દહેગામ: રખિયાલમાં રહેતા પરિવારે કેનાલમાં ઝંપલાવી આત્મહત્યા કરી લેતા ચકચાર મચી જવા પામી છે. બે સંતાન સાથે પિતાએ કેનાલમાં કૂદી આત્મહત્યા કરી લીધી છે. આ અંગે મળતી માહિતી પ્રમાણે ચેતનસિંહ ઝાલા નામના 33 વર્ષીય યુવાને પુત્ર અને પુત્રી સાથે કેનાલમાં ઝંપલાવ્યું છે. ચેતનસિંહ ઝાલા કડજોદરા પ્રાથમિક આરોગ્ય કેન્દ્રમાં જીંડવા સેન્ટરમાં મલ્ટી પર્પઝ હેલ્થ વર્કર તરીકે ફરજ બજાવતા હતા. જો કે, આત્મહત્યા અંગે હજુ કોઈ કારણ જાણવા મળ્યું નથી. ચેતનસિંહ ઝાલાએ સવારે 10 વાગ્યાના અરસામાં દેહગામના બહિયલ પાસેની કેનાલમાં 2 સંતાન સાથે ઝંપલાવી આપઘાત કર્યો હતો. હાલ આ મામલે પોલીસે તપાસ શરુ કરી છે.


જેતપુરમાં મકાન ધરાશાયી થતા 8 લોકો દટાયા


રાજકોટ: જિલ્લાના જેતપુરમાં ગોદરા વિસ્તારમાં મકાન ધરાશાયી થવાની ઘટના સામે આવી છે. જેતપુરના ગોદરા વિસ્તારમાં આવેલ જૂનું મકાન ધરાશાયી થતા અફરાતફરી મચી જવા પામી છે. ઉપરના ભાગમાં આવેલ વર્ષો જૂની ગઢની રાંગની ભેખડ ધસી પડતાં આ બનાવ બન્યો હતો. ઉપર ભાગના વરસાદના કારણે પાણી વહેતું હોવાથી દુર્ઘટના ઘટી. 




અંદાજે 100 વર્ષ જુના 6 મકાનો ધરાશાઈ થતાં અફરાતફરી મચી ગઈ છે. મકાનમાં રહેલ 8 વ્યક્તિઓ દટાયા હોવાની વિગતો સામે આવી છે. હાલમાં 2 નાની બાળકી અને 1 વૃદ્ધાનું મોત નિપજ્યું છે અને પાંચ લોકો ઈજા ગ્રસ્ત થયા છે. મૃતકમાં વૃદ્ધા જયાબેન રાજુભાઈ મકવાણા ઉ.વ. 50 તેમજ બે બાળકીઓ મેઘના અશોકભાઈ મકવાણા ઉ.વ.10 તેમજ સિદ્ધિ વિક્રમભાઈ સાસડા ઉ.વ.7નું મોત  નિપજ્યું છે.


5 લોકો ઇજાગ્રસ્ત 



  • વંદના અશોકભાઈ મકવાણા ઉ.વ.14 

  • શીતલબેન વિક્રમભાઈ સાસડા ઉ.વ.30

  • કરસનભાઇ દાનાભાઈ સાસડા ઉ.વ.40

  • રિદ્ધિ વિક્રમભાઈ સાસડા ઉ.વ.8

  • અશોકભાઈ રાજુભાઈ મકવાણા ઉ.વ33 નો સમાવેશ થાય છે.


હાલ તમામ ઈજાગ્રસ્ત લોકોને સારવાર જેતપુર સરકારી હોસ્પિટલ ચાલી રહી છે. મકાન ધરાશાયી થવાની ઘટનાને લઈને મોટી સખ્યામાં લોકો એકઠા થઈ ગયા હતા.




આ ઉપરાંત ધારાસભ્ય જયેશ રાદડિયા પણ ઘટના સ્થળે દોડી આવ્યા છે. ઘટના સ્થળે પહોંચી સ્થિતિનું નિરિક્ષણ કરી રહ્યા છે.



ઓઢવ રિંગરોડ પર અકસ્માત, ડિવાઇડર સાથે અથડાતા એક્ટિવા ચાલકનું મોત


અમદાવાદના ઓઢવ રિંગ રોડ પર એક્ટિવા ડિવાઇડર સાથે અથડાતા એક્ટિવા ચલાવનાર યુવકનું મોત થયું છે. ઓઢવ રિંગ રોડ પર બ્રિજ ઉતરતા જ એક્ટિવાની સ્પીડ વધુ હોવાથી બેકાબૂ થયું હતું અને  ડિવાઇડર સાથે અથડાતા એક્ટિવા ચાલકનું મોત નિપજ્યું હતું. ઘટનાના પગલે લોકો એકઠા થઇ ગયા હતા અને જેના કારણે ટ્રાફિક જામ થઇ ગયો હતો.  



Join Our Official Telegram Channel: https://t.me/abpasmitaofficial