Stock Market Closing-27th-september-2023: ભારતીય શેરબજાર માટે બુધવારનું ટ્રેડિંગ સત્ર ખૂબ જ શાનદાર રહ્યું છે. બજારમાં નીચલા સ્તરેથી મજબૂત રિકવરી જોવા મળી છે. દિવસ દરમિયાન બજારમાં જોરદાર ઘટાડો જોવા મળ્યો હતો. પરંતુ રિલાયન્સ. ITC અને L&T સ્ટોકમાં ખરીદીને કારણે સેન્સેક્સમાં 600 પોઈન્ટની રિકવરી જોવા મળી હતી અને નિફ્ટીમાં 175 પોઈન્ટની રિકવરી જોવા મળી હતી. ટ્રેડિંગના અંતે BSE સેન્સેક્સ 173 પોઈન્ટના ઉછાળા સાથે 66,118 પોઈન્ટ પર અને નેશનલ સ્ટોક એક્સચેન્જનો નિફ્ટી 52 પોઈન્ટના ઉછાળા સાથે 19,716 પોઈન્ટ પર બંધ રહ્યો હતો.
સેક્ટરની સ્થિતિ
આજના કારોબારમાં આઈટી, ફાર્મા, એફએમસીજી, એનર્જી, ઈન્ફ્રા, હેલ્થકેર સેક્ટરના શેરોમાં ખરીદારી જોવા મળી હતી. મિડકેપ શેરોમાં ખરીદીને કારણે નિફ્ટી મિડ કેપ ઈન્ડેક્સ 302 પોઈન્ટના ઉછાળા સાથે 40,640 પોઈન્ટ પર બંધ થયો હતો. સ્મોલ કેપ શેરોમાં પણ જોરદાર ઉછાળો જોવા મળ્યો હતો અને ઈન્ડેક્સ 0.98 ટકાના વધારા સાથે બંધ થયો હતો. જો કે આજના કારોબારમાં બેન્કિંગ અને ફાઇનાન્શિયલ સર્વિસના શેરો ઘટાડા સાથે બંધ થયા છે. સેન્સેક્સના 30 શેરોમાંથી 21 શેર ઉછાળા સાથે અને 9 ઘટાડા સાથે બંધ થયા હતા. જ્યારે નિફ્ટીના 50 શૅર્સમાંથી 30 શૅર તેજી સાથે અને 20 ઘટાડા સાથે બંધ થયા હતા.
| ઈન્ડેક્સનું નામ | બંધ સ્તર | ઉચ્ચ સ્તર | નિમ્ન સ્તર | ફેરફાર ટકાવારીમાં |
| BSE Sensex | 66,118.69 | 66,172.27 | 65,549.96 | 0.26% |
| BSE SmallCap | 37,476.71 | 37,507.65 | 37,249.86 | 0.68% |
| India VIX | 11.59 | 11.82 | 9.39 | 3.58% |
| NIFTY Midcap 100 | 40,640.80 | 40,678.40 | 40,311.40 | 0.75% |
| NIFTY Smallcap 100 | 12,675.50 | 12,685.65 | 12,554.00 | 0.98% |
| NIfty smallcap 50 | 5,860.90 | 5,865.25 | 5,791.10 | 1.06% |
| Nifty 100 | 19,654.95 | 19,668.00 | 19,498.45 | 0.25% |
| Nifty 200 | 10,549.85 | 10,557.15 | 10,469.00 | 0.33% |
| Nifty 50 | 19,716.45 | 19,730.70 | 19,554.00 | 0.26% |
રોકાણકારોની સંપત્તિમાં વધારો
આજના કારોબારમાં બજારના ઉછાળાને કારણે રોકાણકારોની સંપત્તિમાં ઉછાળો આવ્યો છે. BSE પર લિસ્ટેડ કંપનીઓનું માર્કેટ કેપ રૂ. 319.69 લાખ કરોડ સુધી પહોંચી ગયું છે. જે છેલ્લા વેપારમાં 318.28 લાખ કરોડ રૂપિયા હતું. આજના સત્રમાં રોકાણકારોની સંપત્તિમાં રૂ. 1.41 લાખ કરોડનો વધારો થયો હતો.
ટોપ ગેઈન
ટોપ લૂઝર્સ
સેન્સેક્સ વ્યૂ
મંગળવારે લાલ નિશાન સાથે બંધ થયું હતું બજાર
મંગળવારે બજારમાં ખાસ રોનક જોવા મળી ન હતી. શેર માર્કેટમાં મંદીનો માહોલ જોવા મળ્યો હતોો, ભારે ઉઠાપટક બાદ સામાન્ય ઘટાડા સાથે શેર માર્કેટ બંધ થયુ હતુ. માર્કેટના બન્ને મુખ્ય ઇન્ડેક્સ નીચે રહ્યાં હતા, બીએસઇ ઇન્ડેક્સ સેન્સેક્સ 0.12 ટકાના ઘટાડા સાથે 78.22 પૉઇન્ટ ઘટ્યો અને 65,945.47 ના સ્તરે બંધ રહ્યો હતો, જ્યારે એનએસઇ નિફ્ટી 0.05 ટકાના ઘટાડા અને 9.85 પૉઇન્ટના ઘટાડા સાથે 19,664.70ના સ્તરે બંધ રહ્યો હતો. આમ મંગળવારે દિવસના અંતે શેર બજારના બન્ને ઇન્ડેક્સ ઘટીને બંધ રહ્યા હતા.
Join Our Official Telegram Channel: https://t.me/abpasmitaofficial