FD Interest Rate: આ સરકારી બેંકે વધારી દીધુ FD પર વ્યાજ; આજથી નવા દરો અમલમાં

Bank of India Hikes FD Rates: ફેબ્રુઆરી 2025 થી રેપો રેટમાં કુલ 125 બેસિસ પોઈન્ટના ઘટાડા બાદ, મોટાભાગની બેંકોએ ફિક્સ્ડ ડિપોઝિટ (FD) પર વ્યાજ દરો ઘટાડ્યા છે; જોકે, બેંક ઓફ ઈન્ડિયાએ તેનાથી વિપરીત તેના દરોમાં વધારો કર્યો છે.

બેંક ઓફ ઈન્ડિયા FD દર વધાર્યા

Source : istockphoto.com

Show Quick Read

Key points generated by AI, verified by newsroom

• બેંક ઓફ ઈન્ડિયાએ FD દરોમાં વધારો કર્યો, 18 મે, 2026 થી લાગુ.
• 3 કરોડ રૂપિયાથી ઓછી FD પર નવા વ્યાજ દરો લાગુ કરાયા.
• વરિષ્ઠ અને સુપર સિનિયર નાગરિકોને વધુ વ્યાજ દરનો લાભ.
• નોન-કોલેબલ FD પર વધારાનું વ્યાજ, ઘરે બેઠા બુકિંગ શક્ય.

Bank of India Hikes FD Rates: બેંક ઓફ ઈન્ડિયા (Bank of India) એ પોતાના ગ્રાહકોને ભેટ આપતા ફિક્સ્ડ ડિપોઝિટ (FD) પર વ્યાજ દરોમાં વધારો કર્યો છે. જ્યાં મોટાભાગની બેંકોએ ફેબ્રુઆરી 2025 થી ભારતીય રિઝર્વ બેંક (RBI) દ્વારા રેપો રેટમાં કુલ 125 બેસિસ પોઈન્ટ્સના ઘટાડા બાદ ફિક્સ્ડ ડિપોઝિટ પરના દરો ઘટાડી દીધા છે, ત્યાં બેંક ઓફ ઈન્ડિયાએ તેનાથી વિપરીત પગલું ભરીને કેટલીક પસંદગીની મધ્યમ અને લાંબા ગાળાની ડિપોઝિટ પર વ્યાજ દરો વધાર્યા છે.

 

આ સરકારી બેંકે 3 કરોડ રૂપિયાથી ઓછી ફિક્સ્ડ ડિપોઝિટ પર પોતાના વ્યાજ દરો વધાર્યા છે. આ નવા દરો આજથી એટલે કે 18 મે, 2026 થી લાગુ થઈ ગયા છે.

નવા FD રેટ્સ પર એક નજર

FD સમયગાળો	સામાન્ય નાગરિક	વરિષ્ઠ નાગરિક (60-80 વર્ષ)	સુપર સિનિયર સિટિઝન્સ (80+ ઉંમર)
1 વર્ષથી 2 વર્ષથી ઓછી	6.50%	7.00%	7.15%
2 વર્ષથી 3 વર્ષથી ઓછી	6.60%	7.10%	7.25%
3 વર્ષની FD પર	6.70%	7.45%	7.60%

સામાન્ય ગ્રાહકો માટે નવા વ્યાજ દરો

બેંક ઓફ ઈન્ડિયાએ 1 વર્ષથી લઈને 2 વર્ષથી ઓછા સમયની FD પર વ્યાજ દર વધારીને વાર્ષિક 6.5% કરી દીધો છે. આ ઉપરાંત, જે લોકો 2 વર્ષથી લઈને 3 વર્ષથી ઓછા સમય માટે નાણાં જમા કરશે, તેમને હવે 6.6% વ્યાજ મળશે. જ્યારે 3 વર્ષની FD પર બેંક સૌથી વધુ 6.7% ના દરે વ્યાજ આપશે.

સીનિયર સિટીઝન્સને મળશે બમ્પર ફાયદો

બેંકે વૃદ્ધોને હંમેશની જેમ વધુ લાભ આપ્યો છે. 6 મહિનાથી લઈને 3 વર્ષથી ઓછી FD પર સીનિયર સિટીઝન્સને 0.50% અને સુપર સીનિયર સિટીઝન્સને 0.65% વધુ વ્યાજ મળશે. તે જ રીતે, જો FD 3 વર્ષ કે તેથી વધુ સમય માટેની હોય, તો સીનિયર સિટીઝન્સને 0.75% અને સુપર સીનિયર સિટીઝન્સને 0.90% વધારાનું વ્યાજ આપવામાં આવશે.

ઘરે બેઠા બુકિંગની સુવિધા

બેંકે સ્પષ્ટ કર્યું છે કે 1 કરોડ રૂપિયાથી વધુની 'નોન-કોલેબલ' FD (એટલે કે જેમાં સમય પહેલા પૈસા ઉપાડી શકાતા નથી) પર ગ્રાહકોને 0.15% વધુ વ્યાજ મળશે. જોકે, FD પર લોન લેવાની અથવા સમય પહેલા પૈસા ઉપાડવાની સુવિધા માત્ર 'નોર્મલ' FD પર જ મળશે. સાથે જ ગ્રાહકો બેંકની શાખામાં જઈને અથવા ઘરે બેઠા ઈન્ટરનેટ બેંકિંગ અને મોબાઈલ એપ દ્વારા આ FD ખોલાવી શકે છે.

આ પણ વાંચો

SBI માંથી 50 લાખની હોમ લોન લેવાનું વિચારો છો? જાણો કેટલો પગાર જોઈએ અને કેટલી આવશે EMI

ITR Filing 2026: ઈનકમ ટેક્સ રિટર્ન ફાઇલ કરતા પહેલા આ 6 દસ્તાવેજો તૈયાર રાખો, નહીં તો થશે નુકસાન