ગેસની કોઈ અછત નથી, ખોટો ગભરાટ ના રાખો! સરકારે આપી ખાતરી, માત્ર અઢી દિવસમાં જ.…

મધ્ય પૂર્વના દેશોમાં ચાલી રહેલા તણાવ અને કતારમાં ઉત્પાદન બંધ થવાના અહેવાલો વચ્ચે પેટ્રોલિયમ મંત્રાલયે દેશવાસીઓને રાહત આપતા કહ્યું કે ભારતનો ઊર્જા પુરવઠો સંપૂર્ણપણે સુરક્ષિત છે.

No LPG Shortage, Cylinders Available in 2.5 Days, Govt Amid Panic Buying

Source : PTI

Show Quick Read

Key points generated by AI, verified by newsroom

મધ્ય પૂર્વમાં યુદ્ધ જેવી સ્થિતિ અને ગેસની અછતની અફવાઓ વચ્ચે ભારત સરકારે સ્પષ્ટ કર્યું છે કે દેશમાં LPG, PNG કે CNGની કોઈ જ અછત નથી. પેટ્રોલિયમ મંત્રાલયે બુધવારે લોકોને ખાસ અપીલ કરી છે કે ખોટા ગભરાટમાં આવીને (પેનિક બાઇંગ) સિલિન્ડરની સંગ્રહખોરી કરવાની બિલકુલ જરૂર નથી. સરકારે દાવો કર્યો છે કે ઘરેલુ LPG સિલિન્ડરનું વિતરણ સામાન્ય રીતે માત્ર અઢી દિવસમાં જ થઈ જાય છે. આગામી સમયમાં પણ આ સપ્લાય અવિરત ચાલુ રહેશે, કારણ કે સરકારે કોઈપણ સંભવિત કટોકટીને પહોંચી વળવા માટે પહેલાથી જ મજબૂત આયોજન કરી લીધું છે.

પરિસ્થિતિ પર સરકારની સીધી નજર

પેટ્રોલિયમ મંત્રાલયના સંયુક્ત સચિવ સુજાતા શર્માએ એક પ્રેસ કોન્ફરન્સમાં જણાવ્યું હતું કે દેશનો ઉર્જા પુરવઠો અત્યારે સંપૂર્ણપણે સુરક્ષિત છે. સરકાર વૈશ્વિક પરિસ્થિતિ પર સતત ચાંપતી નજર રાખી રહી છે. તેમણે એક ખુશખબર આપતા કહ્યું કે, હાલમાં બે નવા LNG (લિક્વિફાઈડ નેચરલ ગેસ) કાર્ગો ભારત તરફ આવી રહ્યા છે, જેનાથી દેશનો ગેસ પુરવઠો વધુ મજબૂત બનશે.

કતારના સંકટની અસર અને ભારતની તૈયારી

તાજેતરમાં ઇરાન અને ગલ્ફ દેશો વચ્ચેના તણાવને પગલે ભારતને સૌથી વધુ LNG સપ્લાય કરતા દેશ કતારે ઉત્પાદન બંધ કરવાનો નિર્ણય લીધો હતો. આ નિર્ણયથી દુનિયાભરમાં ગેસ પુરવઠા અંગે ચિંતા વધી હતી. દેશની કુલ 189 mmscmd ગેસની જરૂરિયાતમાંથી 97.5 mmscmd ગેસ દેશમાં જ ઉત્પન્ન થાય છે, જ્યારે બાકીનો આયાત કરવામાં આવે છે. હાલની કટોકટીના કારણે આશરે 47.4 mmscmd ગેસના પુરવઠા પર અસર પડી છે.

જોકે, સરકારે સ્પષ્ટ કર્યું છે કે ભારતે આયાતના સ્ત્રોતો પહેલેથી જ વધારી દીધા છે. અત્યારે ભારત 40 અલગ-અલગ દેશોમાંથી કાચું તેલ (ક્રૂડ ઓઇલ) ખરીદે છે. અગાઉ આપણું 55% ક્રૂડ ઓઇલ હોર્મુઝ સ્ટ્રેટ (જે વિસ્તારમાં હાલ તણાવ છે) સિવાયના માર્ગોથી આવતું હતું, જે વધારીને હવે 75% કરી દેવામાં આવ્યું છે. આ વ્યૂહરચનાથી સપ્લાય ખોરવાવાનું જોખમ ઘણું ઓછું થઈ ગયું છે.

રિફાઇનરીઓ ધમધમી રહી છે, LPG ઉત્પાદન 25% વધારાયું

લોકોના ઘરમાં ગેસનો ચૂલો સળગતો રહે તે માટે સરકારે તાત્કાલિક ધોરણે કેટલાક કટોકટીના પગલાં લીધા છે:

દેશની રિફાઇનરીઓને પેટ્રોકેમિકલ ઉત્પાદન ઘટાડીને ઘરેલુ ગેસનું (LPG) ઉત્પાદન વધારવા આદેશ અપાયો છે.

આ પગલાંથી સ્થાનિક LPG ઉત્પાદનમાં આશરે 25% નો વધારો થયો છે.

હાલમાં દેશની રિફાઇનરીઓ તેમની સંપૂર્ણ ક્ષમતા પર, અને કેટલીક તો 100% થી પણ વધુ ક્ષમતા પર કામ કરી રહી છે.

બિન-આવશ્યક ક્ષેત્રોને અપાતો ગેસ અત્યારે પ્રાથમિક અને જરૂરી ક્ષેત્રો તરફ વાળવામાં આવ્યો છે.

બુકિંગના નિયમમાં ફેરફાર: 21 ના બદલે 25 દિવસે બુકિંગ

બજારમાં અછતની અફવા ફેલાતા લોકો સંગ્રહખોરી અને કાળાબજાર ન કરે તે માટે સરકારે એક મોટો નિર્ણય લીધો છે. હવે બે LPG સિલિન્ડર રિફિલ બુકિંગ વચ્ચેનો અંતરાલ (ગેપ) 21 દિવસથી વધારીને 25 દિવસ કરી દેવામાં આવ્યો છે.

હાલમાં દિલ્હીમાં ઘરેલુ LPG સિલિન્ડરની કિંમત ₹913 છે. સરકારનું કહેવું છે કે જો આ આગોતરા પગલાં ન લીધા હોત, તો ગેસના ભાવ આસમાને પહોંચી ગયા હોત. દેશમાં પૂરતો ગેસ સ્ટોક ઉપલબ્ધ છે, તેથી નાગરિકોએ અફવાઓથી દૂર રહીને નિશ્ચિંત રહેવાની જરૂર છે.

આ પણ વાંચો

બુકિંગ પછી પણ ઘરે નથી પહોંચી રહ્યો ગેસનો બાટલો? LPG ડીલરની મનમાની રોકવા તાત્કાલિક ડાયલ કરો આ નંબર