7th Pay Commission DA Hike: જો તમે કેન્દ્ર સરકારના કર્મચારી છો અથવા તમારા પરિવારમાં કોઈ કેન્દ્ર સરકારના કર્મચારી છે તો આ સમાચાર તમારા માટે ઉપયોગી છે. હા, લાખો કેન્દ્ર સરકારના કર્મચારીઓ અને પેન્શનરોને મોંઘવારીમાંથી રાહત મળવાની છે. લેબર બ્યુરોએ ડિસેમ્બર (2025) મહિના માટે ઓલ ઈન્ડિયા કન્ઝ્યુમર પ્રાઈસ ઈન્ડેક્સ ફોર ઇન્ડસ્ટ્રિયલ વર્ક્સ (AICPI-IW) જાહેર કર્યો છે. તે 148.2 પર યથાવત છે. ગણતરીઓના આધારે મોંઘવારી ભથ્થું (DA) અને મોંઘવારી રાહત (DR) માં 2% નો વધારો થવાની ધારણા છે. આનાથી DA 58% થી વધીને 60% થશે. આ વધારો સાતમા પગાર પંચ મુજબ મૂળ પગાર પર લાગુ થશે.
ડિસેમ્બર 2025 માં AICPI-IW 148.2 પર રહ્યો. છેલ્લા 12 મહિનાની સરેરાશ 145.54 હતી. ફોર્મ્યૂલા અનુસાર DA% = [{12-મહિનાની સરેરાશ AICPI-IW (2001 આધાર) -261.42} / 261.42 × 100] છે. 2016ના આધારને 2001 સાથે જોડવા માટે 2.88 ફેક્ટર વપરાય છે. ગણતરીના પરિણામે 60.34 % DA મળે છે, જે રાઉન્ડ ફિગરમાં 60 % છે. હાલમાં DA 58 % છે. આનો અર્થ એ થયો કે તેને 60 % સુધી લાવવા માટે તેમાં 2% વધારો કરવામાં આવશે. આ કોઈ સત્તાવાર જાહેરાત નથી. વાસ્તવિક આંકડો સરકાર દ્વારા માર્ચ 2026 માં હોળી પહેલા જાહેર કરવામાં આવશે.
DA શું છે અને તેમાં શા માટે વધારો કરવામાં આવે છે?
ડીએ (DA) એ મોંઘવારીના હિસાબથી કર્મચારીઓને મૂળ પગારમાં મળતો વધારો છે. સરકાર દર વર્ષે જાન્યુઆરી અને જુલાઈમાં DA વધારો લાગુ કરે છે. DA વધારો મૂળભૂત પગાર પર આધારિત હોય છે, તેથી દરેક વધારો પગારને અસર કરે છે. તેની ગણતરી AICPI-IW પર આધારિત છે, જે ઔદ્યોગિક કામદારો માટે દૈનિક જરૂરિયાતની કિંમતોનો મંથલી ઈન્ડેક્સ છે, જે લેબર બ્યુરો દ્વારા બહાર પાડવામાં આવે છે.
છેલ્લે ક્યારે વધારવામાં આવ્યું હતું DA ?
જૂન 2025ના AICPI-IW ડેટાના આધારે, સરકારે ઓક્ટોબર 2025માં DA માં 3% વધારો કર્યો હતો, જે 55 % થી 58 % થયો હતો. ડિસેમ્બરના ડેટાના આધારે આગામી 2% વધારો અપેક્ષિત છે. ઉદાહરણ તરીકે, જો કોઈ કર્મચારીનો મૂળ પગાર ₹50,000 છે, તો તેમનો DA હાલમાં 58 % ના દરે ₹29,000 થાય છે. જો આ DA 60 % કરવામાં આવે છે, તો તે ₹30,000 થશે. આનો અર્થ એ થાય કે દર મહિને ₹1,000 થી વધુનો વધારો દર વર્ષે ₹12,000 નો લાભ. ઉચ્ચ મૂળ પગાર ધરાવતા લોકોને વધુ લાભ મળશે. પેન્શનરોને 2 % DR લાભ પણ મળશે.