LPG Price Cut: ઓઇલ માર્કેટિંગ કંપનીઓ (OMC) એ LPG ગેસ સિલિન્ડરના ભાવમાં મોટો ઘટાડો જાહેર કર્યો છે. OMCs એ 19 કિલોગ્રામના કોમર્શિયલ ગેસ સિલિન્ડરના ભાવમાં 33.50 રૂપિયાનો ઘટાડો જાહેર કર્યો છે. કોમર્શિયલ ગેસ સિલિન્ડરના નવા ભાવ 1 ઓગસ્ટથી અમલમાં આવશે.

નવા ભાવ અમલમાં આવ્યા પછી દિલ્હીમાં 19 કિલોગ્રામના કોમર્શિયલ LPG સિલિન્ડરનો ભાવ 1 ઓગસ્ટથી 1631.50 રૂપિયા થશે. જોકે, 14.2 કિલોગ્રામના ઘરેલુ LPG ગેસ સિલિન્ડરના ભાવમાં કોઈ ફેરફાર કરવામાં આવ્યો નથી.

આ રાહત હોટલ, રેસ્ટોરન્ટ અને નાના દુકાનદારો માટે ફાયદાકારક સાબિત થશે, કારણ કે તેઓ રોજિંદા કામમાં આ સિલિન્ડરોનો ઉપયોગ કરે છે. જોકે, ઘરોમાં વપરાતા 14.2 કિલોગ્રામના ઘરેલુ ગેસ સિલિન્ડરના ભાવમાં કોઈ ફેરફાર થયો નથી.

કંપનીઓનું કહેવું છે કે આંતરરાષ્ટ્રીય બજારમાં ગેસના ભાવ અને કરમાં વધઘટને ધ્યાનમાં રાખીને કોમર્શિયલ સિલિન્ડરના ભાવ નક્કી કરવામાં આવ્યા છે. ઘરેલુ સિલિન્ડરના ભાવ હાલ સ્થિર રહેશે, જેનાથી સામાન્ય ગ્રાહકોને રાહત મળશે.  જ્યારે આ ઘટાડાથી હોટેલ અને કેટરિંગ વ્યવસાયીઓને થોડી રાહત મળી છે.

આ પહેલા 1 જુલાઈ, 2025 ના રોજ કોમર્શિયલ એલપીજીના ભાવમાં પણ 58.5 રૂપિયાનો ઘટાડો કરવામાં આવ્યો હતો. ત્યારબાદ દિલ્હીમાં કોમર્શિયલ એલપીજીના ભાવ 1665 રૂપિયા થઈ ગયા હતા. આ સતત 5મો મહિનો છે જ્યારે ગેસના ભાવમાં ઘટાડો કરવામાં આવ્યો છે. આ પહેલા જૂનમાં કોમર્શિયલ એલપીજીના ભાવમાં 24 રૂપિયા, મેમાં 14.50 રૂપિયા અને એપ્રિલમાં 41 રૂપિયાનો ઘટાડો કરવામાં આવ્યો હતો.

ઘટાડા પછી મુંબઈ, કોલકાતા, ચેન્નાઈમાં નવી કિંમત શું હશે

આ નવા ઘટાડા પછી પશ્ચિમ બંગાળની રાજધાની કોલકાતામાં 19 કિલોગ્રામના કોમર્શિયલ LPG સિલિન્ડરની કિંમત 1769.00 રૂપિયાથી ઘટીને 1735.50 રૂપિયા, મહારાષ્ટ્રની રાજધાની મુંબઈમાં 1616.50 રૂપિયાથી ઘટીને 1583.00 રૂપિયા અને તમિલનાડુની રાજધાની ચેન્નાઈમાં 1823.50 રૂપિયાથી ઘટીને 1790 રૂપિયા થઈ જશે. તમને જણાવી દઈએ કે ઓઈલ માર્કેટિંગ કંપનીઓએ આ વર્ષે 8 માંથી 7 વખત કોમર્શિયલ ગેસ સિલિન્ડરના ભાવ ઘટાડ્યા છે, જ્યારે માર્ચમાં એક વખત ભાવમાં વધારો કરવામાં આવ્યો હતો. આ વખતે, માર્ચ પછી સતત 5મી વખત કોમર્શિયલ ગેસ સિલિન્ડરના ભાવ ઘટાડવામાં આવ્યા છે.

દેશના મુખ્ય શહેરોમાં 14.2 કિલોગ્રામના ગેસ સિલિન્ડરની કિંમત શું છે 

કંપનીઓના આ નિર્ણયથી રેસ્ટોરન્ટ અને હોટેલ માલિકોને રાહત મળશે. જ્યારે, દેશના સામાન્ય ગ્રાહકોને આ વખતે પણ કોઈ રાહત મળશે નહીં અને તેમને પહેલાની જેમ જ 14.2 કિલોગ્રામ ગેસ સિલિન્ડર જૂના ભાવે ખરીદવા પડશે. 14.2 કિલોગ્રામ એલપીજી ગેસ સિલિન્ડરની કિંમત દિલ્હીમાં 853.00  રૂપિયા, કોલકાતામાં 879.00રૂપિયા, મુંબઈમાં 852.50  રૂપિયા અને ચેન્નાઈમાં 868.50  રૂપિયા છે. તમને જણાવી દઈએ કે આ વર્ષે એપ્રિલમાં ઘરોમાં વપરાતા ઘરેલુ એલપીજી ગેસ સિલિન્ડરના ભાવમાં 50  રૂપિયાનો મોટો વધારો થયો હતો. ત્યારથી, ઘરેલુ ગેસ સિલિન્ડરના ભાવમાં કોઈ ફેરફાર થયો નથી.