માત્ર 15 હજારમાં કરો આખા દક્ષિણ ભારતનો પ્રવાસ; IRCTC લાવ્યું 8 રાત્રિનું જબરદસ્ત પેકેજ
Arunachalam Temple Tour: ભારતીય રેલ્વે કેટરિંગ અને પર્યટન નિગમ (IRCTC) એ એક ખાસ ધાર્મિક પ્રવાસ પેકેજ રજૂ કર્યું છે જેનાથી મુસાફરો એક જ યાત્રામાં દક્ષિણ ભારતના અનેક પ્રખ્યાત મંદિરો અને ધાર્મિક સ્થળોની મુલાકાત લઈ શકશે.
- IRCTC દક્ષિણ ભારતના પ્રખ્યાત તીર્થસ્થાનોનું યાત્રા પેકેજ લાવ્યું.
- આ યાત્રા 20 જુલાઈથી શરૂ થઈ નવ દિવસ ચાલશે.
- તેમાં સાત મુખ્ય ધાર્મિક સ્થળોના દર્શન કરાવાશે.
- પેકેજમાં મુસાફરી, ભોજન, રહેઠાણ, વીમો અને ગાઈડ સામેલ.
IRCTC Divya Dakshin Yatra With Arunachalam Package: દક્ષિણ ભારતના પ્રખ્યાત તીર્થસ્થળોના દર્શન કરવાની ઈચ્છા રાખતા શ્રદ્ધાળુઓ માટે સારા સમાચાર છે. ઇન્ડિયન રેલવે કેટરિંગ એન્ડ ટુરિઝમ કોર્પોરેશન એક વિશેષ ધાર્મિક યાત્રા પેકેજ લઈને આવ્યું છે, જે અંતર્ગત મુસાફરો એક જ સફરમાં દક્ષિણ ભારતના કેટલાય અગ્રણી મંદિરો અને ધાર્મિક સ્થળોના દર્શન કરી શકશે. આ યાત્રા ભારત ગૌરવ ટૂરિસ્ટ ટ્રેન દ્વારા આયોજિત કરવામાં આવશે અને તેમાં મુસાફરી, ભોજન, રહેવા તથા અન્ય સુવિધાઓની વ્યવસ્થા પહેલાથી જ સામેલ હશે.
કેટલા દિવસની હશે આ યાત્રા?
IRCTC એ આ વિશેષ ટૂર પેકેજને 'દિવ્ય દક્ષિણ યાત્રા વિથ અરૂણાચલમ' નામ આપ્યું છે. આ યાત્રા 20 જુલાઈથી શરૂ થશે અને કુલ 8 રાત તથા 9 દિવસ સુધી ચાલશે. આ ટૂરનો પેકેજ કોડ SCZBG-63 છે. ટ્રેનમાં કુલ 702 મુસાફરો માટે બેઠકોની વ્યવસ્થા કરવામાં આવી છે, જેમાં સ્લીપર, થર્ડ એસી (3AC) અને સેકન્ડ એસી (2AC) શ્રેણીઓ સામેલ છે. યાત્રાની શરૂઆત સિકંદરાબાદ રેલવે સ્ટેશનથી થશે. જો કે મુસાફરોની સુવિધાને ધ્યાનમાં રાખતા કેટલાય અન્ય સ્ટેશનો પર પણ બોર્ડિંગ અને ડીબોર્ડિંગની સુવિધા આપવામાં આવી છે. મુસાફરો ચાર્લાપલ્લી, જંગાવ, કાઝીપેટ, વારંગલ, મહેબૂબાબાદ, ખમ્મમ, માધિરા, વિજયવાડા, તેનાલી, ઓંગોલ, નેલ્લોર, ગુડુર અને રેણિગુંટા સ્ટેશનોથી પણ આ ટ્રેનમાં સવાર થઈ શકશે.
કઈ જગ્યાઓના કરી શકાશે દર્શન?
આ આધ્યાત્મિક યાત્રા દરમિયાન શ્રદ્ધાળુઓને દક્ષિણ ભારતના સાત અગ્રણી ધાર્મિક સ્થળોના દર્શન કરાવવામાં આવશે. જેમાં તિરુવન્નામલાઈનું પ્રખ્યાત અરૂણાચલેશ્વર મંદિર, ચિદમ્બરમનું નટરાજ મંદિર, ત્રિચીનું શ્રી રંગનાથસ્વામી મંદિર, તંજાવુરનું બૃહદેશ્વર મંદિર, રામેશ્વરમનું શ્રી રામનાથસ્વામી મંદિર, મદુરાઈનું મીનાક્ષી અમ્મન મંદિર અને કન્યાકુમારીનું કુમારી અમ્મન મંદિર સામેલ છે. કન્યાકુમારીમાં મુસાફરો વિવેકાનંદ રોક મેમોરિયલ પણ જોઈ શકશે.
Embark on a soul-stirring journey through the sacred temples and timeless heritage of South India with IRCTC’s Bharat Gaurav Tourist Train – Divya Dakshin Yatra with Arunachalam.https://t.co/GKHvUK1KQJ
— IRCTC Bharat Gaurav Tourist Train (@IR_BharatGaurav) June 2, 2026
(package Code=SCZBG63)#Tamilnadu @RailMinIndia pic.twitter.com/hZkKZUXCKq
કેટલો થશે ખર્ચ?
પેકેજની કિંમત મુસાફરીની શ્રેણી અનુસાર નક્કી કરવામાં આવી છે. પુખ્ત વયના (એડલ્ટ) મુસાફરો માટે સ્લીપર ક્લાસનું ભાડું 15,600 રૂપિયા, 3AC નું 23,100 રૂપિયા અને 2AC નું 29,500 રૂપિયા રાખવામાં આવ્યું છે. જ્યારે 5 થી 11 વર્ષ સુધીના બાળકો માટે સ્લીપરનું ભાડું 14,600 રૂપિયા, 3AC નું 21,900 રૂપિયા અને 2AC નું 28,100 રૂપિયા નિર્ધારિત કરવામાં આવ્યું છે.
કઈ-કઈ સુવિધાઓ છે સામેલ?
આ ટૂર પેકેજની ખાસ વાત એ છે કે ટિકિટની કિંમતમાં ઘણી સુવિધાઓ સામેલ છે. મુસાફરોને યાત્રા દરમિયાન સવારનો નાસ્તો, બપોરનું ભોજન અને રાતનું ખાવાનું ઉપલબ્ધ કરાવવામાં આવશે. આ સિવાય તમામ મુસાફરોને ટ્રાવેલ ઇન્સ્યોરન્સનો લાભ પણ મળશે. સમગ્ર યાત્રા દરમિયાન પ્રશિક્ષિત ટૂર એસ્કોર્ટ મુસાફરોની સહાયતા માટે હાજર રહેશે.
ટોપ સ્ટોરી
ટ્રેન્ડિંગ સમાચાર
