લગાવો. ઘરની બારી પાસે, ટેરેસ કે બાલ્કનીમાં ગરમીથી બચવા માટે તમે આમ કરી શકો છો. જેટલા વધુ પ્લાન્ટ્સ હશે તેટલી ઘરની અંદર ગરમી ઓછી લાગશે.
Skin Care: 30 વર્ષની ઉંમરે આ રીતે કરશો સ્કિનની કેર તો જળવાઈ રહેશે તમારી સુંદરતા, નહી પડે બ્યુટી પ્રોડક્ટ્સની જરૂર!
Skin Care: વૃદ્ધત્વ એ કુદરતી પ્રક્રિયા છે જેને કોઈ ટાળી શકતું નથી. તે ત્વચા પર પણ અસર કરે છે, તે 30 વર્ષની ઉંમરથી ત્વચા પર અસર કરવાનું શરૂ કરે છે, જેને દૂર કરવા માટે મહિલાઓ ઘણા પ્રકારના બ્યુટી પ્રોડક્ટ્સ અને એન્ટી એજિંગ ક્રીમનો ઉપયોગ કરે છે. ઘણી વાર યુવતીઓ અજાણતાં જ યુવાન દેખાવા માટે ખોટી વસ્તુઓનો ઉપયોગ કરવાનું શરૂ કરી દે છે અને આ રીતે 30 વર્ષની ઉંમરે પણ તમે 40 અને 50ની દેખાવા લાગે છે. તે મહિલાઓ માટે આજે અમે કેટલીક સ્કિન કેર રૂટિન વિશે માહિતી આપીશું. જેનાથી તેઓ લાભ મેળવી શકે છે.
બ્લીચને ના કહો- વધતી ઉંમરમાં મહિલાઓ સુંદર દેખાવા માટે બ્લીચનો સહારો લે છે. પરંતુ એક ઉંમર પછી તેની તમારી સુંદરતા પર વિપરીત અસર પડી શકે છે. 30 પછી ચહેરા પર કરચલીઓ થવી સ્વાભાવિક છે, પરંતુ જો તમે 30 વર્ષની ઉંમરે બ્લીચ કરાવો છો, તો તે તમારી ત્વચાની ઇલાસ્ટીસીટીને નબળી પાડે છે, જે કરચલીઓ વધવાનું કારણ બને છે, તેથી બ્લીચિંગ ટાળો.
વાઇપ્સનો ઉપયોગ કરવાનું ટાળો- અમે મેકઅપ રિમૂવર માટે ખૂબ જ સરળ વિકલ્પ પસંદ કરીએ છીએ, તે છે વાઇપ્સ. પરંતુ શું તમે જાણો છો કે એક ઉંમર પછી તે તમારી ત્વચાને નુકસાન પહોંચાડે છે. તે તમારી ત્વચાને ઢીલી કરી દે છે. હા વાઇપ્સ તમારી ત્વચાની લવચીકતાને ઘટાડી શકે છે. જેના કારણે ત્વચા ઢીલી દેખાય છે અને કરચલીઓ થાય છે. જો તમે તમારો મેકઅપ સાફ કરવા માંગો છો, તો તમે નારિયેળ તેલનો ઉપયોગ કરી શકો છો અથવા તમે કોઈપણ ક્લીન્સરનો પણ ઉપયોગ કરી શકો છો.
ક્લિન્સિંગ ટોનિંગ અને મોઈશ્ચરાઈઝિંગને સ્કીપ ના કરો- વૃદ્ધાવસ્થામાં ક્લિનિંગ ટોનિંગ અને મોઈશ્ચરાઇઝિંગને ક્યારેય અવગણશો નહીં. તમારી સુંદર અને યુવાન ત્વચા માટે તમારે આ સ્કિન રૂટિન ક્યારેય ન છોડવી જોઈએ. દરરોજ આ નિત્યક્રમનું પાલન કરવાથી તમારી ત્વચા ચમકદાર દેખાશે.