Free Cylinder On Diwali: દિવાળીની (Diwali 2024) તારીખ હવે ખૂબ નજીક આવી રહી છે. સમગ્ર ભારતમાં 31 ઓક્ટોબરે દિવાળીનો ખાસ તહેવાર ઉજવવામાં (Diwali Celebration) આવશે. દેશભરમાં આ દિવસની અલગ જ રોનક હોય છે. દિવાળી પર સરકાર પોતાના કર્મચારીઓને બોનસ આપે છે. ખાનગી કંપનીઓમાં પણ કામ કરતા લોકોને તે કંપનીઓ તરફથી બોનસ કે ભેટ આપવામાં આવે છે.
ત્યારે ભારતના અલગ અલગ રાજ્યોની રાજ્ય સરકારો પણ દિવાળી પર પોતાના રાજ્યના નાગરિકો માટે અલગ અલગ પ્રકારની યોજનાઓ લઈને આવે છે. ઉત્તર પ્રદેશ સરકારે પોતાના રાજ્યના નાગરિકો માટે મફત ગેસ સિલિન્ડરની (Free LPG Cylinder) જાહેરાત કરી દીધી છે. દિવાળી પર કયા લોકોને મળશે આ ભેટ અને શું કરવું પડશે તેના માટે, ચાલો આપને જણાવીએ છીએ.
ઉજ્જવલા યોજના લાભાર્થીઓને મળશે મફત સિલિન્ડર
દિવાળીની તારીખ નજીક આવી રહી છે અને ઉત્તર પ્રદેશ સરકારે નાગરિકો માટે દિવાળી ગિફ્ટની જાહેરાત કરી દીધી છે. સરકારે પ્રદેશમાં મફત સિલિન્ડર આપવાની જાહેરાત કરી છે. પરંતુ આનો લાભ માત્ર ઉજ્જવલા યોજનાના લાભાર્થીઓ જ લઈ શકશે. સરકાર 31 ઓક્ટોબરથી ઉજ્જવલા યોજના હેઠળ લાભ લઈ રહેલી મહિલાઓને મફત સિલિન્ડર આપવાનું શરૂ કરી દેશે.
જણાવી દઈએ કે ઉત્તર પ્રદેશ સરકારની જાહેરાત બાદ આંધ્ર પ્રદેશ સરકાર અને ઉત્તરાખંડ સરકારે પણ ઉજ્જવલા યોજના હેઠળ લાભ લઈ રહેલા લાભાર્થીઓ માટે દિવાળી પહેલાં મફત સિલિન્ડર આપવાની જાહેરાત કરી છે. એટલે કે હવે ઉત્તર પ્રદેશ, ઉત્તરાખંડ અને આંધ્ર પ્રદેશમાં ઉજ્જવલા યોજનાના લાભાર્થીઓ માટે દિવાળી ગિફ્ટની વ્યવસ્થા થઈ ગઈ છે.
દિવાળી પર સરકારની મફત સિલિન્ડરની ભેટ જો કોઈ લેવા માંગતું હોય તો તેણે ઉજ્જવલા યોજનામાં નોંધાયેલા હોવું જરૂરી છે. પ્રધાનમંત્રી ઉજ્જવલા યોજનામાં અરજી કરવા માટે સરકારે કેટલીક પાત્રતાઓ નક્કી કરી છે. પાત્રતા પૂરી કરતી મહિલાઓ યોજનામાં અરજી આપવા માટે પોતાના નજીકના કોમન સર્વિસ સેન્ટર પર જઈને અરજી આપી શકે છે. તો આ સાથે જ પોતાના નજીકના એલપીજી ડિસ્ટ્રિબ્યુટર પાસે જઈને પણ યોજના માટે અરજી આપી શકાય છે.
આ પણ વાંચોઃ
Stock Market Today: રોકાણકારોની દિવાળી બગડી, સેન્સેક્સ નિફ્ટીમાં જંગી કડાકો, જાણો કેટલું નુકસાન થયું