આજકાલ, નોકરીનું બજાર વધુને વધુ સ્પર્ધાત્મક બની રહ્યું છે. ઉમેદવારોની પસંદગી કરતી વખતે કંપનીઓ ઘણીવાર રિઝ્યુમની તપાસ કરે છે અને જોબની કન્ટીન્યુટી જોવે છે. જો કરિયર બ્રેક જોવા મળે તો તેના રિઝ્યુમને નકારી કાઢે છે. આ કિસ્સામાં ખાસ કરીને મહિલાઓન અન્યાય થાય છે કારણ કે, મોટાભાગે સ્ત્રીઓને ઘણીવાર કૌટુંબિક જવાબદારી અને પ્રેગ્નન્સીના કારણે પણ કરિયર બ્રેક લેવો જ પડે છે. જો કે, તાજેતરમાં, અમદાવાદ સ્થિત એક કંપનીના સીઈઓએ એક અલગ દ્રષ્ટિકોણ અપનાવ્યો સાબિત કર્યું કે, ખરેખર જે મહત્વનું છે તે ડિગ્રી અથવા જોબની કન્ટીન્યુટીની નથી, પરંતુ ક્ષમતા અને શીખવાની ધગશ છે. તેમનો નિર્ણય સોશિયલ મીડિયા પર ઝડપથી વાયરલ થઈ રહ્યો છે, અને લોકો તેમના પારદર્શક વિચારસરણીની પ્રશંસા કરી રહ્યા છે.
એક વર્ષનો કરિયર ગેપ તેમ છતાં મળ્યો મોકોઆ વાર્તા એક યુવતી વિશે છે, જેને ચાર વર્ષનો નોંધપાત્ર અનુભવ ધરાવતી હતી. જોકે, વ્યક્તિગત કારણોસર, તેણીએ એક વર્ષનો કરિયર બ્રેક લીધો હતો. આ એક વર્ષનો ગાળો તેના માટે નવી નોકરી શોધવામાં એક મોટો અવરોધ હતો; ઘણી કંપનીઓએ કદાચ આ જ કારણસર તેમનો બાયોડેટા નકારી કાઢ્યો હતો. તેમણે ઇન્ટરવ્યુ ઓપરેશનલ પોઝિશન માટે લેવામાં આવ્યું હતું. ઇન્ટરવ્યુ લગભગ 20 થી 30 મિનિટ ચાલ્યો હતો અને તે કોન્ફરન્સ રૂમમાં લેવામાં આવ્યો હતો. ઇન્ટરવ્યુ કંપનીના સહ-સ્થાપક અને સીઓઓ દર્શિત લાખાણી દ્વારા લેવામાં આવ્યો હતો.
ઇન્ટરવ્યૂ પછી શું ચર્ચા થઈ?
ઇન્ટરવ્યૂ પછી, સીઈઓએ દર્શિતનો અભિપ્રાય પૂછ્યો. દર્શિતે કહ્યું કે, ઉમેદવાર આત્મવિશ્વાસુ, નમ્ર અને સારા ઈરાદાવાળા હતા, પરંતુ તેમણે બે મુખ્ય ચિંતાઓનો ઉલ્લેખ કર્યો: તેણીનું નબળું અંગ્રેજી, જે તેણીને ઇનસાઇડ સેલ્સ જેવી ભૂમિકા માટે અયોગ્ય બનાવે છે, અને તેણીની કારકિર્દીમાં એક વર્ષનો બ્રેક છે. જેના કારણે મોટી કંપનીઓએ તેણીનો રિઝ્યુમ નકારી કાઢ્યા છે. આ ખામીઓથી આગળ જોવાનું કહેવામાં આવ્યું ત્યારે, દર્શિતે સ્વીકાર્યું કે છોકરીનું વલણ સકારાત્મક હતું અને તાલીમ દ્વારા તેને સુધારી શકાય છે. વાસ્તવિક સમસ્યા એ હતી કે તે સમયે કંપની પાસે તેના માટે કોઈ ચોક્કસ ભૂમિકા નહોતી.
એક પ્રામાણિક ઓફર
કંપનીઓ ઘણીવાર આવી પરિસ્થિતિઓમાં ઉમેદવારોને નકારી કાઢે છે, પરંતુ આ વખતે કંઈક અલગ જ થયું. સીઈઓએ યુવતીને પાછા બોલાવી અને સત્ય સ્પષ્ટ રીતે સમજાવ્યું. તેણીને કહેવામાં આવ્યું કે હાલમાં તેના માટે કોઈ નિશ્ચિત પદ ઉપલબ્ધ નથી, અને કોઈ ખોટા વચનો આપવામાં આવ્યા નથી. ફક્ત સ્પષ્ટ અને પ્રામાણિક માહિતી આપવામાં આવી હતી. યુવતીએ આ પારદર્શિતાને હકારાત્મક રીતે લીધી અને સોમવારે કામ શરૂ કરવા સંમત થઈ. સૌથી નોંધપાત્ર વાત એ છે કે તે તેના પહેલા દિવસે સવારે 9:30 વાગ્યે ઓફિસ પહોંચી.
શીખવાનો જુસ્સો શક્તિમાં ફેરવાયો
તેણીના શબ્દો સરળ છતાં શક્તિશાળી હતા. તેણીએ કહ્યું, "હું અવલોકન કરીશ અને શીખીશ. આનાથી મને સમજવામાં મદદ મળશે કે મારી પાસેથી શું અપેક્ષા રાખવામાં આવે છે જેથી હું મારી જાતને તે મુજબ તૈયાર કરી શકું." આ માનસિકતા તેણીને અન્ય ઉમેદવારોથી અલગ પાડે છે. જ્યારે ઘણા લોકો તકની રાહ જુએ છે, ત્યારે તેણીએ કોઈ ગેરંટી વિના શીખવાનું અને પોતાને સાબિત કરવાનું નક્કી કર્યું.