મુકેશ અંબાણીનો માસ્ટર પ્લાન! Hyundai નો રેકોર્ડ તોડશે Jio IPO ? સાઈઝ જાણીને ચોંકી જશો
Reliance Jio IPO Date 2026: મુકેશ અંબાણીની કંપની $4.5 બિલિયન એકત્ર કરવાની તૈયારીમાં, જાણો અંદાજિત પ્રાઇસ બેન્ડ અને વેલ્યુએશનની વિગતો.
Reliance Jio IPO Date 2026: ભારતીય શેરબજારના ઇતિહાસમાં એક નવો અધ્યાય લખાવા જઈ રહ્યો છે. દેશના સૌથી મોટા બિઝનેસ ટાયકૂન મુકેશ અંબાણી (Mukesh Ambani) ની આગેવાની હેઠળની ટેલિકોમ જાયન્ટ રિલાયન્સ જિયો (Reliance Jio) ટૂંક સમયમાં દલાલ સ્ટ્રીટ પર દસ્તક દેવા જઈ રહી છે. બજારના નિષ્ણાતો અને ઉપલબ્ધ અહેવાલો અનુસાર, રિલાયન્સ જિયો વર્ષ 2026 ના પ્રથમ ભાગમાં પોતાનો આઈપીઓ (IPO) લોન્ચ કરે તેવી પ્રબળ શક્યતાઓ છે. કંપનીની 48મી વાર્ષિક સામાન્ય સભા (AGM) દરમિયાન ચેરમેન મુકેશ અંબાણીએ સંકેત આપ્યો હતો કે જિયો પ્લેટફોર્મ્સ જૂન 2026 સુધીમાં લિસ્ટિંગ માટેની તમામ પ્રક્રિયા પૂર્ણ કરવાની યોજના ધરાવે છે. આ સમાચાર બાદ રોકાણકારોમાં ભારે ઉત્સાહ જોવા મળી રહ્યો છે, કારણ કે અનેક ઇન્વેસ્ટમેન્ટ બેન્કર્સ જિયો પ્લેટફોર્મનું મૂલ્યાંકન $130 બિલિયનથી $170 બિલિયનની વચ્ચે આંકી રહ્યા છે.
આ મેગા આઈપીઓનું કદ અને કંપનીની યોજના વિશે વાત કરીએ તો, રિલાયન્સ ગ્રુપ આ પબ્લિક ઓફર દ્વારા બજારમાંથી જંગી ભંડોળ એકત્ર કરવાનું લક્ષ્ય ધરાવે છે. રોઈટર્સના એક અહેવાલ મુજબ, કંપની આ આઈપીઓ દ્વારા પોતાનો 2.50% હિસ્સો વેચીને અંદાજે $4.5 બિલિયન એકત્ર કરી શકે છે. જો આ આંકડો સાચો પડે, તો તે ભારતીય શેરબજારનો અત્યાર સુધીનો સૌથી મોટો આઈપીઓ બની રહેશે. અગાઉ આ રેકોર્ડ હ્યુન્ડાઈ મોટર ઈન્ડિયા (Hyundai Motor India) ના નામે હતો, જેણે વર્ષ 2025 માં $3.3 બિલિયનનો આઈપીઓ લોન્ચ કર્યો હતો. સેબી (SEBI) દ્વારા મોટી કંપનીઓ માટે લઘુત્તમ શેર વેચાણનું કદ 5% થી ઘટાડીને 2.5% કરવાની દરખાસ્ત વિચારણા હેઠળ છે, જેનો સીધો લાભ રિલાયન્સ જિયોને મળી શકે છે. હાલમાં કંપની જરૂરી નિયમનકારી મંજૂરીઓ મેળવવાની પ્રક્રિયામાં છે.
રોકાણકારો માટે સૌથી મહત્વનો પ્રશ્ન એ છે કે શેરની કિંમત શું હશે અને ગ્રે માર્કેટમાં શું સ્થિતિ છે? બજારના સૂત્રોના જણાવ્યા મુજબ, રિલાયન્સ જિયો આઈપીઓનું ગ્રે માર્કેટ પ્રીમિયમ (GMP) હાલમાં પ્રતિ શેર ₹93 બોલાઈ રહ્યું છે, જે દર્શાવે છે કે સત્તાવાર DRHP ફાઈલિંગ પહેલા જ બજારમાં આ શેરની ભારે માંગ છે. પ્રાઇસ બેન્ડ અંગે બોનાન્ઝા રિસર્ચના વિશ્લેષક અભિનવ તિવારીના જણાવ્યા અનુસાર, કંપનીના $130 થી $170 બિલિયનના વેલ્યુએશન અને રિટેલ રોકાણકારો માટે 15-20% ડિસ્કાઉન્ટની ગણતરી કરીએ તો, શેરની કિંમત $1,048 થી $1,457 ની વચ્ચે રહેવાની શક્યતા છે. જોકે, આ આંકડા અંતિમ વેલ્યુએશન અને કરન્સી રેટ પર આધારિત રહેશે.
(ડિસ્ક્લેમર: અહીં આપેલી માહિતી માત્ર જાણકારી માટે છે. શેરબજારમાં રોકાણ બજારના જોખમોને આધીન છે. કોઈપણ પ્રકારનું રોકાણ કરતા પહેલા તમારા નાણાકીય સલાહકાર અથવા નિષ્ણાતની સલાહ અવશ્ય લેવી.)
ટોપ સ્ટોરી
ટ્રેન્ડિંગ સમાચાર
