સરકારી તેલ કંપનીઓએ નવા નાણાકીય વર્ષના પ્રથમ દિવસે જનતાને મોટી રાહત આપી છે. દર મહિનાની જેમ આજે મંગળવાર, 1 એપ્રિલના રોજ કંપનીઓએ LPG સિલિન્ડરના ભાવ અપડેટ કર્યા છે. જે આજથી અમલમાં આવી ગયા છે. માહિતી અનુસાર, 19 કિ.ગ્રા. કોમર્શિયલ ગેસ સિલિન્ડરના ભાવમાં મોટો ઘટાડો થયો છે. માર્ચની શરૂઆતમાં હોળી પહેલા કંપનીઓએ ભાવમાં 6 રૂપિયાનો વધારો કર્યો હતો. ઘરેલુ ગેસ સિલિન્ડરના ભાવમાં કોઈ ફેરફાર થયો નથી.
ઓઇલ માર્કેટિંગ કંપનીઓએ 19 કિલોગ્રામના કોમર્શિયલ એલપીજી ગેસ સિલિન્ડરના ભાવમાં 41 રૂપિયાનો ઘટાડો કર્યો છે. આ ઘટાડો આજથી અમલમાં આવ્યો છે. રાજધાની દિલ્હીમાં 19 કિલોગ્રામના કોમર્શિયલ LPG સિલિન્ડરનો છૂટક વેચાણ ભાવ આજથી 1762 રૂપિયા થઈ ગયો છે.
દિલ્હીથી મુંબઈ અને ચેન્નઈ સુધી ગેસ સિલિન્ડરના ભાવમાં ઘટાડો થયો છે. કોમર્શિયલ ગેસ સિલિન્ડરમાં 41 રૂપિયા સુધીના ઘટાડાની જાહેરાત કરવામાં આવી છે. જ્યારે ઘરેલુ ગેસ સિલિન્ડરમાં કોઈ ફેરફાર કરવામાં આવ્યો નથી. ગયા મહિને કોમર્શિયલ ગેસ સિલિન્ડરના ભાવમાં વધારો કરવામાં આવ્યો હતો. ઘરેલુ LPG સિલિન્ડરના ભાવ છેલ્લે માર્ચ 2024માં ઘટાડવામાં આવ્યા હતા. આ પછી છેલ્લા 11 મહિનામાં LPGના ભાવ સ્થિર રહ્યા છે અને તેમાં કોઈ ફેરફાર કરવામાં આવ્યો નથી.
દેશની સૌથી મોટી પેટ્રોલિયમ કંપની ઇન્ડિયન ઓઇલ કોર્પોરેશન તરફથી મળેલી માહિતી અનુસાર, રાષ્ટ્રીય રાજધાની દિલ્હીમાં કોમર્શિયલ ગેસ સિલિન્ડરની કિંમત હવે 1762 રૂપિયા થઈ ગઈ છે અને તેમાં 41 રૂપિયાનો ઘટાડો થયો છે. જ્યારે કોલકાતામાં 44 રૂપિયા 50 પૈસાના ઘટાડા બાદ કોમર્શિયલ ગેસ સિલિન્ડરની નવી કિંમત 1868.50 રૂપિયા થઈ ગઈ છે.
જ્યારે દેશની આર્થિક રાજધાની મુંબઈમાં કોમર્શિયલ ગેસ સિલિન્ડરની કિંમતમાં 42 રૂપિયાનો ઘટાડો કરવામાં આવ્યો છે, જે પછી તે હવે 1713 રૂપિયા 50 પૈસા થઈ ગયો છે. જો આપણે ચેન્નઈની વાત કરીએ તો 43.50 રૂપિયાના ઘટાડા બાદ સિલિન્ડરની નવી કિંમત 1921 રૂપિયા 50 પૈસા થઇ ગઇ છે.
અહીં જો આપણે ઘરેલુ ગેસ સિલિન્ડરના ભાવ વિશે વાત કરીએ તો હાલમાં તે દિલ્હીમાં 803 રૂપિયા, મુંબઈમાં 802 રૂપિયા 50 પૈસા, કોલકાતામાં 829 રૂપિયા અને ચેન્નઈમાં 818 રૂપિયા 50 પૈસામાં ઉપલબ્ધ છે. 9 માર્ચ, 2024ના રોજ ઘરેલુ ગેસ સિલિન્ડરના ભાવમાં લગભગ 100 રૂપિયાનો ઘટાડો કરવામાં આવ્યો હતો.
નોંધનીય છે કે દર મહિનાની શરૂઆતમાં સરકારી તેલ કંપનીઓ દ્વારા ઘરેલુ અને વાણિજ્યિક ગેસ સિલિન્ડરના ભાવની સમીક્ષા કરવામાં આવે છે અને ત્યારબાદ તેમના ભાવો પર નિર્ણય લેવામાં આવે છે. આવી સ્થિતિમાં નવા નાણાકીય વર્ષની શરૂઆતમાં ફરી એકવાર તેલ કંપનીઓએ કોમર્શિયલ સિલિન્ડર પર લોકોને આંચકો આપ્યો છે.