India GDP Growth: નાણાકીય વર્ષ 2026માં GDP વૃદ્ધિ દર 7.7 ટકા રહ્યો, સરકારે જાહેર કર્યા આંકડા

India GDP Growth:  ફેબ્રુઆરીમાં સરકારે અંદાજ લગાવ્યો હતો કે નાણાકીય વર્ષ 2026માં ભારતનો જીડીપી વૃદ્ધિદર 7.6% રહી શકે છે. 

નાણાકીય વર્ષ 2026માં ભારતનો જીડીપી વૃદ્ધિદર 7.6% રહી શકે છે. 

Source : તસવીર સોશિયલ મીડિયા

Show Quick Read

Key points generated by AI, verified by newsroom

• નાણાકીય વર્ષ ૨૦૨૬માં ભારતનો જીડીપી ૭.૭% ના દરે વધ્યો.
• જાન્યુઆરી-માર્ચમાં અર્થતંત્ર ૭.૮% વધ્યું, વાર્ષિક અનુમાન સુધર્યું.

India GDP Data: આંકડા અને કાર્યક્રમ અમલીકરણ મંત્રાલય (MoSPI) એ શુક્રવારે નાણાકીય વર્ષ 2026 માટે GDP ડેટા જાહેર કર્યો હતો.  નાણાકીય વર્ષ 2026માં ભારતીય અર્થવ્યવસ્થા 7.7% ના દરે વૃદ્ધિ પામી છે. નાણાકીય વર્ષ 2024-25 માં વિકાસ દર 7.1% હતો. ફેબ્રુઆરીમાં સરકારે અંદાજ લગાવ્યો હતો કે નાણાકીય વર્ષ 2026માં ભારતનો જીડીપી વૃદ્ધિદર 7.6% રહી શકે છે. 

દરમિયાન જાન્યુઆરી-માર્ચમાં ભારતની અર્થવ્યવસ્થા યા વર્ષના સમાન સમયગાળાની તુલનામાં 7.8% વધી છે. જે અગાઉના ક્વાર્ટરમાં 8% (સુધારેલ) વૃદ્ધિ હતી. રાષ્ટ્રીય આંકડા કાર્યાલય અનુસાર, માર્ચમાં પૂરા થતા સમગ્ર નાણાકીય વર્ષ માટે સરકારને આશા છે કે અર્થવ્યવસ્થા 7.7 ટકાના દરે વધી છે જ્યારે  ફેબ્રુઆરીમાં તેનો અંદાજ 7.6% લગાવવામાં આવ્યો હતો. નાણાકીય વર્ષ 2025-26 માં વાસ્તવિક GDP ₹323.12 લાખ કરોડ સુધી પહોંચવાનો અંદાજ છે, જે નાણાકીય વર્ષ 2024-25 માટે GDPના પ્રથમ સુધારેલ અંદાજ (FRE) ₹299.89 લાખ કરોડ હતો. 

આ પણ વાંચોઃ Gold Silver Price Today 5 June: ચાંદી 5,600 રૂપિયા થયું સસ્તુ, સોનાની ચમક પણ ઘટી, જાણો લેટેસ્ટ પ્રાઇસ

નોમિનલ GDP (અથવા વર્તમાન ભાવે GDP) 2025-26 માં ₹346.36 લાખ કરોડ સુધી પહોંચવાનો અંદાજ છે, જે 2024-25માં ₹318.07 લાખ કરોડ હતો; જે 8.9% નો વિકાસ દર દર્શાવે છે. નાણાકીય વર્ષ 2024-25માં ₹273.36 લાખ કરોડની તુલનામાં વાસ્તવિક GVA ₹294.91 લાખ કરોડ સુધી પહોંચવાનો અંદાજ છે; જે 2024-25 માં 7.3% ની તુલનામાં 7.9% નો વિકાસ દર દર્શાવે છે. નાણાકીય વર્ષ 2025-26 દરમિયાન નોમિનલ GVA ₹૩૧૪.૮૭ લાખ કરોડ સુધી પહોંચવાનો અંદાજ છે, જે ૨૦૨૪-૨૫માં ₹૨૮૮.૫૪ લાખ કરોડ હતો જે 9.1% વૃદ્ધિ દર દર્શાવે છે.

આ ક્ષેત્રોએ બે આંકડામાં વૃદ્ધિ નોંધાવી

નાણાકીય વર્ષ 2025-26માં 'ઉત્પાદન', 'વેપાર, સમારકામ, હોટલ, પરિવહન, સંદેશાવ્યવહાર અને પ્રસારણ અને સંગ્રહ સંબંધિત સેવાઓ', અને 'નાણાકીય, રિયલ એસ્ટેટ અને વ્યાવસાયિક સેવાઓ' ક્ષેત્રોએ સ્થિર અને વર્તમાન ભાવે બે આંકડામાં વૃદ્ધિ હાંસલ કરી હતી. સરકારના મતે, આ અંદાજ ઔદ્યોગિક ઉત્પાદન, GST વસૂલાત, કોર્પોરેટ પરિણામો, વાહન વેચાણ, માલવાહક ટ્રાફિક, ટેલિકોમ સેવાનો ઉપયોગ, બેંકિંગ પ્રવૃત્તિઓ, કર વસૂલાત અને વેપાર ડેટા સહિત અનેક મુખ્ય આર્થિક સૂચકાંકો પર આધારિત છે. ભારતના GDPમાં આ વધારો એવા સમયે થયો છે જ્યારે સમગ્ર વિશ્વની અર્થવ્યવસ્થા મંદીનો સામનો કરી રહી છે, ભૂ-રાજકીય તણાવ છે અને ક્રૂડ ઓઇલના ભાવ ઊંચા છે, જે સતત પડકારો ઉભા કરી રહ્યા છે.                 

આ પણ વાંચો

EPFO Interest Rates: સરકાર ક્યારે જમા કરાવશે PFનું વ્યાજ, કેમ થઈ રહ્યો છે વિલંબ?

Polymer Currency: ભારતમાં પ્લાસ્ટિક નોટ લાવવાની તૈયારીમાં RBI, ગવર્નર સંજય મલ્હોત્રાનું મોટું નિવેદન