ગુજરાતમાં કાળઝાળ ગરમીથી મળશે રાહત: માર્ચ મહિનામાં જ શરુ થશે પ્રી-મોન્સૂન એક્ટિવિટી, આ વિસ્તારમાં પડશે વરસાદ
Gujarat Weather: રાજ્યમાં છેલ્લા કેટલાક દિવસોથી પડી રહેલી કાળઝાળ ગરમી વચ્ચે હવે નાગરિકો માટે રાહતના સમાચાર આવ્યા છે. હવામાન વિભાગની તાજી આગાહી મુજબ, આગામી પાંચ દિવસમાં તાપમાનમાં 2 થી 5 ડિગ્રીનો ઘટાડો નોંધાશે.
Gujarat Weather: રાજ્યમાં છેલ્લા કેટલાક દિવસોથી પડી રહેલી કાળઝાળ ગરમી વચ્ચે હવે નાગરિકો માટે રાહતના સમાચાર આવ્યા છે. હવામાન વિભાગની તાજી આગાહી મુજબ, આગામી પાંચ દિવસમાં તાપમાનમાં 2 થી 5 ડિગ્રીનો ઘટાડો નોંધાશે. વેસ્ટર્ન ડિસ્ટર્બન્સ સક્રિય થવાને કારણે માર્ચ મહિનામાં જ પ્રી-મોન્સૂન એક્ટિવિટી શરૂ થશે, જેના ફળસ્વરૂપે રાજ્યના અનેક જિલ્લાઓમાં હળવાથી મધ્યમ વરસાદની શક્યતા છે.
વરસાદનું આગમન: કયા જિલ્લામાં ક્યારે પડશે વરસાદ?
- હવામાન વિભાગે 18 થી 20 માર્ચ દરમિયાન વરસાદની આગાહી કરી છે:
- 18 માર્ચ: કચ્છ, દ્વારકા, મોરબી, જામનગર, બનાસકાંઠા, પાટણ અને સાબરકાંઠામાં મેઘમહેર થઈ શકે છે.
- 19 માર્ચ: વરસાદનો વ્યાપ વધશે. કચ્છ, મોરબી, સુરેન્દ્રનગર, રાજકોટ, ભાવનગર, અમરેલી, ગીર સોમનાથ, દીવ, બોટાદ, બનાસકાંઠા, પાટણ, સાબરકાંઠા ઉપરાંત દક્ષિણ અને મધ્ય ગુજરાતના છોટાઉદેપુર, ભરૂચ, વડોદરા, નર્મદા, તાપી, ડાંગ અને સુરતમાં વરસાદની આગાહી છે.
- 20 માર્ચ: ગીર સોમનાથ, દીવ, અરવલ્લી, દાહોદ અને મહીસાગર જિલ્લામાં વરસાદી માહોલ રહેશે.
ઘેડ વિસ્તારના વિકાસ માટે સરકારનો મોટો નિર્ણય: ₹1423 કરોડની યોજનાને મંજૂરી
વરસાદી પાણી ભરાવાની ગંભીર સમસ્યાનો સામનો કરતા ઘેડ વિસ્તાર માટે સરકારે ઐતિહાસિક નિર્ણય લીધો છે. વર્ષો જૂની આ સમસ્યાના કાયમી ઉકેલ માટે સરકારે કુલ 1423 કરોડ રૂપિયાની યોજનાના બીજા તબક્કાને વહીવટી મંજૂરી આપી દીધી છે.
પ્રોજેક્ટની મુખ્ય વિગતો:
- બે વર્ષમાં કામગીરી પૂર્ણ: ફેઝ-1 ના 17 કામો અને ફેઝ-2 ના 12 કામો આગામી બે વર્ષમાં પૂર્ણ કરવાનું લક્ષ્ય છે.
- નદીઓને ઊંડી કરવામાં આવશે: રાજ્ય સરકાર ઘેડ વિસ્તારની નદીઓના પાણીનો મહત્તમ ઉપયોગ કરવા અને નદીઓને ઊંડી કરવાનું આયોજન કરી રહી છે.
- ખેડૂતોને ફાયદો: અર્જુન મોઢવાડિયાએ જણાવ્યું હતું કે, આ સંયુક્ત સિંચાઈ યોજના પૂર્ણ થવાથી 3 જિલ્લાના ખેડૂતોને મોટો ફાયદો થશે.
ધારાસભ્ય અર્જુન મોઢવાડિયાનું નિવેદન:
તેમણે ઉમેર્યું કે, "ઘેડ વિસ્તારના નાગરિકો માટે ધારાસભ્યોએ સતત પ્રયાસો કર્યા છે. પ્રથમ તબક્કાનું કામ અત્યારે પ્રગતિ હેઠળ છે અને જ્યાં પાણી સુકાશે ત્યાં તુરંત કામ શરૂ કરી દેવામાં આવશે. બાકીના કામો માટે ટેન્ડરની પ્રક્રિયા પણ હાલ ચાલુ છે. અગાઉ 1534 કરોડની યોજનાને સૈદ્ધાંતિક મંજૂરી મળી હતી, જે અંતર્ગત હવે બીજા તબક્કાને પણ મંજૂરી મળી ગઈ છે."
ટોપ સ્ટોરી
ટ્રેન્ડિંગ સમાચાર
