Gold Silver Price Today: સોમવારે 22 ઓગસ્ટે સોના-ચાંદીના ભાવમાં ઘટાડો નોંધાયો છે. મલ્ટીકોમોડિટી એક્સચેન્જ (MCX) પર ટ્રેડિંગ શરૂ થયાના થોડા સમય બાદ બંને કિંમતી ધાતુઓમાં ઘટાડો થયો હતો. સવારે 10.45 વાગ્યા સુધી સોનું રૂ. 162 અને ચાંદીમાં રૂ. 452નો ઘટાડો જોવા મળ્યો હતો.
હાલમાં સોનું રૂ.52 હજારની નીચે જ ટ્રેડ થઈ રહ્યું છે. 24 કેરેટ શુદ્ધતા સોનાની વાયદાની કિંમત આજે સતત પાંચમા સત્રમાં 0.31 ટકા ઘટીને રૂ. 51317 પ્રતિ દસ ગ્રામ પર આવી છે. આ એક મહિનામાં સૌથી નીચું સ્તર છે. અગાઉ, સોનામાં 51,409 રૂપિયાના સ્તરે વેપાર શરૂ થયો હતો, પરંતુ માંગના અભાવને કારણે, ભાવ ટૂંક સમયમાં નીચે આવી ગયા હતા.
ચાંદીની ચમક પણ ફિક્કી પડી
સોમવારે ચાંદીમાં પણ ઘટાડો જોવા મળી રહ્યો છે. આ લખાય છે ત્યારે એમસીએક્સ પર ચાંદીના વાયદાના ભાવ રૂ. 452 ઘટીને રૂ. 55,044 પ્રતિ કિલો પર આવી ગયા છે. અગાઉ ચાંદીમાં 55,237 રૂપિયાના સ્તરે કારોબાર શરૂ થયો હતો. પરંતુ થોડા સમય પછી તેણે તેના પાછલા બંધ ભાવથી 0.81 ટકા ઘટીને ટ્રેડિંગ શરૂ કર્યું.
વૈશ્વિક બજારની સ્થિતિ
વૈશ્વિક બજારની વાત કરીએ તો આજે સોનું ઘટાડા સાથે લાલ નિશાનમાં કારોબાર કરી રહ્યું છે, પરંતુ ચાંદીમાં તેજી જોવા મળી રહી છે. સોમવારે, યુએસ માર્કેટમાં સોનાની હાજર કિંમત $1,743.14 પ્રતિ ઔંસ હતી, જે તેના અગાઉના બંધ ભાવ કરતાં 0.09 ટકા ઓછી છે. ચાંદીનો હાજર ભાવ આજે 0.16 ટકા વધીને 19.03 ડોલર પ્રતિ ઔંસ થયો છે.
આગળ સોના-ચાંદીની ચાલ કેવી રહેશે?
વૈશ્વિક બજારમાં સોનાના ભાવ પર યુએસ માર્કેટની નોંધપાત્ર અસર જોવા મળી રહી છે. યુ.એસ.માં, જુલાઈના ફુગાવાના આંકડા રાહતરૂપ જણાય છે, જેના કારણે રોકાણકારો ભવિષ્યમાં સોનું ખરીદે તેવી શક્યતા છે. નિષ્ણાંતોનું માનવું છ વર્ષના અંત સુધીમાં જો ભાવ જોઈએ તો સોનું 54 હજારને પાર કરી જશે, પરંતુ જો જિયોપોલિટિકલ ટેન્શનના કારણે ઘટાડો થશે તો સોનાની કિંમત 48 હજાર સુધી સરકી જશે.
તમારા શહેરની સોનાની કિંમત જાણવા માટે આ નંબર પર કોલ કરો
તમે ઘરે બેઠા પણ સોનાની કિંમત ચેક કરી શકો છો. ઈન્ડિયન બુલિયન એન્ડ જ્વેલર્સ એસોસિએશનના જણાવ્યા અનુસાર, તમે 8955664433 નંબર પર મિસ્ડ કોલ આપીને કિંમત જાણી શકો છો. તમારો મેસેજ એ જ નંબર પર આવશે જે નંબર પરથી તમે મેસેજ કરશો. આ રીતે તમે ઘરે બેઠા જ જાણી શકશો સોનાના લેટેસ્ટ રેટ.