National Stock Exchange: શેરબજારમાં છેતરપિંડી રોકવા માટે નેશનલ સ્ટોક એક્સચેન્જ (NSE) એ રોકાણકારોને ચેતવણી આપી છે. એનએસઈએ સ્ટોક રોકાણકારોને કેટલીક ટેલિગ્રામ ચેનલો અને ઈન્સ્ટાગ્રામ ચેનલો વિશે સાવચેત રહેવા ચેતવણી જાહેર કરી છે. NSEએ કહ્યું છે કે સ્ટોક રોકાણકારોએ આ ચેનલોની સલાહના આધારે રોકાણના નિર્ણયો ન લેવા જોઈએ. આ ઉપરાંત NSEએ રોકાણકારોને ડબ્બા/ગેરકાયદેસર ટ્રેડિંગ સેવાઓ પૂરી પાડતી કંપની વિશે પણ ચેતવણી આપી છે.
ટેલિગ્રામ અને ઇન્સ્ટાગ્રામ પર મળેલી સલાહથી દૂર રહો
NSE એ કહ્યું છે કે તે ટેલિગ્રામ અને Instagram દ્વારા મળેલી સલાહનો ઉપયોગ ન કરવાની ચેતવણી આપે છે. એક નિવેદનમાં NSE એ Instagram પર BSE NSE લેટેસ્ટ (bse_nse_latest) અને ટેલિગ્રામ પર ભારત ટાર્ડિંગ યાત્રા (BHARAT TARDING YATRA) અંગે ચેતવણી જાહેર કરી છે. આ ચેનલો સિક્યોરિટીઝ માર્કેટ અને રોકાણકારોના ટ્રેડિંગ એકાઉન્ટ્સના મેનેજમેન્ટ પર ટ્રેડિંગ સલાહ આપે છે.
રોકાણકારોએ ગેરન્ટીડ રિટર્નના વચનોથી દૂર રહેવું જોઈએ.
સ્ટોક એક્સચેન્જે જણાવ્યું હતું કે તે રોકાણકારોને શેરબજારમાં ગેરન્ટીડ રિટર્નનું વચન આપતી કોઈપણ વ્યક્તિ અથવા સંસ્થાથી દૂર રહેવાની સલાહ પણ આપે છે. આમ કરવું ગેરકાયદેસર છે. ઉપરાંત, રોકાણકારોએ તેમનો યુઝર આઈડી અને પાસવર્ડ કોઈપણ થર્ડ પાર્ટી સાથે શેર કરવો જોઈએ નહીં. આનાથી તેમને નુકસાન થઈ શકે છે. NSE સમયાંતરે ગેરકાયદેસર વેપાર કરતી સંસ્થાઓના મોબાઈલ નંબર વિશે પણ માહિતી આપતું રહે છે.
રજિસ્ટર્ડ મેમ્બરની જાણકારી હાંસલ થઇ શકે છે
NSEએ કહ્યું કે તેને આદિત્ય નામના વ્યક્તિ વિશે જાણવા મળ્યું છે. તે Bear & Bull PLATFORM અને Easy Trade જેવી કંપનીઓ સાથે સંકળાયેલા છે. આ કંપનીઓ ગેરકાયદે/ગેરકાયદેસર ટ્રેડિંગ સેવાઓ પૂરી પાડે છે. સ્ટોક એક્સચેન્જે તેમના મોબાઈલ નંબર 8485855849 અને 9624495573 પણ આપ્યા છે. સ્ટોક એક્સચેન્જે તેની સામે પોલીસ ફરિયાદ નોંધાવી છે. NSEએ જણાવ્યું કે રોકાણકારો www.nseindia.com/invest/find-a-stock-broker પર જઈને નોંધાયેલા સભ્યોની માહિતી મેળવી શકે છે.