Gold and Silver Price: સ્થાનિક વાયદા બજારમાં સપ્તાહના પ્રથમ કારોબારી દિવસે સોનાના પ્રારંભિક વેપારમાં સોમવારે ઘટાડો જોવા મળ્યો છે. સોમવારે સવારે, 5 ઓક્ટોબર, 2021ની ડિલિવરી માટે સોનું MCX પર 0.22 ટકા અથવા 103 રૂપિયા ઘટીને 47,435 રૂપિયા પ્રતિ 10 ગ્રામ પર ટ્રેડ થતું જોવા મળ્યું હતું. આ સિવાય વૈશ્વિક સ્તરે પણ આ સમયે સોનાના ભાવમાં ઘટાડો થયો હતો.
ચાંદીના વાયદાના ભાવ
સોનાની સાથે ચાંદીના વાયદાના ભાવમાં પણ સોમવારે સવારે ઘટાડો જોવા મળ્યો હતો. એમસીએક્સ પર, 3 ડિસેમ્બર, 2021 ના રોજ ડિલિવરી માટે ચાંદીનો ભાવ 0.08 ટકા અથવા 51 રૂપિયા ઘટીને સોમવારે સવારે 64,012 રૂપિયા પ્રતિ કિલોના ભાવે વેપાર થયો હતો. આ સિવાય 3 સપ્ટેમ્બર, 2021 ના રોજ ડિલિવરી માટે ચાંદીની કિંમત 0.17 ટકા અથવા 105 રૂપિયા ઘટીને હાલમાં 63,480 રૂપિયા પ્રતિ કિલોગ્રામ પર ટ્રેડ થઈ રહી હતી.
વૈશ્વિક બજારમાં સોનાના ભાવ
વૈશ્વિક સ્તરે સોમવારે સવારે સોનાના ભાવમાં ઘટાડો થયો હતો. કોમેક્સ પર સોનાના વાયદાના ભાવ 0.03 ટકા અથવા $ 0.50 ઘટીને 1819 ડોલર પ્રતિ ઔંસ પર ટ્રેડ થયા. તે જ સમયે, સોનાની વૈશ્વિક હાજર કિંમત 0.06 ટકા અથવા $ 1.17 ઘટીને $ 1816.43 પ્રતિ ઔંસ પર ટ્રેડ કરી રહી હતી.
આજે દેશના મોટા શહેરોમાં સોના ચાંદીના ભાવ
- નવી દિલ્હીમાં આજે 22 કેરેટ સોનું 46,720 રૂપિયા પ્રતિ દસ ગ્રામ નોંધાયું હતું, જ્યારે ચાંદીના ભાવ 63,600 રૂપિયા પ્રતિ કિલો નોંધાયા હતા.
- કોલકાતામાં આજે 22 કેરેટ સોનું 47,120 રૂપિયા પ્રતિ દસ ગ્રામ નોંધાયું હતું, જ્યારે ચાંદીના ભાવ 63,600 રૂપિયા પ્રતિ કિલો નોંધાયા હતા.
- ચેન્નાઈમાં આજે 22 કેરેટ સોનું 45,090 રૂપિયા પ્રતિ દસ ગ્રામ નોંધાયું હતું, જ્યારે ચાંદીના ભાવ 68,400 રૂપિયા પ્રતિ કિલો નોંધાયા હતા.
- મુંબઈમાં આજે 22 કેરેટ સોનું 46,670 રૂપિયા પ્રતિ દસ ગ્રામ નોંધાયું હતું, જ્યારે ચાંદીના ભાવ 63,600 રૂપિયા પ્રતિ કિલો નોંધાયા હતા.