બુધવારે CNGની કિંમતમાં 2.50 રૂપિયાનો વધારો થયો છે, આ વધારા સાથે દિલ્હીમાં એક કિલો CNG માટે લોકોએ 66.61 રૂપિયા ખર્ચવા પડશે. સીએનજીના વધતા ભાવની અસર ઓલા ઉબેર કેબ ડ્રાઇવરો પર પણ પડી છે, જેના કારણે તેમની કમાણી ઘટી છે. આની અસર એ થઈ છે કે કેટલાક કેબ ડ્રાઈવરોએ તેમની કારમાં એસી ચલાવવા માટે અલગથી પૈસા લેવાનું શરૂ કરી દીધું છે. કેટલીક કેબ પર બોર્ડ લગાવ્યા છે અને એસી ચલાવવા માટે અલગથી ચાર્જ લખ્યો છે. સોશિયલ મીડિયા પર પણ આવી ઘણી પોસ્ટ વાયરલ થઈ રહી છે. અમે આવા ઘણા ડ્રાઇવરો સાથે વાત કરવાનો પ્રયાસ કર્યો પરંતુ તેઓએ કેમેરા સામે બોલવાની ના પાડી.
કેબ ડ્રાઈવર મુખ્તાર અલીનું કહેવું છે કે "ખર્ચ પણ પૂરો નીકળતો નથી અને ઓલા દ્વારા પણ ભાડું વધારવામાં આવી રહ્યું નથી. અમે ઈચ્છીએ છીએ કે ઓલા તરફથી પણ ભાડું વધારવું જોઈએ જેથી કરીને અમારા ખર્ચાઓને પહોંચી વળવામાં આવે. હાલમાં જેટલો સીએનજી પુરાવીએ છે તે એસી ચલાવવામાં પૂરો થઈ જાય છે જેના કારણે ખર્ચા નીકળતા નથી. અમે રોજીંદા કમાતા ડ્રાઈવરો છીએ. સીએનજીના ભાવ વધ્યા છે અને ખર્ચા નીકળતા નતી બીજી બાજુ ઘરના ખર્ચા જેટલા રૂપિયા પણ મળતા નથી.”
ગરીબોના ખિસ્સા પર પડશે અસર
ઓલા કેબ ડ્રાઈવર મોહમ્મદ ફરમાન કહે છે કે "સીએનજીના ભાવમાં વધારાને કારણે અમારી કમાણી સંપૂર્ણપણે બંધ થઈ ગઈ છે. ભાડું વધી રહ્યું નથી. માત્ર કેટલાક ડ્રાઈવરો આ રીતે ચલાવવા માટે વધારાનો ચાર્જ લઈ રહ્યા છે કારણ કે કમાણી કોઈ રીતે થઈ રહી નથી અના કામ પણ કરવું છે અને ઘર પણ ચલાવવું છે. આનાથી ગરીબોના ખિસ્સામાં પર જ અસર થઈ છે. પહેલાં જ્યારે સીએનજીના ભાવ સ્થિર હતા ત્યારે એટલી બધી બચત થતી હતી જેથી ઘરનો ખર્ચો નીકળી જતો હતો જે હવે કાઢવો પણ મુશ્કેલ થઈ રહ્યું છે.”
CNGના ભાવમાં 14 રૂપિયા સુધીનો વધારો
જો કંપનીઓ ભાડું વધારશે તો આવનારા ગ્રાહકોની સંખ્યા ઓછી થશે, જેના કારણે ઓછી રાઈડ મળશે, આ એક કારણ છે જેના કારણે ભાડું નથી વધાર્યું. છેલ્લા 3 મહિનામાં સીએનજીના ભાવમાં રૂ.14નો વધારો થયો છે. 1 જાન્યુઆરીએ CNGની કિંમત 52 રૂપિયા પ્રતિ કિલોની નજીક હતી, હવે તે વધીને 66.61 રૂપિયા પ્રતિ કિલો થઈ ગઈ છે.