New Labor Code 2026: લાંબી રાહ જોવડાવ્યા પછી આખરે કેન્દ્ર સરકારે નોકરીયાત વર્ગ માટે 4 નવા શ્રમ સંહિતા (લેબર કોડ) સંપૂર્ણપણે લાગુ કરી દીધા છે. આ નવા નિયમોનો મુખ્ય હેતુ દરેક કામદારને લઘુત્તમ વેતન, સામાજિક સુરક્ષા અને કામ કરવા માટે એક સારું વાતાવરણ પૂરું પાડવાનો છે. સરકારે જૂના અને બોજારૂપ બની ગયેલા 29 કાયદાઓને રદ કરીને આ 4 નવા કોડ અમલમાં મૂક્યા છે. આ ઐતિહાસિક ફેરફારથી ન માત્ર કંપનીઓ માટે નિયમો સરળ બનશે, પરંતુ દરેક નાના-મોટા કામદારની જિંદગીમાં ખૂબ મોટો હકારાત્મક બદલાવ આવશે અને રોજગારીની નવી તકો પણ ઊભી થશે.
આ નવા નિયમો હેઠળ કામના કલાકો અને ઓવરટાઇમમાં મોટા ફેરફારો કરવામાં આવ્યા છે. હવે કોઈપણ કર્મચારી માટે અઠવાડિયામાં વધુમાં વધુ 48 કલાક કામ નક્કી કરવામાં આવ્યું છે. આનાથી કર્મચારીઓ પર વધારાનું ભારણ નહિ પડે. જો કોઈ વ્યક્તિ આ નિર્ધારિત સમય કરતાં વધુ કામ કરે છે, તો કંપનીએ તેને ફરજિયાત ઓવરટાઇમ ચૂકવવો પડશે. આ ઉપરાંત, દરેક કામદારને અઠવાડિયામાં ઓછામાં ઓછી એક રજા આપવી ફરજિયાત કરી દેવાઈ છે.
નોકરીમાં પારદર્શિતા લાવવા માટે વધુ એક મોટો નિર્ણય લેવાયો છે. હવે કોઈપણ કંપની કે સંસ્થામાં નોકરી પર રાખતી વખતે કર્મચારીને લેખિતમાં નિમણૂક પત્ર (ઓફર લેટર) આપવો જરૂરી બનશે, જેથી કર્મચારીના અધિકારો જળવાઈ રહે. સ્વાસ્થ્યને ધ્યાનમાં રાખીને 40 વર્ષ કે તેથી વધુ ઉંમરના કર્મચારીઓ માટે મફત હેલ્થ ચેકઅપની સુવિધા પણ દાખલ કરવામાં આવી છે.
આ નવા કોડમાં મહિલાઓ માટે પણ ખાસ જોગવાઈઓ છે. હવે સમાન કામ માટે મહિલાઓને પુરુષો જેટલો જ પગાર અને સમાન તકો મળશે. વિવિધ શિફ્ટમાં કામ કરતી મહિલાઓને પણ બરાબરીના અધિકારો અપાશે.
નોકરી બદલતા પહેલા જાણી લો ગ્રેચ્યુઇટીના આ નવા નિયમો, નહીંતર થશે મોટું આર્થિક નુકસાન!
જો કોઈ સંજોગોમાં કર્મચારીની નોકરી જતી રહે છે, તો તેને મદદરૂપ થવા માટે સરકારે એક 'રાષ્ટ્રીય રિસ્કિલિંગ ફંડ' ઊભું કર્યું છે. આ ફંડમાંથી નોકરી ગુમાવનાર કામદારને નવી તાલીમ આપવામાં આવશે, જેથી તે ઝડપથી બીજી નોકરી મેળવી શકે. આમ, વેતન સંહિતા 2019, ઔદ્યોગિક સંબંધો સંહિતા 2020, સામાજિક સુરક્ષા સંહિતા 2020 અને વ્યવસાયિક સલામતી સંહિતા 2020 ના અમલથી દેશનું અર્થતંત્ર અને કામદારોનું ભવિષ્ય બંને સુરક્ષિત બનશે.
IT સેક્ટરમાં નોકરી શોધતા યુવાનો માટે ખુશખબર: TCS 25,000 ફ્રેશર્સને આપશે નોકરી!