Gujarat Rain Update: રાજ્યમાં વરસાદના પગલે 171 ગામોમાં વીજળી ગુલ થઈ ગઈ છે. ગુજરાતના 5 જિલ્લાના 171 ગામોમાં વીજળી ગુલ થઈ છે. સૌથી વધુ છોટાઉદેપુર જિલ્લાના 145 ગામોમાં વીજળી ગુલ થઈ છે. એક તરફ આકાશી કહેર તો બીજી તરફ ઘરમાં વીજળી ગુલ થતા લોકોને હાલાકીનો સામનો કરવો પડી રહ્યો છે. ઘરમાં વીજળી ન હોવાને કારણે લોકોના અનેક કામો અટાવાયા છે. ખાસ કરીને મોબાઈલ ચાર્જિંગને લઈને લોકોને મુશ્કેલી પડી રહી છે.
સંતરામપુરમાં પડેલા સાંબેલા ધાર વરસાદથી સોસાયટીમાંથી નદીઓ વહેતી હોય તેવા દ્રશ્ય સર્જાયા હતા. ભારે વરસાદના કારણે સંતરામપુર શહેરના અલગ અલગ વિસ્તારોમાં વરસાદી પાણી ભરાયા હતા. સંતરામપુરમાં ભારે વરસાદને કારણે શહેરમાં વીજળી ગુલ થઈ ગઈ હતી.
રવિવારે અમદાવાદમાં થઈ હતી વીજળી ગુલ
અમદાવાદ શહેરમાં રવિવારે પડેલા ભારે વરસાદના કારણે અનેક વિસ્તાર બેટમાં ફેરવાયા હતા. વરસાદના કારણે શેલા ગામમાં વીજળી ગુલ થઈ ગઈ હતી. ગાજવીજ સાથે વરસાદ થતા વીજળી ગુલ થઈ હતી. આ ઉપરાંત રાજ્યમાં ભારે વરસાદના પગલે 16 જિલ્લાના પંચાયત હસ્તકના 382 રસ્તાઓ બંધ થયા છે. સ્ટેટના 36 રસ્તાઓ અને કચ્છને જોડતો 1 નેશનલ હાઇવે પણ બંધ થયો છે. વલસાડ જિલ્લામાં 92, નવસારીના 88 અને તાપી જિલ્લાના 57 રસ્તાઓ વરસાદના પગલે બંધ થયા છે.
રાજ્યમાં છેલ્લા ચોવીસ કલાકમાં સરેરાશ ૩૬ ટકાથી વધુ વરસાદ
રાજ્યમાં છેલ્લા ચોવીસ કલાકમાં સરેરાશ ૩૬ ટકાથી વધુ વરસાદ વરસ્યો છે. છોટા ઉદેપુરના બોડેલીમાં સૌથી વધુ ૨૨ ઇંચ વરસાદ તથા રાજ્યના ૧૨ તાલુકાઓમાં ૮ ઇંચથી વધુ વરસાદ સહિત રાજ્યના ૬૯ તાલુકાઓમાં નોંધપાત્ર વરસાદ વરસ્યો હોવાના અહેવાલો છે. રાજ્યના સ્ટેટ ઇમરજન્સી ઓપરેશન સેન્ટર દ્વારા મળેલા અહેવાલો મુજબ આજે તારીખ ૧૧ જુલાઇ ૨૦૨૨ના રોજ સવારે છ કલાકે પુરા થતાં ૨૪ કલાક દરમિયાન કચ્છ ઝોનમાં સૌથી વધુ ૬૫.૪૫ ટકા, દક્ષિણ ગુજરાત ઝોનમાં ૪૧.૭૯ ટકા, સૌરાષ્ટ્રમાં ૩૯.૪૩ ટકા, પૂર્વ ગુજરાતમાં ૩૦.૦૭ ટકા અને ઉત્તર ગુજરાતમાં ૨૦.૪૪ ટકા સરેરાશ વરસાદ વરસ્યો છે.
