પેટ્રોલ-ડીઝલ સસ્તા થશે! કેન્દ્રીય મંત્રીએ જણાવ્યા ભાવ ઘટવાના કારણો, જનતાને મળશે રાહત

Petrol diesel price drop: ભારત પાસે આગામી 70 થી 80 દિવસ સુધી ચાલે તેટલો તેલનો રિઝર્વ સ્ટોક છે; અમેરિકા-ઈરાન વિવાદ વચ્ચે પણ ભારત વૈકલ્પિક આયાત દ્વારા ભાવ કાબૂમાં લેશે.

petrol diesel price cut central government hardeep singh puri oil

Source : PEXELS

Show Quick Read

Key points generated by AI, verified by newsroom

• કેન્દ્ર સરકારે આગામી સમયમાં ઈંધણ ભાવ ઘટવાના સંકેત આપ્યા.
• ભારત પાસે 70-80 દિવસનો પૂરતો તેલ ભંડાર ઉપલબ્ધ છે.
• વૈશ્વિક ગલ્ફ સપ્લાય અવરોધે ભારત વૈકલ્પિક આયાત વધારશે.
• યુદ્ધ અટકાવવા ભારત શાંતિપૂર્ણ રાજદ્વારી ઉકેલ માટે પ્રયાસરત.

Petrol diesel price drop: છેલ્લા કેટલાક સમયથી પેટ્રોલ અને ડીઝલના સતત વધતા ભાવે સામાન્ય જનતાની કમર તોડી નાખી છે, પરંતુ હવે વાહનચાલકો માટે એક રાહતના સમાચાર છે. કેન્દ્ર સરકારે સંકેત આપ્યા છે કે આગામી મહિનાઓમાં પેટ્રોલ-ડીઝલ સસ્તા થઈ શકે છે. અમેરિકા અને ઈરાન વચ્ચે ચાલી રહેલા સંઘર્ષના કારણે આંતરરાષ્ટ્રીય બજારમાં ક્રૂડ ઓઈલના ભાવ ભલે 100 ડોલર પ્રતિ બેરલની નજીક પહોંચી ગયા હોય, પરંતુ ભારત પાસે પૂરતો ભંડાર અને મજબૂત વૈકલ્પિક વ્યવસ્થા હોવાથી દેશમાં ઇંધણના ભાવ લાંબો સમય સુધી ઊંચા રહેશે નહીં.

"તેલના ભાવ જલ્દી ઘટશે", સરકારની ખાતરી

કેન્દ્રીય પેટ્રોલિયમ અને કુદરતી ગેસ મંત્રી હરદીપ સિંહ પુરીએ સ્પષ્ટ કર્યું છે કે હાલમાં જે ક્રૂડ ઓઈલ અને ગેસના ભાવ વધ્યા છે તે લાંબો સમય ટકશે નહીં. તેમણે સામાન્ય જનતાને હૈયાધારણ આપતા કહ્યું કે, "ભારત પાસે હાલમાં પૂરતો તેલ અને ગેસનો ભંડાર છે." દેશમાં અત્યારે એટલો સ્ટોક છે કે તે આપણી આગામી 70 થી 80 દિવસની જરૂરિયાતોને સરળતાથી પૂરી કરી શકે છે. આ જંગી સ્ટોકના કારણે આવા ટૂંકા ગાળાના સંકટનો સામનો કરવામાં ખૂબ મોટી મદદ મળશે.

અમેરિકા-ઈરાન વિવાદ અને ભારતનું પ્લાનિંગ

અત્યારે ઈરાન અને અમેરિકા વચ્ચેના સંઘર્ષને કારણે દુનિયાભરના ઉર્જા બજારમાં ઉથલપાથલ મચી ગઈ છે. દુનિયાનું 20% તેલ અને ગેસ જે 'હોર્મુઝ સ્ટ્રેટ' (સમુદ્રની સાંકડી પટ્ટી) માંથી પસાર થાય છે, ત્યાં અડચણો ઊભી થતાં વૈશ્વિક સપ્લાય પર માઠી અસર પડી છે. ભારત તેની જરૂરિયાતનું મોટાભાગનું તેલ આયાત કરે છે. જો ગલ્ફ દેશોમાંથી આવતા તેલના સપ્લાય પર અસર પડશે, તો ભારત અમેરિકા અને કેનેડા જેવા દેશોમાંથી પોતાની આયાત વધારીને આ અછતને પહોંચી વળવા માટે પૂરી રીતે તૈયાર છે.

આ પણ વાંચોઃ શું પેટ્રોલ-ડીઝલ ફરી 5 રૂપિયા મોંઘા થશે? તેલ કંપનીઓના નુકસાન વચ્ચે નિષ્ણાતોની ચિંતા

રાજદ્વારી ઉકેલ માટે ભારતના પ્રયાસો ચાલુ

આ બધાની વચ્ચે, ભારત સરકાર બંને પક્ષો વચ્ચે વાતચીત અને રાજદ્વારી સ્તરે શાંતિપૂર્ણ ઉકેલ લાવવા માટે સતત અપીલ કરી રહી છે. ભારતીય વિદેશ મંત્રાલયે પણ આ તાજેતરના તણાવ અંગે ચિંતા વ્યક્ત કરી છે અને તાત્કાલિક શાંતિ જાળવવા પર ભાર મૂક્યો છે. જોકે, કેન્દ્રીય મંત્રીએ એમ પણ સ્વીકાર્યું છે કે જો આ યુદ્ધ લાંબો સમય ચાલશે તો પરિસ્થિતિ થોડી ગંભીર બની શકે છે, પરંતુ હાલ પૂરતું ભારત સુરક્ષિત સ્થિતિમાં છે અને જનતાને જલ્દી ભાવ ઘટાડાનો લાભ મળી શકે છે.