Anand Niketan School: નાસ્તામાંથી કાચના ટુકડો મળ્યાના મામલે, DEOએ કોન્ટ્રાક્ટર સામે ફરિયાદના આપ્યાં આદેશ
Anand Niketan School:આ સમગ્ર મામલે ABP અસ્મિતાએ અહેવાલ રજૂ કર્યા બાદ તંત્ર હરકતમાં આવ્યું છે. DEO રોહિત ચૌધરીએ આનંદ નિકેતન સ્કૂલ મેનેજમેન્ટને બેદરકારી દાખવનારા જવાબદારો સામે કાર્યવાહી કરવા સૂચના આપી છે. બેદરકારો સામે સાંજ સુધીમાં પોલીસ ફરિયાદ નોંધાવવા પણ આદેશ આપવામાં આવ્યો છે.
- આનંદ નિકેતન સ્કૂલના નાસ્તામાંથી કાચ મળતા વાલીઓ રોષે ભરાયા.
- DEOએ જવાબદારો સામે પોલીસ ફરિયાદ નોંધાવવા તાત્કાલિક આદેશ કર્યો.
- કેન્ટિન કોન્ટ્રાક્ટર બદલવા અને FSSAI તપાસનો પણ આદેશ.
Anand Niketan School: અમદાવાદની આનંદ નિકેતન સ્કૂલમાં બાળકોને આપવામાં આવેલા નાસ્તામાંથી કાચનો ટુકડો મળી આવતા વાલીઓમાં રોષ ફેલાયો હતો. સમગ્ર મામલે ABP અસ્મિતાના અહેવાલ બાદ DEOએ કડક કાર્યવાહી કરી છે. DEO રોહિત ચૌધરીએ સ્કૂલ મેનેજમેન્ટને જવાબદારો સામે પોલીસ ફરિયાદ કરવા અને કેન્ટિનના કોન્ટ્રાક્ટર સામે કાર્યવાહી કરવા આદેશ આપ્યો છે.
અમદાવાદની આનંદ નિકેતન સ્કૂલની કેન્ટિનમાં બાળકોના આરોગ્ય સાથે ચેડા કરવાના મામલે DEOએ કડક કાર્યવાહી કરી છે. સ્કૂલમાં બાળકોને આપવામાં આવેલા નાસ્તામાંથી કાચનો ટુકડો મળી આવ્યા બાદ વાલીઓએ શાળામાં હોબાળો મચાવ્યો હતો. હવે આ મામલે સ્કૂલ મેનેજમેન્ટને જવાબદારો સામે પોલીસ ફરિયાદ કરવા આદેશ આપવામાં આવ્યો છે.
ABP અસ્મિતાના અહેવાલની અસર
આ સમગ્ર મામલે ABP અસ્મિતાએ અહેવાલ રજૂ કર્યા બાદ તંત્ર હરકતમાં આવ્યું છે. DEO રોહિત ચૌધરીએ આનંદ નિકેતન સ્કૂલ મેનેજમેન્ટને બેદરકારી દાખવનારા જવાબદારો સામે કાર્યવાહી કરવા સૂચના આપી છે. બેદરકારો સામે સાંજ સુધીમાં પોલીસ ફરિયાદ નોંધાવવા પણ આદેશ આપવામાં આવ્યો છે.
કેન્ટિનના કોન્ટ્રાક્ટર સામે કાર્યવાહી
DEOએ સ્કૂલ સંચાલકોને કેન્ટિનના કોન્ટ્રાક્ટર સામે કાર્યવાહી કરવા સ્પષ્ટ આદેશ આપ્યો છે. સાથે જ વર્તમાન કેન્ટિન કોન્ટ્રાક્ટર બદલવા માટે પણ સ્કૂલ મેનેજમેન્ટને સૂચના આપવામાં આવી છે.DEOએ સ્પષ્ટ કર્યું છે કે બાળકોના આરોગ્ય સાથે કોઈપણ પ્રકારની બેદરકારી ચલાવી લેવામાં આવશે નહીં. બાળકોના આરોગ્ય સાથે ચેડા કરતી કેન્ટિનને બંધ કરાવવામાં આવી છે.
