અમદાવાદઃ કોરોના મહામારીથી લોકોની લાઈફ સ્ટાઇલ બદલાઈ છે. કોરોનાના સમયમાં લોકો ઘરની બહાર નીકળતા પણ ડરતા હતા. તેઓ શાકભાજી લેવા જતાં પણ ડરતા હતા અને તેમને શાકભાજી ખરીદતા કે પછી શાકભાજીથી કોરોના લાગવાનો ભય લાગતો હતો. એટલું જ નહીં, લોકડાઉનમાં લોકોને તાજું શાકભાજી મળવામાં તકલીફ થતા અને ભાવ પણ વધુ ચૂકવવા પડતા લોકો ઘરમાં જ શાકભાજી ઉગાડતા થયા છે. લોકોએ ઘરમાં જ ઔષધિઓ પણ ઉગાડવાની શરૂઆત કરી દીધી છે. લોકોને કોરોનાના કારણે આયુર્વેદનું મહત્વ સમજાયું છે.
લોકડાઉને લોકોને ઘરની જગ્યામાં શાકભાજી ઉગાડવાની પ્રેરણા આપી છે. આવી જ એક પ્રેરણા બોપલના યુવાને લોકોને આપી છે. બોપાલના યુવાને ઘરમાં જ શાકભાજી અને ઔષધિઓ ઉગાડી છે. ખાનગી કંપનીમાં સિનિયર મેનેજરનો હોદ્દો ધરાવતા તૃપ્તેશ દરજી ઘરમાં જ ખેતી કરે છે.
