અમદાવાદ: ચાંદખેડાની હોટલમાં પ્રેમી પંખીડાનો ગળેફાંસો ખાઈ આપઘાત, પ્રેમપ્રકરણ કારણભૂત હોવાની ચર્ચા

Ahmedabad Hotel Suicide Case: મૂળ સંતરામપુરના 21 વર્ષીય યુવક અને નર્સિંગનો અભ્યાસ કરતી 20 વર્ષીય યુવતીએ પંખા સાથે દોરડું બાંધીને આત્મહત્યા કરી; ચાંદખેડા પોલીસે તપાસ હાથ ધરી.

Ahmedabad Chandkheda Hotel Couple Suicide Santrampur Love Affair Case

Source : ai

Show Quick Read

Key points generated by AI, verified by newsroom

• અમદાવાદની હોટલમાં યુવક-યુવતીએ ગળેફાંસો ખાઈ આપઘાત કર્યો.
• પંચમહાલના જયદીપ, નીતા નર્સિંગનો અભ્યાસ કરતા હતા.
• રૂમ ન ખુલતા સ્ટાફે જાણ કરતા પોલીસ પહોંચી.
• કોઈ સુસાઇડ નોટ ન મળતાં પોલીસ વધુ તપાસ કરે છે.

Ahmedabad Hotel Suicide Case: અમદાવાદ શહેરના ચાંદખેડા વિસ્તારમાંથી એક અત્યંત ચોંકાવનારી અને દુઃખદ ઘટના સામે આવી છે. વિસત સર્કલ પાસે આવેલી 'કુમકુમ હોટલ'ના એક રૂમમાંથી યુવક અને યુવતીની ગળેફાંસો ખાધેલી હાલતમાં લાશ મળી આવતા સમગ્ર વિસ્તારમાં ચકચાર મચી જવા પામી છે. બંને પ્રેમી પંખીડા હોવાનું અને પ્રાથમિક તપાસમાં આ આત્યંતિક પગલાં પાછળ પ્રેમપ્રકરણ જવાબદાર હોવાની ચર્ચા ચાલી રહી છે.

કોણ હતા આ યુવક-યુવતી?

પોલીસની પ્રાથમિક તપાસમાં સામે આવેલી માહિતી મુજબ, આપઘાત કરનાર બંને યુવક-યુવતી મૂળ પંચમહાલ જિલ્લાના સંતરામપુરના વતની હતા. મૃતક યુવકની ઓળખ 21 વર્ષીય જયદીપકુમાર પટેલિયા તરીકે અને યુવતીની ઓળખ 20 વર્ષીય નીતાબેન ડામોર તરીકે થઈ છે. જાણવા મળ્યું છે કે મૃતક નીતાબેન અમદાવાદમાં જ રહીને નર્સિંગનો અભ્યાસ કરતી હતી. આ બંને જણા ચાંદખેડાની આ હોટલમાં રોકાયા હતા.

રૂમનો દરવાજો ન ખૂલતાં ભાંડો ફૂટ્યો

આ સમગ્ર ઘટનાની જાણ ત્યારે થઈ જ્યારે હોટલના સ્ટાફે લાંબા સમય સુધી બંધ રહેલા તેમના રૂમનો દરવાજો ખખડાવ્યો હતો. અંદરથી કોઈ જ પ્રતિક્રિયા કે અવાજ ન આવતાં આખરે હોટલના મેનેજરને જાણ કરવામાં આવી હતી. મેનેજરની હાજરીમાં જ્યારે રૂમનો દરવાજો ખોલવામાં આવ્યો, ત્યારે સામેનું દ્રશ્ય જોઈને સૌ કોઈ ચોંકી ગયા હતા. રૂમમાં પંખા સાથે દોરડું બાંધીને બંને પ્રેમી પંખીડા ગળેફાંસો ખાધેલી હાલતમાં લટકતા જોવા મળ્યા હતા.

આ પણ વાંચોઃ જયપુરમાં મહિલાની આત્મહત્યા: CCTV માં કેદ થઈ પતિની ક્રૂરતા, બાળકોએ ખોલ્યા ચોંકાવનારા રાઝ

પોલીસે પોસ્ટમોર્ટમ માટે મૃતદેહો મોકલ્યા

હોટલના સ્ટાફ દ્વારા તાત્કાલિક ચાંદખેડા પોલીસને જાણ કરવામાં આવતા પોલીસની ટીમ ગણતરીની મિનિટોમાં જ ઘટનાસ્થળે દોડી આવી હતી. પોલીસે બંનેના મૃતદેહોને નીચે ઉતારીને પોસ્ટમોર્ટમ માટે હોસ્પિટલ ખસેડવાની તજવીજ હાથ ધરી હતી. અત્યાર સુધીની તપાસમાં મૃતક યુવક-યુવતી પાસેથી કોઈપણ પ્રકારની સુસાઇડ નોટ મળી આવી નથી. આ યુગલે કયા ચોક્કસ કારણોસર પોતાનું જીવન ટૂંકાવ્યું, તે દિશામાં ચાંદખેડા પોલીસે વધુ તપાસ અને કાયદેસરની કાર્યવાહી શરૂ કરી છે.

આ પણ વાંચોઃ