આવતીકાલથી નવું વર્ષ શરુ થશે. 1 જાન્યુઆરીથી દેશમાં ઘણા મોટા ફેરફારો થશે. જેની સીધી અસર તમારા પર પડશે. આ ફેરફારોમાં બેંક લોકરથી લઈને UPI પેમેન્ટ, ITR ફાઇલિંગથી લઈને સિમ કાર્ડ સુધીની દરેક વસ્તુનો સમાવેશ થાય છે. આવો વિગતવાર જાણીએ શું ફેરફારો થશે.
1 જાન્યુઆરી, 2024 થી, 5 મોટા ફેરફારો થઈ રહ્યા છે, જેની સીધી અસર મોબાઈલ વપરાશકર્તાઓ પર પડશે. આવી સ્થિતિમાં તમારે 31 ડિસેમ્બર પહેલા તમામ કામ પૂર્ણ કરી લેવા જોઈએ. અન્યથા તમે મોબાઈલ ફોન દ્વારા UPI પેમેન્ટ કરી શકશો નહીં. તેમજ સિમ કાર્ડ બ્લોક થઈ શકે છે. મતલબ કે એક રીતે તમારો ફોન જ ડબ્બો બની જશે.
જો તમે એક વર્ષ કે તેથી વધુ સમયથી UPI ID નો ઉપયોગ કર્યો નથી, તો તમારું UPI ID 31 ડિસેમ્બર, 2023 પછી નિષ્ક્રિય થઈ જશે. આનો અર્થ એ છે કે 1 જાન્યુઆરી, 2023 થી, તમે Google Pay, Phone Pay અને Paytm જેવી UPI ચૂકવણીનો ઉપયોગ કરી શકશો નહીં. NPCIએ પોતાની નવી ગાઈડલાઈનમાં કહ્યું છે કે જો કોઈ UPI યુઝર તેના UPI એકાઉન્ટમાંથી એક વર્ષ સુધી કોઈ ટ્રાન્ઝેક્શન નહીં કરે તો તેનું UPI ID બંધ કરી દેવામાં આવશે. જો કોઈ વપરાશકર્તા આ સમયગાળા દરમિયાન પોતાનું બેલેન્સ પણ તપાસે છે, તો તેનું આઈડી બ્લોક કરવામાં આવશે નહીં.
નવા વર્ષથી UPI સિમ કાર્ડ મેળવવું મુશ્કેલ બનશે, કારણ કે સરકાર નવા નિયમો લાગુ કરી રહી છે, જેના કારણે નવું સિમ લેતી વખતે બાયોમેટ્રિક વિગતો આપવી પડશે. આ બિલ રાજ્યસભા અને લોકસભામાં પસાર થઈ ચૂક્યું છે. આ પછી બિલ કાયદો બની જશે.
આ જીમેલ એકાઉન્ટ બંધ કરવામાં આવશે
જીમેઇલ એકાઉન્ટ કે જેનો ઉપયોગ એક કે બે વર્ષથી કરવામાં આવ્યો નથી. ગૂગલ આવા તમામ જીમેલ એકાઉન્ટ બંધ કરી દેશે. નવો નિયમ વ્યક્તિગત જીમેલ એકાઉન્ટ પર લાગુ થશે. જ્યારે નવો નિયમ શાળાઓ અને બિઝનેસ એકાઉન્ટ પર લાગુ થશે નહીં. આવી સ્થિતિમાં, જો તમે જુના જીમેલ એકાઉન્ટનો ઉપયોગ કર્યો નથી, તો તેને એક્ટિવ રાખવું જોઈએ.
લોકર કરાર
ભારતીય રિઝર્વ બેંકે 31 ડિસેમ્બર 2023 સુધીમાં લોકર કરારનું નવીકરણ પૂર્ણ કરવાનો આદેશ આપ્યો છે. તમને જણાવી દઈએ કે લોકરનો નવો નિયમ નવા વર્ષથી લાગુ થવાનો છે. આવી સ્થિતિમાં તમારે 31 ડિસેમ્બર સુધીમાં મંજૂરી આપવી પડશે. અન્યથા તમે લોકરનો ઉપયોગ કરી શકશો નહીં.
નોમિની અપડેટ
ડીમેટ ખાતાધારકે 31મી ડિસેમ્બર સુધીમાં નોમિનીની માહિતી અપડેટ કરવાની રહેશે. અગાઉ તેની સમયમર્યાદા 30 સપ્ટેમ્બર હતી, જેને ત્રણ મહિના વધારીને 31 ડિસેમ્બર કરવામાં આવી હતી.