8th Pay Commission News: 8મા પગાર પંચમાં બેસિક સેલેરીમાં DAને સામેલ કરવાની માંગ, પગારમાં થશે ફેરફાર

8th Pay Commission News:  કેન્દ્ર સરકારના કર્મચારીઓ માટે આઠમું પગાર પંચ હાલમાં ચર્ચાનો મુખ્ય વિષય છે.  આઠમા પગાર પંચ માટે પરામર્શ પ્રક્રિયા ઝડપથી આગળ વધી રહી છે.

આઠમા પગાર પંચ માટે પરામર્શ પ્રક્રિયા ઝડપથી આગળ વધી રહી છે.

Source : istockphoto.com

Show Quick Read

Key points generated by AI, verified by newsroom

• કેન્દ્રીય કર્મચારીઓની DA ને બેઝિક સેલરીમાં મર્જ કરવાની માંગ.
• વધતી મોંઘવારીને કારણે DA માં થયેલો વધારો હવે સ્થાયી બન્યો.
• DA મર્જ થવાથી કર્મચારીઓના પગાર અને પેન્શનમાં વધારો થશે.
• સરકારે હાલમાં આવી કોઈ દરખાસ્ત ન હોવાનું સ્પષ્ટ કર્યું.

8th Pay Commission News:  કેન્દ્ર સરકારના કર્મચારીઓ માટે આઠમું પગાર પંચ હાલમાં ચર્ચાનો મુખ્ય વિષય છે.  આઠમા પગાર પંચ માટે પરામર્શ પ્રક્રિયા ઝડપથી આગળ વધી રહી છે. આ દરમિયાન વિવિધ કેન્દ્રીય કર્મચારી સંગઠનો અને ઓલ ઈન્ડિયા NPS એમ્પ્લોયીઝ ફેડરેશન (AINPSEF) એ સરકાર સમક્ષ એક મહત્વપૂર્ણ માંગણી મૂકી છે. અહેવાલો અનુસાર, કર્મચારી સંગઠનોનો દલીલ છે કે, સતત વધતા જતા જીવનનિર્વાહના ખર્ચને ધ્યાનમાં રાખીને વર્તમાન મોંઘવારી ભથ્થું (DA) સીધું બેસિક સેલેરીમાં મર્જ કરવું જોઈએ.

DA મર્જરની માંગ શા માટે કરાઈ?

કર્મચારી સંગઠનોનો દલીલ છે કે છેલ્લા કેટલાક વર્ષોમાં આવશ્યક ચીજવસ્તુઓ અને સેવાઓના ભાવમાં અભૂતપૂર્વ વધારો થયો છે. હાલમાં કેન્દ્ર સરકારના કર્મચારીઓ માટે મોંઘવારી ભથ્થું (DA) 60 ટકા સુધી પહોંચી ગયું છે. યુનિયનો માને છે કે આ વધેલો ફુગાવો હવે કામચલાઉ નથી પરંતુ જીવનનિર્વાહના ખર્ચનો કાયમી ભાગ બની ગયો છે. તેથી તેને અલગ ભથ્થા તરીકે આપવાને બદલે, તેને સુધારેલા બેસિક પગારમાં મર્જ કરવું જોઈએ.

કર્મચારીઓ અને પેન્શનરો પર શું અસર પડશે?

જો આઠમું પગાર પંચ આ માંગણી સ્વીકારે છે તો દેશભરના લાખો કેન્દ્રીય કર્મચારીઓ અને પેન્શનરોના પગાર માળખામાં ઐતિહાસિક ફેરફાર થશે:

બેસિક સેલેરીમાં ડીએ સામેલ કરવાથી કર્મચારીઓના બેસિક સેલેરીમાં નોંધપાત્ર વધારો થશે, જેનાથી તેમના માસિક ઇન-હેન્ડ પગારમાં નોંધપાત્ર વધારો થશે.

અન્ય ભથ્થાઓમાં નોંધપાત્ર વધારો

ઘણા મહત્વપૂર્ણ ભથ્થાં, જેમ કે HRA, મુસાફરી ભથ્થું (TA) અને તબીબી ભથ્થાં, સીધા બેસિક સેલેરીના ટકાવારી પર આધાર રાખે છે. જેમ જેમ મૂળ પગાર વધશે, તેમ તેમ આ ભથ્થાં આપમેળે વધશે.

નિવૃત્તિ લાભો અને પેન્શન લાભો

કર્મચારીઓની ગ્રેચ્યુઇટી, લીવ એન્કેશમેન્ટ અને પ્રોવિડન્ટ ફંડ (PF/NPS) યોગદાન પણ છેલ્લા બેસિક પગારના આધારે નક્કી કરવામાં આવે છે. આ મર્જર નિવૃત્તિ ભંડોળ અને વરિષ્ઠ નાગરિકો માટે માસિક પેન્શનને નોંધપાત્ર રીતે મજબૂત બનાવશે. જોકે, સરકારે અગાઉ સ્પષ્ટતા કરી છે કે આવી કોઈ સત્તાવાર દરખાસ્ત હાલમાં વિચારણા હેઠળ નથી અને આઠમા પગાર પંચનો અંતિમ અહેવાલ બહાર પડ્યા પછી જ નવી પગાર રચનાને અંતિમ સ્વરૂપ આપવામાં આવશે.                       

આ પણ વાંચો

પોસ્ટ ઓફિસની આ સ્કીમમાં દર વર્ષે કમાઓ પૂરા ₹2,46,000 વ્યાજ! જાણો સ્કીમ વિશે સંપૂર્ણ જાણકારી

દર મહિને 3000 રૂપિયા બચાવીને કરોડપતિ બનવું છે? જાણો SIP અને PPFમાંથી કયો ઓપ્શન છે બેસ્ટ!