Accident: શિમલાથી પરત ફરતા ગુજરાતના પરિવારને નડ્યો અકસ્માત, 5 લોકોના કરુણ મોત
Accident: પંજાબના ભઠિંડામાં સર્જાયેલા એક ગમખ્વાર માર્ગ અકસ્માતમાં બનાસકાંઠાના એક જ પરિવારના પાંચ લોકોના કરૂણ મોત નિપજ્યા છે.
Accident: પંજાબના ભઠિંડામાં સર્જાયેલા એક ગમખ્વાર માર્ગ અકસ્માતમાં બનાસકાંઠાના એક જ પરિવારના પાંચ લોકોના કરૂણ મોત નિપજ્યા છે. મળતી માહિતી મુજબ બનાસકાંઠાનો આ પરિવાર શિમલાના પ્રવાસે ગયો હતો અને ત્યાંથી પરત ફરી રહ્યો હતો ત્યારે ભઠિંડા પાસે નેશનલ હાઈવે પર ગાઢ ધૂમ્મસના કારણે તેમની કાર રોડ પરના ડિવાઈડર સાથે ધડાકાભેર અથડાઈ હતી. આ અકસ્માત એટલો ભયાનક હતો કે કારમાં સવાર પાંચેય લોકોના ઘટનાસ્થળે જ મોત થયા હતા.
મૃતકોમાં બનાસકાંઠામાં ફરજ બજાવતા એક લેડી કોન્સ્ટેબલનો પણ સમાવેશ થાય છે. ઉલ્લેખનીય છે કે તમામ મૃતકોની ઉંમર 25 થી 30 વર્ષની વચ્ચે હોવાનું જાણવા મળ્યું છે. વેકેશન માણીને હર્ષોલ્લાસ સાથે પરત ફરી રહેલા પરિવારના સામૂહિક મોતથી બનાસકાંઠા જિલ્લામાં અને ખાસ કરીને મૃતકોના વતનમાં ઘેરા શોકની લાગણી ફરી વળી છે. હાલ પંજાબ પોલીસ દ્વારા અકસ્માત અંગે વધુ તપાસ હાથ ધરવામાં આવી છે.
આ અંગે વિગતે વાત કરીએ તો, ભટિંડા-બિકાનેર રાષ્ટ્રીય ધોરીમાર્ગ પર આજે સવારે એક હૃદયદ્રાવક અકસ્માત થયો. ગાઢ ધુમ્મસને કારણે થયેલા આ દુ:ખદ અકસ્માતમાં એક મહિલા સહિત પાંચ લોકોના મોત થયાના અહેવાલ છે. ગુજરાતથી ફરવા ગયેલા પરિવારની ફોર્ચ્યુનર ગુરથડી ગામ નજીક કાબુ ગુમાવીને ડિવાઇડર સાથે અથડાઈ ગઈ, જેમાં પાંચેય લોકોના ઘટનાસ્થળે જ મોત થયા.
ગાઢ ધુમ્મસને કારણે દુર્ઘટનાનું મુખ્ય કારણ ઓછી દૃશ્યતા હોવાનું જણાવાઈ રહ્યું છે. માહિતી મળતાં, પોલીસ ઘટનાસ્થળે પહોંચી અને બચાવ કામગીરી શરૂ કરી. મૃતકોના મૃતદેહોને કસ્ટડીમાં લઈ લેવામાં આવ્યા છે અને AIIMS શબઘરમાં રાખવામાં આવ્યા છે, અને વધુ તપાસ ચાલી રહી છે. તો બીજી તરફ મૃતકો અંગે વાતી કરીએ તો, તમામ લોકો વાવ-થરાદ જિલ્લાના રહેવાસી હતા.
- અમિતા બેન રાજપૂત (રહે. રાટીલા, દિયોદર),
- અરજણભાઇ સુબાભાઇ રાજપૂત (રહે. રાટીલા, દિયોદર)
- ભરતભાઈ અજાભાઇ રાજપૂત (રહે. અછવાડીયા, લાખણી)
- જનકભાઈ રાજપૂત (રહે. જેતડા, થરાદ)
- સતીષ
રાટીલા ગામના અમિતા બેન પોલીસ કોન્સ્ટેબલ હોવાની વાત સામે આવી છે. SP નરીન્દર સિંહે જણાવ્યું હતું કે, આ તમામ ફોર્ચ્યુનર કારમાં શિમલા ગયાં હતાં. પરત ફરતી વખતે પંજાબના બઠિંડામાં ગાઢ ધુમ્મસને કારણે ડ્રાઈવરે કાબૂ ગુમાવ્યો જેના કારણે ફોર્ચ્યુનર કાર ડિવાઈડર સાથે અથડાઈ હતી અને આ ગંભીર અકસ્માત સર્જાયો હતો.
ટોપ સ્ટોરી
ટ્રેન્ડિંગ સમાચાર
