IT Stocks Crash: સપ્તાહના પ્રથમ ટ્રેડિંગ દિવસે IT સેક્ટરના શેરો મોટા ઘટાડા સાથે ખુલ્યા હતા. દેશની બીજી સૌથી મોટી આઈટી કંપની ઈન્ફોસિસ 10 ટકાના જંગી ઘટાડા સાથે ખુલી હતી. ઇન્ફોસિસના શેરમાં નીચલી સર્કિટ લાગી. માત્ર ઈન્ફોસિસ જ નહીં પરંતુ ટીસીએસ, ટેક મહિન્દ્રા જેવા આઈટી શેર પણ મોટા ઘટાડા સાથે ખુલ્યા છે. આઈટી શેરોમાં ઘટાડાને કારણે નિફ્ટી આઈટી ઈન્ડેક્સ 2100 પોઈન્ટ તૂટ્યો હતો. હાલમાં નિફ્ટી આઈટી ઈન્ડેક્સ 6.67 ટકા અથવા 1883 પોઈન્ટના ઘટાડા સાથે 26,459 પોઈન્ટ પર ટ્રેડ કરી રહ્યો છે. બીએસઈનો આઈટી ઈન્ડેક્સ પણ મોટા ઘટાડા સાથે કારોબાર કરી રહ્યો છે. BSE IT ઇન્ડેક્સ હાલમાં 6.37 ટકા અથવા 1800 ના ઘટાડા સાથે 26429 પોઇન્ટ પર ટ્રેડ કરી રહ્યો છે.
ઇન્ફોસિસનો શેર કેમ ઘટ્યો?
નાણાકીય વર્ષ 2022-23ના ચોથા ક્વાર્ટરમાં ઈન્ફોસિસના ત્રિમાસિક પરિણામોથી બજાર નિરાશ થઈ ગયું છે. તે જ સમયે, કંપનીએ નવા નાણાકીય વર્ષ માટે માર્ગદર્શનમાં પણ ઘટાડો કર્યો છે. જેના કારણે ઈન્ફોસિસના શેરમાં મોટો ઘટાડો જોવા મળ્યો છે. ઇન્ફોસિસનો શેર 10 ટકા ઘટીને રૂ. 1,250 પર ખુલ્યો હતો. શેર હાલમાં 12 ટકાના ઘટાડા સાથે 1222 પર ટ્રેડ કરી રહ્યો છે. છેલ્લા ટ્રેડિંગ સેશનમાં શેર રૂ.1389 પર બંધ થયો હતો. ઈન્ફોસીસના નબળા પરિણામો બાદ ઘણા બ્રોકરેજ હાઉસે ઈન્ફોસીસના શેરને ડાઉનગ્રેડ કર્યું છે અને રોકાણકારોને શેર વેચવાની સલાહ આપી છે. ઈન્ફોસિસના એડીઆરમાં મોટો ઘટાડો જોવા મળ્યો હતો, જેના પછી બજાર ખુલ્યાના ત્રણ દિવસ પછી ઈન્ફોસિસના શેરમાં ઘટાડો થયો હતો.
અન્ય આઈટી શેરોમાં પણ ઘટાડો નોંધાયો હતો
ઇન્ફોસિસમાં ઘટાડાને કારણે, LTI માઇન્ડટ્રી 8.76 ટકા, ટેક મહિન્દ્રા 6.46 ટકા, એલએન્ડટી ટેક્નોલોજી 5.86 ટકા, કોફોર્જ 4.88 ટકા, ટીસીએસ 3.42 ટકા ઘટીને ટ્રેડ કરી રહ્યાં છે. પર્સિસ્ટન્ટ 7.75 ટકા, કેપીઆઈટી ટેક 4.49 ટકાના ઘટાડા સાથે ટ્રેડ થઈ રહ્યો છે. HCL ટેક 4.59 ટકા, વિપ્રો 2.50 ટકાના ઘટાડા સાથે ટ્રેડ કરી રહ્યો છે. આઈટી ઈન્ડેક્સ અને શેરમાં આવેલા જંગી ઘટાડાની અસર શેરબજારમાં થઈ છે. સેન્સેક્સ 900થી વધુ અને નિફ્ટી 230 પોઈન્ટના ઘટાડા સાથે કારોબાર કરી રહ્યો છે.
સપ્તાહના પ્રથમ ટ્રેડિંગ દિવસે ભારતીય શેરમાં આજે ઘટાડો જોવા મળી રહ્યો છે. ઇન્ફોસિસની નબળા પરિણાને કારણે તમામ આઈટી સ્ટોકમાં મોટો ધબડકો જોવા મળ્યો છે.
સેન્સેક્સ 541.23 પોઈન્ટ અથવા 0.90% ઘટીને 59,889.77 પર અને નિફ્ટી 135.70 પોઈન્ટ અથવા 0.76% ઘટીને 17,692.30 પર હતો. લગભગ 1059 શેર વધ્યા, 1143 શેર ઘટ્યા અને 168 શેર યથાવત.
નિફ્ટીમાં ઈન્ફોસિસ, ટેક મહિન્દ્રા, વિપ્રો, એચસીએલ ટેક અને ટીસીએસ મુખ્ય ઘટનારા સ્ટોક હતા. જ્યારે પાવર ગ્રીડ, ડૉ. રેડ્ડીઝ લેબોરેટરીઝ, કોટક મહિન્દ્રા બેંક, આઈશર મોટર્સ અને નેસ્લે ઈન્ડિયા સૌથી વધુ વધનારા સ્ટોક હતા.