ગુજરાતમાં આગામી કેટલા દિવસ ધોધમાર વરસાદની આગાહી? જાણો કયા વિસ્તાર થશે જળતરબોળ?

આગામી પાંચ દિવસ સૌરાષ્ટ્ર અને દક્ષિણ ગુજરાત પંથકમાં ભારે વરસાદ પડવાની શક્યતા છે. સૌરાષ્ટ્રમાં અમરેલી, ગીર-સોમનાથ, જૂનાગઢ, ભાવનગર, પોરબંદરમાં વરસાદની આગાહી કરવામાં આવી છે.

અમદાવાદઃ ગુજરાતમાં આજથી પાંચ દિવસ ભારે વરસાદની શક્યતા છે. હવામાન વિભાગ દ્વારા 31 જુલાઇથી 4 ઓગસ્ટ સુધી રાજ્યમાં ભારે વરસાદ પડવાની આગાહી કરવામાં આવી છે. આ આગાહી વચ્ચે છેલ્લા 24 કલાકમાં રાજ્યના 135 તાલુકામાં મધ્યમથી ભારે વરસાદ નોંધાયો છે. પંચમહાલના હાલોલમાં સૌથી વધુ 3 ઇંચ અને સુરેન્દ્રનગરના ચોટીલામાં અઢી ઇંચ વરસાદ ખાબક્યો છે. રાજ્યના 26 તાલુકામાં 1 ઇંચથી વધુ વરસાદ પડ્યો છે.

હવામાન વિભાગની આગાહી પ્રમાણે આગામી પાંચ દિવસ સૌરાષ્ટ્ર અને દક્ષિણ ગુજરાત પંથકમાં ભારે વરસાદ પડવાની શક્યતા છે. સૌરાષ્ટ્રમાં અમરેલી, ગીર-સોમનાથ, જૂનાગઢ, ભાવનગર, પોરબંદરમાં વરસાદની આગાહી કરવામાં આવી છે. જ્યારે દક્ષિણ ગુજરાતમાં સુરત અને વલસાડમાં ભારે વરસાદની આગાહી કરવામાં આવી છે.