Bajaj Housing Finance IPO: બજાજ હાઉસિંગ ફાયનાન્સનો IPO ખુલ્યો, અપ્લાય કરતા પહેલા જાણો આ મુદ્દા

Bajaj Housing Finance IPO: બજાજ ગ્રુપની હાઉસિંગ ફાઈનાન્સ કંપનીએ તેના આઈપીઓ અને તેના લોટ સાઈઝ માટે શેર દીઠ રૂ. 66-70ની પ્રાઇસ બેન્ડ નક્કી કરી છે...

Bajaj Housing Finance IPO: લાંબા સમયથી બજાજ હાઉસિંગ ફાયનાન્સની રાહ જોઈ રહેલા લોકો માટે સારા સમાચાર છે. બજાજ હાઉસિંગ ફાઈનાન્સનો આઈપીઓ આજથી ખુલ્યો છે અને તેના વિશે ઘણા સમયથી ચર્ચા ચાલી રહી છે. બજાજ હાઉસિંગ ફાઇનાન્સ આ IPO દ્વારા 6560 કરોડ રૂપિયા એકત્ર કરવા માંગે છે. બજાજ હાઉસિંગ ફાઇનાન્સ લિમિટેડનો IPO આજે 9 સપ્ટેમ્બરથી 11 સપ્ટેમ્બર સુધી ખુલશે. બજાજ હાઉસિંગ ફાઇનાન્સના IPO માટે સંસ્થાકીય રોકાણકારો માટે 50 ટકા, બિન-સંસ્થાકીય રોકાણકારો માટે 15 ટકા અને રિટેલ રોકાણકારો માટે 35 ટકા ક્વોટા રાખવામાં આવ્યો છે.     

ઓફર ફોર સેલ + ફ્રેશ શેર સંયોજન

IPOમાં નવા શેર અને ઓફર ફોર સેલનું સંયોજન હશે. બજાજ હાઉસિંગ ફાઇનાન્સના IPOમાં રૂ. 3560 કરોડના નવા શેર જાહેર કરવામાં આવશે અને રૂ. 3000 કરોડના વેચાણની ઓફર હશે.

બજાજ હાઉસિંગ ફાઇનાન્સ લિમિટેડ IPO ની વિશેષ વિગતો

બજાજ હાઉસિંગ ફાઇનાન્સનો IPO આજે 9મી સપ્ટેમ્બરે ખુલ્યો છે અને તેનો IPO 11મી સપ્ટેમ્બરે બંધ થશે. બજાજ હાઉસિંગ ફાઇનાન્સના શેરની પ્રાઇસ બેન્ડ રૂ. 66-70ની વચ્ચે રાખવામાં આવી છે, જે મંગળવાર, 3 સપ્ટેમ્બર, 2024 ના રોજ નક્કી કરવામાં આવી હતી. IPO શેરની ફાળવણી 12 સપ્ટેમ્બરે થશે અને જે રોકાણકારો IPOમાં શેર મેળવી શકશે નહીં તેમને 13 સપ્ટેમ્બર સુધીમાં રિફંડ આપવામાં આવશે.

13 સપ્ટેમ્બરે રોકાણકારોના Dmat એકાઉન્ટમાં શેર જમા કરવામાં આવશે. બજાજ હાઉસિંગ ફાઇનાન્સના IPOનું લિસ્ટિંગ 16 સપ્ટેમ્બર (ટેન્ટેટિવ ​​ડેટ) માટે નક્કી કરવામાં આવ્યું છે. બજાજ હાઉસિંગ ફાઇનાન્સ આ પબ્લિક ઇશ્યૂમાંથી રૂ. 6560 કરોડ એકત્ર કરશે.                                                                       

આ પણ વાંચો

 

બજાજ હાઉસિંગ ફાઇનાન્સ શું કરે છે?

બજાજ હાઉસિંગ ફાઇનાન્સ રિટેલ હોમ લોન પૂરી પાડે છે અને નાણાકીય વર્ષ 2023-24માં કંપનીનો ચોખ્ખો નફો રૂ. 1731 કરોડ હતો. બજાજ હાઉસિંગ ફાઇનાન્સના IPOનું લિસ્ટિંગ 16 સપ્ટેમ્બર (ટેન્ટેટિવ ​​ડેટ) માટે નક્કી કરવામાં આવ્યું છે જેમાં ફેરફારો જોઈ શકાય છે.