Stock Market: શેરબજારમાં ફરી આવી રોનક, સેન્સેક્સમાં 440 પોઈન્ટનો ઉછાળો; નિફ્ટી 23573 ને પાર

Stock Market 14 May: 14 મેના રોજ ટ્રેડિંગ સત્ર દરમિયાન ભારતીય શેરબજારમાં જોરદાર તેજી જોવા મળી રહી છે. બંને મુખ્ય બેન્ચમાર્ક સૂચકાંકો લીલા નિશાનમાં ટ્રેડ થઈ રહ્યા છે. સેન્સેક્સ 440 પોઈન્ટથી વધુ ઉછળ્યો છે.

શેર માર્કેટ

Source : abp live

Show Quick Read

Key points generated by AI, verified by newsroom

• ભારતીય શેરબજારમાં સપ્તાહના ચોથા દિવસે તેજી સાથે શરૂઆત.
• BSE સેન્સેક્સ અને NSE નિફ્ટી 50 પોઝિટિવ ખુલ્યા.
• અદાણી પોર્ટ, NTPC ટોપ ગેનર, HCL ટેક લૂઝર રહ્યા.
• બુધવારે પણ શેરબજારમાં હળવી તેજી સાથે દિવસ પુરો થયો.

Stock Market Today: ભારતીય શેરબજારમાં સપ્તાહના ચોથા ટ્રેડિંગ દિવસે ગુરુવાર, 14 મે ના રોજ શરૂઆત પોઝિટિવ રહી. મુખ્ય બેન્ચમાર્ક ઈન્ડેક્સ BSE સેન્સેક્સ અને NSE નિફ્ટી 50 લીલા નિશાન પર ટ્રેડ કરતા ઓપન થયા.

 

30 શેરો વાળા BSE સેન્સેક્સ ઈન્ડેક્સ 338.14 પોઈન્ટ અથવા 0.45 ટકાના ઉછાળા સાથે ઓપન થયો હતો. દિવસની શરૂઆત સેન્સેક્સે 74,947.12 ના લેવલ પર કરી છે. તો બીજી તરફ, NSE નિફ્ટી 50 એ પણ દિવસની શરૂઆત પોઝિટિવ કરી હતી. નિફ્ટી 50 117.65 પોઈન્ટ અથવા 0.50 ટકા ઉછળીને 23,530.25 ના લેવલ પર ઓપન થયો હતો. સવારે લગભગ 9:20 વાગ્યા સુધીમાં, સેન્સેક્સ 347 પોઈન્ટની તેજી સાથે 74,956 ના સ્તર પર કારોબાર કરી રહ્યો હતો. જ્યારે નિફ્ટી 50 139 પોઈન્ટ ઉછળીને 23,551 ના લેવલ પર ટ્રેડ કરી રહી હતી.

BSE ના ટોપ ગેનર અને લૂઝર

BSE બાસ્કેટમાંથી અદાણી પોર્ટ, NTPC, પાવરગ્રીડ અને ભારતી એરટેલ ટોપ ગેનર હતા. જ્યારે ટોપ લૂઝરની વાત કરીએ તો HCL ટેક, TCS, ટેક મહિન્દ્રા અને ટાઇટન રહ્યા હતા.

બુધવારે કેવું રહ્યું હતું માર્કેટ?

ભારતીય શેરબજારમાં બુધવાર, 13 મે ના ટ્રેડિંગ દિવસે હળવી તેજી જોવા મળી હતી. મુખ્ય બેન્ચમાર્ક ઈન્ડેક્સ BSE સેન્સેક્સ અને NSE નિફ્ટી 50 એ લીલા નિશાન પર ટ્રેડ કરતા દિવસની સમાપ્તિ કરી હતી. સેન્સેક્સ 49.74 પોઈન્ટ અથવા 0.07 ટકાની તેજી સાથે 74,608.98 પોઈન્ટ, તો NSE નિફ્ટી 50 33.05 પોઈન્ટ અથવા 0.14 ટકા ઉછળીને 23,412.60 ના લેવલ પર બંધ થયા હતા.

કોણ હતા ટોપ ગેનર-લૂઝર?

BSE બાસ્કેટમાંથી એશિયન પેઇન્ટ, ટાટા સ્ટીલ, અદાણી પોર્ટ, ભારતી એરટેલ અને ઇન્ડિગો ટોપ ગેનર હતા. ટોપ લૂઝરની વાત કરીએ તો મહિન્દ્રા એન્ડ મહિન્દ્રા, પાવરગ્રીડ, ટેક મહિન્દ્રા, TCS અને સનફાર્મા રહ્યા હતા.

નિફ્ટી ઓટો, નિફ્ટી IT અને નિફ્ટી બેંકના શેરોમાં ઘટાડો જોવા મળ્યો હતો. જ્યારે નિફ્ટી 100, નિફ્ટી સ્મોલકેપ 100, નિફ્ટી મિડકેપ 100 અને નિફ્ટી FMCG ના શેરોમાં તેજી હતી. બુધવારના ટ્રેડિંગ દિવસે BSE બાસ્કેટમાંથી 13 શેર લીલા નિશાન પર બંધ થયા હતા અને 17 શેરોમાં ઘટાડો નોંધાયો હતો.

ડિસ્ક્લેમર: (અહીં આપેલી માહિતી માત્ર જાણકારી માટે આપવામાં આવી રહી છે. અહીં જણાવવું જરૂરી છે કે માર્કેટમાં રોકાણ બજારના જોખમોને આધીન છે. રોકાણકાર તરીકે પૈસા લગાવતા પહેલા હંમેશા નિષ્ણાતની સલાહ લો. ABPLive.com તરફથી કોઈને પણ પૈસા લગાવવાની અહીં ક્યારેય સલાહ આપવામાં આવતી નથી.)

આ પણ વાંચો

અમૂલ દૂધના ભાવમાં પ્રતિ લિટર 2 રૂપિયાનો ઝીંકાયો વધારો, આવતીકાલાથી લાગુ થશે નવા રેટ

પોસ્ટ ઓફિસની સૌથી લોકપ્રિય સ્કીમ: ₹333 ના રોકાણ પર મળશે ₹17 લાખનું વળતર, જાણો સંપૂર્ણ વિગત