SIP સિવાય આ 7 ઓપ્શનમાં લગાવો પૈસા, કામ કર્યા વિના દર મહિના આવશે સેલેરી
જો તમે તમારા રોકાણોમાંથી દર મહિને નિશ્ચિત આવક મેળવવા માંગતા હો, તો આ સમાચાર તમારા માટે છે. SIP ઉપરાંત, તમે આ 7 સ્માર્ટ વિકલ્પો દ્વારા તમારા પૈસાનું રોકાણ કરી શકો છો.
Smart Investment Options: ઘણા લોકો પોતાના પૈસાનું સુરક્ષિત અને ફાયદાકારક રોકાણ કરવા વિશે વિચારતા હોય છે. મોટાભાગના લોકોના મનમાં એવો પ્રશ્ન રહે છે કે કમાણી ક્યાં રોકાણ કરવી જેથી ભવિષ્યમાં આર્થિક મુશ્કેલી ન આવે અને દર મહિને નિયમિત આવક પણ મળી રહે. આવો જાણીએ એવા 7 સ્માર્ટ વિકલ્પો વિશે, જ્યાં રોકાણ કરીને તમે નિયમિત આવક મેળવી શકો છો.
1. મ્યુચ્યુઅલ ફંડ SWP (Mutual Fund SWP)
આ રોકાણમાંથી દર મહિને નક્કી રકમ ઉપાડવાનો સરળ વિકલ્પ છે. તેમાં તમારું બાકીનું રોકાણ સતત વધતું રહે છે અને સાથે નિયમિત આવક પણ મળે છે.
2. પોસ્ટ ઓફિસ MIS (Post Office MIS)
જેઓ રોકાણમાં જોખમ લેવા માંગતા નથી તેમના માટે આ શ્રેષ્ઠ વિકલ્પ છે. તેમાં તમારી મૂડી સુરક્ષિત રહે છે અને કેન્દ્ર સરકાર દર મહિને નક્કી વ્યાજ ખાતામાં જમા કરે છે.
3. ડિવિડેન્ડ સ્ટોક્સ (Dividend Stocks)
કેટલીક મોટી કંપનીઓ પોતાના નફાનો એક ભાગ શેરહોલ્ડર્સને ડિવિડેન્ડ રૂપે આપે છે. આવી કંપનીઓ સામાન્ય રીતે સ્થિર અને વિશ્વસનીય માનવામાં આવે છે. શેર ખરીદીને તમે પણ તેમના નફામાં ભાગીદાર બની શકો છો.
આ પણ વાંચો: 8th Pay Commission: 10 નહીં દર 5 વર્ષે વધશે સરકારી કર્મચારીના પગાર? કર્મચારીઓને થઈ જશે બખ્ખા!
4. કોર્પોરેટ બોન્ડ્સ (Corporate Bonds)
આમાં તમે ખાનગી કંપનીઓને લોન સ્વરૂપે પૈસા આપો છો. તેના બદલામાં બેંક FD કરતા વધુ વ્યાજ મળી શકે છે. જોકે રોકાણ પહેલા કંપનીની ક્રેડિટ રેટિંગ તપાસવી ખૂબ જરૂરી છે.
5. સિનિયર સિટિઝન સેવિંગ સ્કીમ (Senior Citizen Saving Scheme)
આ યોજના ખાસ કરીને વરિષ્ઠ નાગરિકો માટે બનાવવામાં આવી છે. તેમાં ત્રિમાસિક ધોરણે વ્યાજ મળે છે અને ટેક્સમાં પણ રાહત મળે છે. આ સ્કીમ ખૂબ વિશ્વસનીય માનવામાં આવે છે.
6. REITs
REITs રિયલ એસ્ટેટમાં રોકાણ કરવાનો સરળ રસ્તો છે. તેમાં મોલ કે ઓફિસ સ્પેસના માલિક બન્યા વગર પણ ભાડાની આવકમાંથી ફાયદો મેળવી શકાય છે.
7. માસિક વ્યાજ FD (Monthly Interest FD)
જે લોકોને દર મહિને નિયમિત આવક જોઈએ છે તેમના માટે આ સારો વિકલ્પ છે. 2026માં ઘણી બેંકો અને NBFCs 6.5% થી 8.5% સુધી વ્યાજ આપી રહી છે. ‘મંથલી પેઆઉટ’ વિકલ્પ પસંદ કરીને FDને પેન્શન જેવી આવકમાં ફેરવી શકાય છે.
ટોપ સ્ટોરી
ટ્રેન્ડિંગ સમાચાર
