ઈન્ડિયા પોસ્ટ પેમેન્ટ્સ બેંક (IPPB) 1 જાન્યુઆરી, 2022 થી તેના બેંકિંગ નિયમોમાં ફેરફાર કરી રહી છે. આ અંતર્ગત પૈસા જમા કરાવવાથી લઈને પૈસા ઉપાડવા સુધીના નિયમોમાં ઘણા ફેરફાર કરવામાં આવ્યા છે. IPPB ગ્રાહકોએ હવે તેમના ખાતામાં એક નિર્દિષ્ટ મર્યાદા કરતાં વધુ રોકડ જમા કરાવવા અથવા ઉપાડવા માટે વધારાના શુલ્ક ચૂકવવા પડશે.
નોંધનીય છે કે, ઈન્ડિયા પોસ્ટ પેમેન્ટ્સ બેંક (IPPB) 3 પ્રકારના બચત ખાતા ખોલવાની સુવિધા આપે છે. બેંકે આ ત્રણેય ખાતાઓને લગતા પૈસા ઉપાડવા અને જમા કરાવવાના નિયમોમાં ફેરફાર કર્યો છે. આવો જાણીએ...
IPPB બેઝિક સેવિંગ્સ એકાઉન્ટ
બેઝિક સેવિંગ્સ એકાઉન્ટમાં કેશ ડિપોઝીટ ફ્રી રાખવામાં આવે છે. ખાતાધારકો કોઈપણ રકમ જમા કરાવી શકે છે. જો કે, આ ખાતામાંથી રોકડ ઉપાડવાનું દર મહિને માત્ર 4 વખત જ ફ્રી રહેશે. ત્યારબાદ, દરેક રોકડ ઉપાડના વ્યવહાર પર 0.50% ચાર્જ વસૂલવામાં આવશે, જે ઓછામાં ઓછા રૂ. 25 પ્રતિ ટ્રાન્ઝેક્શનને આધીન રહેશે.
IPPB બચત અને ચાલુ ખાતું
બચત (મૂળભૂત બચત ખાતા સિવાય) અને ચાલુ ખાતામાં, દર મહિને રૂ. 10,000 સુધીની રોકડ થાપણો મફત હશે. 10,000 રૂપિયાથી વધુની થાપણો માટે, તે રકમના 0.50% અથવા ઓછામાં ઓછા રૂ. 25 પ્રતિ ટ્રાન્ઝેક્શન ચાર્જ કરવામાં આવશે.
IPPBએ તેની વેબસાઈટ પર જણાવ્યું હતું કે, "બેંક તમામ સંબંધિતોને જાણ કરે છે કે રોકડ જમા અને રોકડ ઉપાડના વ્યવહારો પરના નવા શુલ્ક 1 જાન્યુઆરી, 2022થી લાગુ થશે. આ શુલ્કમાં GST/સેસનો સમાવેશ થતો નથી, જે વ્યવહારના સમયે લાગુ પડતા દરે વસૂલવામાં આવશે."
RBIનો નિયમ શું કહે છે?
આ સંદર્ભમાં, ભારતીય રિઝર્વ બેંક (RBI) જણાવે છે કે તમે તમામ IPPB માં 1 લાખ રૂપિયાથી વધુ નહીં રાખી શકો, પરંતુ તમે પોસ્ટ ઓફિસ બેંક એકાઉન્ટ ખોલી શકો છો જ્યાં રૂપિયા 1 લાખથી વધુની કોઈપણ રકમ ટ્રાન્સફર કરવામાં આવશે. જ્યાં સુધી IPPB બેઝિક સેવિંગ્સ એકાઉન્ટનો સંબંધ છે, તેના પર ઘણી બધી મફત સુવિધાઓ ઉપલબ્ધ છે. તમે આ ખાતામાં જેટલા પૈસા ઈચ્છો તેટલા પૈસા જમા કરાવી શકો છો અને તેના પર કોઈ ચાર્જ લાગશે નહીં. જો તમે રોકડ ઉપાડવા માંગો છો, તો એક મહિનામાં 4 વ્યવહારો મફત છે. તે પછી ઉપાડેલી રકમના 0.50 ટકા અથવા દરેક વ્યવહાર પર ઓછામાં ઓછા 25 રૂપિયા ચૂકવવા પડશે. આ નિયમ IPPB ના મૂળભૂત બચત ખાતાનો છે.