IPL ફાઈનલને લઈ અમદાવાદમાં ક્રિકેટ ફિવર, 2 સ્પેશિયલ ટ્રેન દોડશે, હોટેલમાં એડવાન્સ બુકિંગ શરૂ

અમદાવાદના નરેન્દ્ર મોદી સ્ટેડિયમમાં રમાનાર આઈપીએલ ફાઈનલ મેચને લઈને સમગ્ર શહેર ક્રિકેટમય બન્યું છે. દેશભરમાંથી મોટી સંખ્યામાં ક્રિકેટ પ્રેમીઓ અમદાવાદ પહોંચવાના હોવાથી રેલવે દ્વારા ખાસ બે સ્પેશિયલ ટ્રેનો દોડાવવાનો નિર્ણય લેવામાં આવ્યો છે,

અમદાવાદમાં ક્રિકેટ ફિવર

Source : PTI

Show Quick Read

Key points generated by AI, verified by newsroom

• અમદાવાદમાં IPL ફાઇનલને લઇ ક્રિકેટ ચાહકોનો ઉત્સાહ, હોટેલના ભાવ વધ્યાં.
• મુંબઈ-અમદાવાદ વચ્ચે બે સ્પેશિયલ ટ્રેનો દોડાવશે રેલવે.
• ગુજરાત ટાઇટન્સે રાજસ્થાનને હરાવી ફાઇનલમાં પ્રવેશ કર્યો.
• શુભમન ગિલની સદી, સાઈ સુદર્શનની ફિફ્ટીથી જીત.
• GT મેચ 31 મેના રોજ રોયલ ચેલેન્જર્સ બેંગ્લોર સામે રમશે.

અમદાવાદના નરેન્દ્ર મોદી સ્ટેડિયમમાં આવતીકાલે રમાનાર આઈપીએલ ફાઈનલ મુકાબલાને લઈને ક્રિકેટ ચાહકોમાં ભારે ઉત્સાહ જોવા મળી રહ્યો છે. મુંબઈ, બેંગલુરુ, દિલ્હી સહિત દેશના વિવિધ શહેરોમાંથી મોટી સંખ્યામાં ક્રિકેટ પ્રેમીઓ અમદાવાદ પહોંચવાના હોવાથી ટ્રાવેલ અને હોટેલ ઇન્ડસ્ટ્રીમાં ભારે માંગ ઊભી થઈ છે. આ કારણે અમદાવાદ હોટેલના ભાવ પણ વધ્યાં છે

ફાઈનલ મેચને ધ્યાનમાં રાખીને પશ્ચિમ રેલવેએ અમદાવાદ અને મુંબઈ વચ્ચે બે જોડી એસી સુપરફાસ્ટ સ્પેશિયલ ટ્રેન દોડાવવાનો નિર્ણય કર્યો છે. 31 મે અને 1 જૂનના રોજ આ વિશેષ ટ્રેનોનું સંચાલન કરવામાં આવશે. વધતી મુસાફરોની ભીડને પહોંચી વળવા અને ક્રિકેટ ચાહકોને સરળ મુસાફરી સુવિધા મળી રહે તે માટે રેલવે દ્વારા આ ખાસ આયોજન કરવામાં આવ્યું છે.

રેલવે સત્તાવાળાઓના જણાવ્યા મુજબ આ સ્પેશિયલ ટ્રેનો માટે આજથી જ બુકિંગ શરૂ કરી દેવામાં આવ્યું છે. જોકે, આ ટ્રેનોમાં વિશેષ ભાડું લેવામાં આવશે. ક્રિકેટ પ્રેમીઓમાં ભારે ઉત્સાહ હોવાના કારણે ટિકિટ બુકિંગ માટે પણ ભારે દોડધામ જોવા મળી રહી છે.

આ પણ વાંચો:

બીજી તરફ અમદાવાદમાં હોટેલોના ભાવમાં પણ મોટો વધારો નોંધાયો છે. શહેરની અનેક હોટેલો અને ગેસ્ટ હાઉસમાં આજથી જ એડવાન્સ બુકિંગ શરૂ થઈ ગયું છે. ફાઈનલ મેચને કારણે અમદાવાદમાં ક્રિકેટ ફીવર છવાઈ ગયો છે અને શહેરમાં ચાહકોની ભારે અવરજવર જોવા મળી રહી છે. 

ગુજરાત ટાઇટન્સે બીજા ક્વોલિફાયરમાં રાજસ્થાન રોયલ્સને 7 વિકેટથી હરાવીને ફાઇનલમાં પ્રવેશ કર્યો. કેપ્ટન શુભમન ગિલની સદી ગુજરાતની એકતરફી જીતમાં મહત્વપૂર્ણ ભૂમિકા ભજવી હતી. પ્રથમ બેટિંગ કરતા રાજસ્થાને 20 ઓવરમાં 6 વિકેટે 214 રન બનાવ્યા. પીછો કરતા, GT એ 18.4 ઓવરમાં 3 વિકેટે 219 રન બનાવીને વિજય મેળવ્યો. ગિલે ટીમ માટે સૌથી વધુ ઇનિંગ્સ રમી, 53 બોલમાં 15 ચોગ્ગા અને 3 છગ્ગાની મદદથી 104 રન બનાવ્યા.

ગિલ સાથે ઓપનિંગ કરનાર સાઈ સુદર્શને પણ શાનદાર ઇનિંગ્સ રમી અને ફિફ્ટી ફટકારી. બંનેએ પ્રથમ વિકેટ માટે 167 રનની ભાગીદારી (77 બોલમાં) કરી, જેનાથી ટીમનો વિજય લગભગ નિશ્ચિત થઈ ગયો. સુદર્શને 32 બોલમાં 8 ચોગ્ગા અને 1 છગ્ગાની મદદથી 58 રન બનાવ્યા. પાછલી મેચની જેમ, આ મેચમાં પણ તે હિટ વિકેટ આઉટ થયો. ગુજરાત બીજા ફાઇનલિસ્ટ બન્યું. ટીમ ૩૧ મે (રવિવાર) ના રોજ રોયલ ચેલેન્જર્સ બેંગ્લોર સામે ફાઇનલ મેચ રમશે