Stock Market Highlights: શેર બજારમાં ભૂકંપ, સેન્સેક્સ 559 પોઈન્ટ તૂટ્યો, રોકાણકારોના 3 લાખ કરોડ સ્વાહા
BSE સેન્સેક્સ 559 પોઈન્ટ એટલે 0.66% ઘટીને 83,674.92 પર બંધ થયો, જ્યારે નિફ્ટી 50 પણ 147 પોઈન્ટ અથવા 0.57% ઘટીને 25,807.20 પર બંધ થયો.
Stock market Today : ગુરુવારે સ્થાનિક શેરબજારો નોંધપાત્ર ઘટાડા સાથે બંધ થયા હતા. BSE સેન્સેક્સ 559 પોઈન્ટ એટલે 0.66% ઘટીને 83,674.92 પર બંધ થયો, જ્યારે નિફ્ટી 50 પણ 147 પોઈન્ટ અથવા 0.57% ઘટીને 25,807.20 પર બંધ થયો. બજારમાં દબાણ જોવા મળ્યું. ટ્રેડિંગના અંતે, BSE 150 મિડકેપ ઇન્ડેક્સ 0.46% ઘટ્યો, જ્યારે BSE 250 સ્મોલકેપ ઇન્ડેક્સમાં 0.86%નો મટો ઘટાડો નોંધાયો.
અહેવાલો અનુસાર, આજના ટ્રેડિંગ દરમિયાન IT શેરોમાં ભારે વેચવાલીથી બજાર તૂટ્યું. પડી. આનું કારણ AI માં વૃદ્ધિની આ ક્ષેત્ર પર અસર થવાની ચિંતા હતી. વધતા યુએસ ડોલર અને બોન્ડ યીલ્ડે પણ એકંદર નકારાત્મક ભાવનાને વધુ તીવ્ર બનાવી.
આ શેરોમાં ભારે ઘટાડો નોંધાયો
નિફ્ટી 50 પેકમાં ટેક મહિન્દ્રા, ઇન્ફોસિસ અને વિપ્રો મુખ્ય ઘટાડામાં સામેલ હતા, જે 5% સુધી ઘટ્યા હતા. આ દરમિયાન, બજાજ ફાઇનાન્સ અને સ્ટેટ બેંક ઓફ ઇન્ડિયામાં 2% સુધીનો વધારો જોવા મળ્યો. બજારની માર્કેટ બ્રેડ્થ નકારાત્મક રહી, લગભગ 1,468 શેરો વધ્યા, 2,011 નુકસાન સાથે બંધ થયા અને 175 શેરોમાં કોઈ બદલાવ નથી થયો.
રૂપિયો 17 પૈસા વધીને 90.61 પર બંધ થયો
ગુરુવારે વિદેશી ભંડોળના પ્રવાહથી રોકાણકારોનું સેન્ટિમેન્ટ વધ્યું, જેના કારણે રૂપિયો યુએસ ડોલર સામે 17 પૈસા વધીને 90.61 પર બંધ થયો. ફોરેક્સ ટેડર્સે જણાવ્યું હતું કે વિદેશી ભંડોળનો ઈનફ્લો, જોકે નોંધપાત્ર નથી,પરંતુ તેણે એક સાઈકોલોઝિકલ ટેકો પૂરો પાડ્યો. વધુમાં, તેમણે નોંધ્યું હતું કે RBI શાંતિથી ખાતરી કરી રહ્યું છે કે બેંકિંગ સિસ્ટમમાં લિક્વિડિટી પુષ્કળ રહે. ઇન્ટરબેંક વિદેશી વિનિમય બજારમાં, રૂપિયો યુએસ ડોલર સામે 90.55 પર ખુલ્યો, અને દિવસ દરમિયાન 90.40 ની ઇન્ટ્રાડે ઉચ્ચતમ અને 90.65 ની નીચી સપાટીને સ્પર્શ્યો. ગુરુવારે ટ્રેડિંગના અંતે સ્થાનિક યૂનિટ 90.61 પર ટ્રેડ કરી રહ્યો હતો, જે તેના અગાઉના બંધ કરતા 17 પૈસા વધીને હતો. બુધવારે, રૂપિયો અમેરિકન ડોલર સામે 22 પૈસા ઘટીને 90.78 પર બંધ થયો હતો.
એશિયન બજારોમાં, દક્ષિણ કોરિયાનો કોસ્પી ઇન્ડેક્સ 3 ટકાથી વધુના વધારા સાથે બંધ થયો. જાપાનનો નિક્કેઈ 225 ઇન્ડેક્સ અને શાંઘાઈનો એસએસઈ કમ્પોઝિટ ઇન્ડેક્સ પણ પોઝિટિવ ઝોનમાં બંધ થયો, જ્યારે હોંગકોંગનો હેંગ સેંગ ઇન્ડેક્સ નકારાત્મક ઝોનમાં બંધ થયો. સત્રના મધ્યમાં યુરોપિયન બજારો ઊંચા વેપાર કરી રહ્યા હતા. બુધવારે અમેરિકી શેરબજાર નીચા સ્તરે બંધ થયા.
ટોપ સ્ટોરી
ટ્રેન્ડિંગ સમાચાર
