ICICI Bank PNB Loan Costly: રિઝર્વ બેંક ઓફ ઈન્ડિયાએ (Reserve Bank of India) 5 ઓગસ્ટના રોજ સમીક્ષા બેઠકમાં ત્રીજી વખત રેપો રેટમાં વધારો કર્યો છે. સેન્ટ્રલ બેંકે 0.50 બેસિસ પોઈન્ટ્સનો વધારો કર્યો છે. આ પછી એવું માનવામાં આવી રહ્યું હતું કે હવે તમામ બેંકોની લોન વધુ મોંઘી થશે. હાલમાં રેપો રેટ 5.40% છે. RBIની જાહેરાત બાદ બે મોટી બેંકોએ તેમની લોન મોંઘી કરવાનો નિર્ણય લીધો છે.
દેશની સૌથી મોટી ખાનગી ક્ષેત્રની બેંકો ICICI બેંક અને પંજાબ નેશનલ બેંકે તેમના લોનના દરમાં વધારો કરવાનો નિર્ણય કર્યો છે. ICICI બેન્કે તેના એક્સટર્નલ બેન્ચમાર્ક લેન્ડિંગ રેટમાં વધારો કરવાનો નિર્ણય લીધો છે. આ દરો 5 ઓગસ્ટ 2022થી અમલમાં આવ્યા છે. દેશની બીજી સૌથી મોટી જાહેર ક્ષેત્રની બેંક પંજાબ નેશનલ બેંકના I-EBLR વધારવાના નિર્ણય પછી તે 9.10% થઈ ગઈ છે. PNB એ તેના RBI-સંબંધિત લોન RLLR (રેપો લિંક્ડ લેન્ડિંગ રેટ) વધારવાનો નિર્ણય કર્યો છે. તે 7.40% થી વધીને 7.90% થયો છે. આ નવા દરો 8 ઓગસ્ટ 2022થી લાગુ થશે.
એક્સટર્નલ બેન્ચમાર્ક શું છે?
વર્ષ 2019 માં કેન્દ્રીય બેંક એટલે કે ભારતીય રિઝર્વ બેંકે નિર્ણય લીધો હતો કે કોઈપણ પ્રકારની પર્સનલ લોન અને રિટેલ લોનને રેપો રેટ સાથે જોડવામાં આવશે. એક્સટર્નલ બેન્ચમાર્ક લેન્ડિંગ રેટ એ કોઈપણ લોન પર લેવામાં આવતો સૌથી ઓછો વ્યાજ દર છે. હાલમાં બેંકોમાં ત્રણ પ્રકારના એક્સટર્નલ બેન્ચમાર્ક લેન્ડિંગ રેટ ચાલી રહ્યા છે. આમાં MCLR, RLLR અને EBLR દરોનો સમાવેશ થાય છે.
રેપો રેટ 94 દિવસમાં 3 વખત વધ્યો
વધતી મોંઘવારી પર અંકુશ મેળવવા માટે આરબીઆઈએ 94 દિવસમાં કુલ રેપો રેટમાં 3 વખત વધારો કરવાનો નિર્ણય લીધો છે. પ્રથમ બે હપ્તામાં 0.90 બેસિસ પોઈન્ટનો વધારો નોંધવામાં આવ્યો છે. હાલમાં RBI કુલ રેપો રેટ 5.40 ટકા ઓફર કરી રહી છે. દેશમાં વધતી જતી મોંઘવારીને અંકુશમાં લેવા માટે આરબીઆઈ રેપો રેટમાં સતત વધારો કરી રહી છે.