આ પણ વાંચો: Rain Forecast: રાજ્યમાં આગામી 24 કલાકમાં ક્યાં વરસશે વરસાદ? અંબાલાલ પટેલે કરી મોટી આગાહી
AMCને પણ DEOનો પત્ર
આ મામલે DEO રોહિત ચૌધરીએ અમદાવાદ મ્યુનિસિપલ કોર્પોરેશન એટલે કે AMCને પણ પત્ર લખ્યો છે. આનંદ નિકેતન સ્કૂલની કેન્ટિનના FSSAI સર્ટિફિકેટની ચકાસણી કરવા માટે AMCને સૂચના આપવામાં આવી છે. AMC દ્વારા કેન્ટિનની તપાસ કર્યા બાદ તેનો રિપોર્ટ DEOને સોંપવાનો રહેશે. આ ઉપરાંત સ્કૂલ મેનેજમેન્ટને સમગ્ર મામલે એક્શન ટેકન રિપોર્ટ પણ રજૂ કરવા આદેશ આપવામાં આવ્યો છે.
નાસ્તામાંથી નીકળ્યો હતો કાચનો ટુકડો
મહત્વનું છે કે, ગઈકાલે બાળકોને આપવામાં આવેલા નાસ્તામાંથી કાચનો ટુકડો મળી આવ્યો હતો. આ ઘટનાની જાણ થતાં વાલીઓએ સ્કૂલમાં હોબાળો મચાવ્યો હતો અને બાળકોની સુરક્ષા તથા ખાવાની ગુણવત્તા અંગે સવાલો ઉઠાવ્યા હતા. હવે DEOના કડક આદેશ બાદ સ્કૂલ મેનેજમેન્ટે જવાબદારો સામે શું કાર્યવાહી કરી અને કોન્ટ્રાક્ટર બદલવાની પ્રક્રિયા કેવી રીતે કરવામાં આવે છે તેના પર સૌની નજર રહેશે.
વાલીઓમાં ભારે રોષ
અમદાવાદની આનંદ નિકેતન સ્કૂલમાં વિદ્યાર્થીને પીરસવામાં આવેલા નાસ્તામાંથી કાચનો ટુકડો મળી આવતા વાલીઓમાં ભારે રોષ જોવા મળ્યો હતો. મંગળવારે બનેલી આ ઘટનાને લઈને વાલીઓએ શાળામાં હોબાળો મચાવી ગુણવત્તાયુક્ત અને સુરક્ષિત ભોજનની વ્યવસ્થા અંગે સવાલો ઉઠાવ્યા હતા. જોકે, સમગ્ર મામલે શાળા સંચાલકોનું વલણ વાલીઓ પ્રત્યે કથિત રીતે ઉલ્ટા ચોર કોટવાલ કો ડાંટે જેવું હોવાનું સામે આવ્યું છે. શાળા સંચાલકોએ વાલીઓ દ્વારા શિક્ષકોને મેન્ટલ હેરેસમેન્ટ કરવામાં આવતું હોવાનો આરોપ લગાવ્યો છે.
વાલીઓના હોબાળાને પગલે શિક્ષકોમાં તણાવનું વાતાવરણ સર્જાયું હોવાનો દાવો કરી આનંદ નિકેતન સ્કૂલે ધોરણ 1થી 8ના વિદ્યાર્થીઓ માટે રજા જાહેર કરી છે. રાત્રિના સમયે વાલીઓને મેસેજ કરીને સ્કૂલમાં રજા અંગે જાણ કરવામાં આવી હતી. હવે સવાલ એ છે કે, વાલીઓ પાસેથી લાખો રૂપિયાની ફી વસૂલતી ખાનગી શાળાઓ વિદ્યાર્થીઓને ગુણવત્તાયુક્ત અને સુરક્ષિત નાસ્તો આપવાની જવાબદારીમાંથી કેવી રીતે છટકી શકે? વિદ્યાર્થીના ભોજનમાં કાચનો ટુકડો મળવા જેવી ગંભીર ઘટના બાદ વાલીઓના સવાલોના જવાબ આપવાને બદલે તેમના પર જ આરોપ લગાવવાનું વલણ કેટલું યોગ્ય છે અને ખાનગી શાળાઓની મનમાનીનો અંત ક્યારે આવશે?
Before You Go
Gujarat Assembly Monsoon Session: ગુજરાત વિધાનસભાના ચોમાસું સત્રને લઈને મોટા સમાચાર! સોમવારે મળશે મહત્વની બેઠક
ટોપ સ્ટોરી
ટ્રેન્ડિંગ સમાચાર
