IRFC Share Price: ઈન્ડિયન રેલવે ફાયનાન્સ કોર્પોરેશન (IRFC) ના રોકાણકારો માટે રાહતના સમાચાર છે. પ્રથમ વખત IRFCના શેરના ભાવ IPOના ભાવથી ઉપર ગયા છે. IRFCના શેર ગયા વર્ષે માર્કેટમાં લિસ્ટ થયા હતા. મજબૂત ફંડામેન્ટલ્સ હોવા છતાં, IRFC શેર સારું વળતર જનરેટ કરવામાં નિષ્ફળ રહ્યા હતા, જો કે, વર્તમાન બજારના વલણોને જોતા, વસ્તુઓ હવે બદલાઈ રહી હોય તેવું લાગે છે.
આઈઆરએફસીના શેરમાં આજે એટલે કે 17મી નવેમ્બરની સવારે 7.07 ટકા સુધીનો ઉછાળો જોવા મળ્યો હતો અને સમાચાર લખાયાના સમયે તેનો શેર રૂ.28 પર ટ્રેડ થઈ રહ્યો હતો. સવારના વેપાર દરમિયાન તે રૂ. 28.65ની વિક્રમી ટોચે પણ પહોંચ્યો હતો.
IRFCના IPOની કિંમત શેર દીઠ રૂ. 25 થી 26 નક્કી કરવામાં આવી હતી. ઇન્ડિયન રેલ્વે ફાયનાન્સ કોર્પોરેશન (IRFC) એ ભારતીય રેલ્વે માટે સમર્પિત ભંડોળ સંસ્થા છે. આ કંપનીની સ્થાપના ડિસેમ્બર 1986માં કરવામાં આવી હતી જેથી કરીને ભારતીય રેલ્વે માટે ભારત અને વિદેશમાંથી નાણાં એકત્ર કરી શકાય. વિવિધ અહેવાલો અનુસાર, આ કંપનીની એનપીએ શૂન્ય છે. IRFC રેલવે ઈન્ફ્રાસ્ટ્રક્ચર પ્રોજેક્ટ્સ માટે 45 થી 55 ટકા ફંડ આપે છે. IIFC ખૂબ ઓછા વ્યાજ દરે લોન આપે છે. સરકારી ગેરંટીના બદલામાં આ કંપની રેલવેને લોન આપે છે.
IRFCમાં માત્ર 37 કર્મચારીઓ અને કુલ સંપત્તિ 41,000 કરોડથી વધુ છે
વિવિધ અહેવાલો અનુસાર, IRFCમાં માત્ર 37 કર્મચારીઓ કામ કરે છે, પરંતુ તેની નેટવર્થ હવે રૂ. 41,000 કરોડને પાર કરી ગઈ છે. સરકાર તરફથી આપવામાં આવેલી છૂટને કારણે આ કંપનીએ ટેક્સ પણ ભરવો પડતો નથી. આ કંપનીનું સંચાલન દિલ્હીની હોટલમાંથી થાય છે. FY22માં IRFCનો ભંડોળ ખર્ચ 6.42 ટકા હતો.
ગયા મહિને IIFCL સાથે કરાર કરવામાં આવ્યો હતો
ગયા મહિને, IRFC એ રેલ્વે ઇન્ફ્રાસ્ટ્રક્ચર પ્રોજેક્ટ્સને ફાઇનાન્સ કરવા માટે ઇન્ડિયા ઇન્ફ્રાસ્ટ્રક્ચર કંપની લિમિટેડ (IIFCL) સાથે કરાર કર્યો હતો. 2019-20 અને 2020-22 દરમિયાન કામગીરીમાંથી IRFCની આવક 51 ટકા વધીને રૂ. 20,302 કરોડ થઈ છે. આ સમયગાળા દરમિયાન કંપનીનો નફો પણ લગભગ બમણો વધીને રૂ. 6,090 કરોડ થયો હતો.