unified pension scheme: સરકારી કર્મચારીઓ માટે સારા સમાચાર, હવે UPS પર મળશે NPS જેવી ટેક્સ છૂટ, જાણો નવો નિયમ
unified pension scheme: સરકારે કહ્યું હતું કે UPSને પ્રોત્સાહન આપવા માટે હવે તેના પર એ જ કર લાભો ઉપલબ્ધ થશે જે અત્યાર સુધી NPS હેઠળ ઉપલબ્ધ હતા
unified pension scheme: જો તમે કેન્દ્ર સરકારના કર્મચારી છો અને NPS ને બદલે UPS (યુનિફાઇડ પેન્શન સ્કીમ) પસંદ કરવા માંગો છો તો હવે તમને એ જ કર મુક્તિ મળતી રહેશે. હા, નાણા મંત્રાલયે 4 જૂલાઈ, 2025ના રોજ જાહેર કરેલી એક પ્રેસ રિલિઝમાં સ્પષ્ટતા કરી છે કે હવે UPS પર પણ એ જ આવકવેરા લાભો લાગુ થશે, જે અત્યાર સુધી ફક્ત NPS હેઠળ જ ઉપલબ્ધ હતા. આ પગલું એ કર્મચારીઓ માટે મોટી રાહત સાબિત થઈ શકે છે જેઓ NPS ને બદલે નવી પેન્શન સ્કીમ UPS અપનાવવા માંગે છે.
સરકારે કહ્યું હતું કે UPSને પ્રોત્સાહન આપવા માટે હવે તેના પર એ જ કર લાભો ઉપલબ્ધ થશે જે અત્યાર સુધી NPS હેઠળ ઉપલબ્ધ હતા. UPS NPS હેઠળ એક વિકલ્પ તરીકે ઉપલબ્ધ હોવાથી બંને પર સમાન કર નિયમો લાગુ પડશે. આ સુનિશ્ચિત કરશે કે બંને યોજનાઓમાં સમાનતા છે અને UPS પસંદ કરનારા કર્મચારીઓને પણ સારી કર મુક્તિ અને પ્રોત્સાહનો મળી શકે છે.
NPS માં કર લાભો શું છે?
જ્યારે કર્મચારીઓ NPSમાં નાણાંનું રોકાણ કરે છે ત્યારે તેમને કર મુક્તિ મળે છે. આ મુક્તિ તેના પર નિર્ભર કરે છે કે તેમણે જૂની ટેક્સ સિસ્ટમ પસંદ કરી છે કે નવી. આ મુક્તિ સામાન્ય રોકાણકારો માટે પણ ઉપલબ્ધ છે.
ઓલ્ડ ટેક્સ રિજીમમાં મળનારા ફાયદાઓ
80CCD(1): જો તમે તમારા પગારમાંથી NPSમાં નાણાંનું રોકાણ કરો છો તો તમને કર મુક્તિ મળી શકે છે. આ મુક્તિની મર્યાદા તમારા બેસિક સેલેરીના 10 ટકા અને 1.5 લાખ રૂપિયા સુધી મળે છે જે પણ ઓછું હોય.
80CCD(1B): આ ઉપરાંત જો તમે NPSના તમારા ટિયર-1 એકાઉન્ટમાં 50,000 રૂપિયા વધુનું રોકાણ કર્યું છે, તો તમને તેના પર વધારાની કર મુક્તિ પણ મળે છે.
80CCD(2): સરકાર તમારા NPS ખાતામાં જે પૈસા આપે છે (બેસિક પગાર અને DA ના લગભગ 14 ટકા) તે પણ કર મુક્તિ છે.
નવી કર વ્યવસ્થા
આમાં તમને ફક્ત તમારા NPS ખાતામાં સરકાર દ્વારા કરવામાં આવેલા યોગદાન પર જ કર મુક્તિ મળશે (કલમ 80CCD(2)). સરકારી કર્મચારીઓ આ છૂટ માટે તેમના બેસિક પગાર અને મોંઘવારી ભથ્થા (DA) ના 14 ટકા સુધી કર મુક્તિ મેળવી શકે છે. પરંતુ તમે તમારા NPS ખાતામાં જાતે જમા કરાવેલા પૈસા નવી કર વ્યવસ્થામાં મુક્તિ નથી.
NPS થી UPS માં સ્વિચ કરવાની છેલ્લી તારીખ કઇ છે?
કેન્દ્ર સરકારના કર્મચારીઓ 30 સપ્ટેમ્બર 2025 સુધીમાં NPS થી UPS માં સ્વિચ કરી શકે છે. પહેલા તેની છેલ્લી તારીખ 30 જૂન 2025 હતી, જે હવે લંબાવવામાં આવી છે. NPS એ UPS હેઠળ એક નવો વિકલ્પ છે, જે 1 એપ્રિલ 2025થી શરૂ કરવામાં આવ્યો છે. તેનો હેતુ નિવૃત્તિ પછી કર્મચારીઓને નિશ્ચિત અથવા ગેરંટીકૃત પેન્શન આપવાનો છે. આમાં, કર્મચારી અને સરકાર બંને દર મહિને ફાળો આપે છે અને તે જ પૈસા એક ફંડમાં જમા અને રોકાણ કરવામાં આવે છે, જે નિવૃત્તિ પછી દર મહિને પેન્શન પૂરું પાડે છે.
જો કોઈ કર્મચારી ઓછામાં ઓછા 25 વર્ષ સુધી કામ કરે છે તો તેને દર મહિને નિવૃત્તિ પહેલાના 12 મહિનાના સરેરાશ બેસિક સેલેરીના 50 ટકા પેન્શન તરીકે મળશે. જો સર્વિસ 10 વર્ષથી વધુ પરંતુ 25 વર્ષથી ઓછી હોય તો તેના પ્રમાણમાં પેન્શન આપવામાં આવશે. UPS માં એવું પણ નક્કી કરવામાં આવ્યું છે કે જો કોઈ કર્મચારીએ 10 વર્ષ કે તેથી વધુ સમય માટે કામ કર્યું હોય, અને યોગદાન સમયસર જમા કરવામાં આવ્યું હોય તો તેને દર મહિને ઓછામાં ઓછા 10,000 રૂપિયાના પેન્શન મળવાની ખાતરી છે.
ટોપ સ્ટોરી
ટ્રેન્ડિંગ સમાચાર