ક્વાંટ તાલુકામાં ૪૩૨ મિ.મી., જાંબુઘોડામાં ૪૨૬ મિ.મી., જેતપુર પાવીમાં ૪૦૩ મિ.મી., છોટાઉદેપુરમાં ૩૩૦ મિ.મી., વઘઈમાં ૨૮૮ મિ.મી., આહવામાં ૨૭૫ મિ.મી., ધરમપુરમાં ૨૨૫ મિ.મી., અમદાવાદ શહેરમાં ૨૧૯ મિ.મી., સુબીરમાં ૨૧૧ મિ.મી., વાંસદામાં ૨૦૯ મિ.મી., કપરાડામાં ૨૦૪ મિ.મી., સાગબારામાં ૧૯૭ મિ.મી., સંખેડામાં ૧૮૮ મિ.મી., ડેડીયાપાડામાં ૧૮૬ મિ.મી., ડોલવણમાં ૧૮૦ મિ.મી., ઘોઘંબામાં ૧૫૮ મિ.મી., નડિયાદમાં ૧૪૩ મિ.મી., ગોધરામાં ૧૩૭ મિ.મી., સોજીત્રામાં ૧૩૬ મિ.મી., મહેમદાવાદ અને નસવાડીમાં ૧૩૫ મિ.મી., તિલકવાડા અને હાલોલમાં ૧૩૦ મિ.મી., ઉમરપાડામાં ૧૨૯ મિ.મી., ખેરગામમાં ૧૨૩ મિ.મી., મોરબીમાં ૧૨૧ મિ.મી., માતરમાં ૧૧૮ મિ.મી., ગરુડેશ્વરમાં ૧૧૩ મિ.મી., વસોમાં ૧૦૬ મિ.મી. એમ કુલ ૩૦ તાલુકાઓમાં ૪ ઇંચથી વધુ વરસાદ વરસ્યો છે.
ડભોઇમાં ૯૯ મિ.મી., ખેડામાં ૯૭ મિ.મી., ધોલેરામાં ૯૫ મિ.મી., આણંદમાં તથા શહેરામાં ૯૨ મિ.મી., મુન્દ્રા અને અબડાસામાં ૮૯ મિ.મી., ગણદેવીમાં ૮૫ મિ.મી., ખંભાતમાં ૮૪ મિ.મી., વાઘોડિયામાં ૮૨ મિ.મી., પેટલાદમાં ૮૧ મિ.મી., મહુવામાં ૮૦ મિ.મી., નવસારીમાં ૭૯ મિ.મી., ચીખલી, વલસાડ અને કઠલાલમાં ૭૮ મિ.મી., નાંદોદમાં ૭૭ મિ.મી., તારાપુર, વાલોદ અને દાહોદમાં ૭૩ મિ.મી., દહેગામમાં ૭૧ મિ.મી., કુકરમુંડામાં ૭૦ મિ.મી., પારડીમાં ૬૭ મિ.મી., કાલોલમાં ૬૫ મિ.મી., સાણંદમાં ૬૪ મિ.મી., વાપી તથા કડીમાં ૬૨ મિ.મી., પાદરા, દસકોઈ અને સોનગઢમાં ૬૦ મિ.મી., જલાલપોરમાં ૫૯ મિ.મી., કચ્છ-માંડવી અને વ્યારામાં ૫૮ મિ.મી., નખત્રાણામાં ૫૬ મિ.મી., કલોલમાં તથા લુણાવાડામાં ૫૫ મિ.મી., નિઝરમાં ૫૪ મિ.મી., માંગરોળ અને વડોદરામાં ૫૨ મિ.મી. એમ કુલ ૩૯ તાલુકાઓમાં બે થી ચાર ઇંચ વરસાદ નોંધાયો છે. જ્યારે રાજ્યના ૧૪૯ જેટલા તાલુકાઓમાં બે ઈંચથી ઓછો વરસાદ વરસ્યો હોવાના અહેવાલો પ્રાપ્ત થયા છે.