ભારતના સૌથી અમીર લોકોની યાદી જાહેર,અબજોપતિઓની યાદીમાં પહેલીવાર સામેલ થયો શાહરુખ ખાન, જુઓ યાદી
Rich List of India 2025: M3M હુરુન ઇન્ડિયાએ બુધવારે ભારતના સૌથી ધનિક વ્યક્તિઓની 2025ની યાદી જાહેર કરી. ઝેપ્ટોના સહ-સ્થાપક કૈવલ્યા વોહરા આ યાદીમાં સ્થાન મેળવનાર સૌથી નાની વયની વ્યક્તિ છે.
Rich List of India 2025: M3M Hurun India એ બુધવારે (1 ઓક્ટોબર, 2025) ભારતના સૌથી ધનિક વ્યક્તિઓની 2025 ની યાદી બહાર પાડી. આ યાદીમાં દેશના ટોચના અબજોપતિઓ અને ઉભરતા ઉદ્યોગસાહસિકોની સફળતા દર્શાવવામાં આવી છે. આ વર્ષે, ભારતમાં અબજોપતિઓની સંખ્યા વધીને 358 થઈ ગઈ છે, જે અત્યાર સુધીનો રેકોર્ડ છે.
₹9.55 લાખ કરોડ ($105 બિલિયન) ની નેટવર્થ સાથે, 68 વર્ષીય મુકેશ અંબાણી અને તેમનો પરિવાર ફરી એકવાર ઈન્ડિયા રીચ લીસ્ટ 2025 (Rich List India 2025)ની યાદીમાં ટોચનું સ્થાન ધરાવે છે. ગૌતમ અદાણી (63) અને તેમનો પરિવાર ₹8.15 લાખ કરોડની નેટવર્થ સાથે બીજા સ્થાને છે.
રોશની નાદર મલ્હોત્રાએ ઇતિહાસ રચ્યો
રોશની નાદર મલ્હોત્રા (44) એ પ્રથમ વખત ટોપ થ્રીમાં સ્થાન મેળવીને ઇતિહાસ રચ્યો છે. ₹2.84 લાખ કરોડની કુલ સંપત્તિ સાથે, તે ભારતની સૌથી ધનિક મહિલા અને ટોચના 10 માં સૌથી નાની ઉંમરની સભ્ય બની. ચેન્નાઈ સ્થિત અરવિંદ શ્રીનિવાસ (31), AI સ્ટાર્ટઅપ પર્પ્લેક્સિટીના સ્થાપક, 21190 કરોડ રૂપિયાની નેટવર્થ સાથે સૌથી યુવા અબજોપતિ બન્યા.. નીરજ બજાજ (70) અને તેમના પરિવારે તેમની સંપત્તિ 43 ટકા વધારીને ₹2.33 લાખ કરોડ કરી, જે યાદીમાં છઠ્ઠા સ્થાને પહોંચી ગયા.
શાહરૂખ ખાન પ્રથમ વખત અબજોપતિઓની યાદીમાં સામેલ
બોલીવુડ સુપરસ્ટાર શાહરૂખ ખાન (59) પ્રથમ વખત અબજોપતિઓની યાદીમાં સામેલ થયો છે. તેમની સંપત્તિ ₹12,490 કરોડ હોવાનો અંદાજ હતો. પેટીએમના સ્થાપક વિજય શેખર શર્મા (46) ફરીથી અબજોપતિ બન્યા છે. $5.9 બિલિયનની કિંમતની કંપની ઝેપ્ટોના સહ-સ્થાપક કૈવલ્ય વોહરા (22) આ યાદીમાં સ્થાન મેળવનારા સૌથી નાની ઉંમરના છે, અને તેમના ભાગીદાર અદિત પાલિચા આ યાદીમાં સ્થાન મેળવનારા બીજા સૌથી નાની ઉંમરના અબજોપતિ છે.
મુંબઈમાં યાદીમાં સૌથી વધુ 451 લોકો છે
આ વર્ષે, 1,687 વ્યક્તિઓનો સમાવેશ કરવામાં આવ્યો હતો, જેમની સંપત્તિ ₹1000 કરોડથી વધુ હતી. આમાં 284 નવા નામોનો સમાવેશ થાય છે. યાદીમાં સામેલ લોકોની સંપત્તિમાં દરરોજ સરેરાશ ₹1,991 કરોડનો વધારો થયો છે. યાદીમાં સૌથી વધુ 451 લોકો મુંબઈમાં છે, ત્યારબાદ દિલ્હી (223) અને બેંગલુરુ (116) છે. આ યાદીમાં 101 મહિલાઓનો પણ સમાવેશ થાય છે.
આ ક્ષેત્રોએ નોંધપાત્ર યોગદાન આપ્યું છે
ભારતના ધનિકોની કુલ સંપત્તિ ₹167 લાખ કરોડ સુધી પહોંચી ગઈ છે. ટેકનોલોજી, ઈન્ફ્રાસ્ટ્રક્ચર, ઓટોમોબાઈલ, જ્વેલરી અને રિયલ એસ્ટેટ જેવા ક્ષેત્રોએ નોંધપાત્ર યોગદાન આપ્યું છે. ભારતમાં હવે 358 ડોલર અબજોપતિઓ છે, જેમની સંપત્તિ GDPના લગભગ અડધા જેટલી છે.
એકંદરે, M3M Hurun India Rich List 2025 દર્શાવે છે કે ભારત માત્ર પરંપરાગત ઉદ્યોગોમાં જ નહીં પરંતુ સ્ટાર્ટઅપ્સ, ટેકનોલોજી અને બાયોટેકમાં પણ વૈશ્વિક સ્તરે ઝડપથી સંપત્તિનું સર્જન કરી રહ્યું છે. ભારતીય ધનિકોની સંખ્યા વૈશ્વિક કેનવાસ પર નવા ભારતની વાર્તા લખી રહી છે.
ટોપ સ્ટોરી
ટ્રેન્ડિંગ સમાચાર
