Ahmedabad :  20 લાખના દાગીના સાથેનું ગુમ પર્સ કાગઠાપીઠ પોલીસે મહિલાને ગણતરીની કલાકોમાં પરત આપ્યું

અમદાવાદ શહેર પોલીસે "પોલીસ પ્રજાનો મિત્ર છે" ના સૂત્રને સાર્થક કરતા સેવાનું ઉત્કૃષ્ટ ઉદાહરણ પૂરું પાડ્યું છે.

કાગડાપીઠ પોલીસની સરાહનીય કામગીરી

Source : Abp Asmita

અમદાવાદ : અમદાવાદ શહેર પોલીસે "પોલીસ પ્રજાનો મિત્ર છે" ના સૂત્રને સાર્થક કરતા સેવાનું ઉત્કૃષ્ટ ઉદાહરણ પૂરું પાડ્યું છે. કાગઠાપીઠ પોલીસ સ્ટેશનની હદમાં  તારીખ 12 મેના રોજ મંજુબેન નરેશકુમાર ચૌધરી (રહે. રાજસ્થાન) અને તેમના મિત્ર દિનેશકુમાર ભોલારામ ચૌધરી રાજસ્થાનથી ખાનગી બસ દ્વારા અમદાવાદ મેમ્કો ખાતે આવ્યા હતા.  ત્યાંથી તેઓ રિક્ષા દ્વારા કાલુપુર અને ત્યારબાદ બીજી રિક્ષા કરી ગીતામંદિર એસ.ટી. બસ સ્ટેન્ડ પહોંચ્યા હતા. આ મુસાફરી દરમિયાન તેઓ પોતાનું લેડીઝ પર્સ ભૂલથી રિક્ષામાં જ ભૂલી ગયા હતા, જેમાં નીચે મુજબનો કિંમતી સામાન હતો:

• સોનાના દાગીના: 13 તોલા   
• ચાંદીના દાગીના: 1 કિલો   
• રોકડ: રૂ. 5,000/-
    
• કુલ અંદાજિત કિંમત: રૂ. 20,00,000/-

આ અંગેની જાણ કાગડાપીઠ પોલીસ સ્ટેશનમાં કરવામાં આવતા પોલીસે તાત્કાલિક કાર્યવાહી હાથ ધરી હતી. કાગડાપીઠ પોલીસની ટીમે સીસીટીવી ફૂટેજ તથા હ્યુમન સોર્સિસના આધારે તપાસ હાથ ધરી હતી. 

પોલીસની ઝડપી કાર્યવાહી

પોલીસ કમિશનર  તથા ઉચ્ચ અધિકારીઓના માર્ગદર્શન હેઠળ પોલીસ ઇન્સ્પેક્ટર એસ.એ.ગોહિલ અને સેકન્ડ પોલીસ ઇન્સ્પેક્ટર  એસ.એસ.સોલંકીની સૂચનાથી સર્વેલન્સ સ્કોર્ડની ટીમ કામે લાગી હતી.  પો.સ.ઇ. જે.આર.બલાત અને તેમની ટીમે સીસીટીવી ફૂટેજ તથા હ્યુમન સોર્સિસના આધારે તપાસ કરી અરજદાર જે રિક્ષામાં બેઠા હતા તેનો નંબર મેળવી કાઢ્યો હતો. પોલીસે ગણતરીના સમયમાં રિક્ષા શોધી કાઢી તેમાંથી પર્સ અને તમામ કિંમતી મુદ્દામાલ મેળવી અરજદારને સુપરત કર્યો હતો.

આ સરાહનીય કામગીરી કરનાર પોલીસની ટીમ

(1) પો.સ.ઇ. જે.આર.બલાત
(2) અ. હેડ કોન્સ્ટેબલ ક્રિપાલસિંહ અજીતસિંહ
(3) અ. હેડ કોન્સ્ટેબલ કલ્પેશકુમાર કાનજીભાઈ
(4) અ.પો.કો. ગોવિંદસિંહ દિલીપસિંહ
(5) અ.પો.કો. કુલદીપસિંહ વનરાજસિંહ
(6) અ.પો.કો.  દિવ્યરાજસિંહ પ્રતાપસિંહ
(7) અ.પો.કો.  રવિરાજસિંહ ચતુરસિંહ
(8) અ.પો.કો. જયકિશનસિંહ મજબૂતસિંહ
(9) અ.પો.કો. મહેશકુમાર હેમતસંગ
(10)વુ.પો.કો. પુજાબેન પ્રમોદભાઈ 

અમદાવાદ શહેર પોલીસે ઝડપી કામગીરી કરી પ્રજા પ્રત્યેની પોતાની સુરક્ષા અને સેવાની પ્રતિબદ્ધતા સાબિત કરી છે.