દીકરી બનશે કરોડપતિ! આ સરકારી સ્કીમમાં ₹250થી ખાતું ખોલો, મળશે ₹50 લાખ

10 વર્ષથી નાની દીકરીઓ માટેની આ સરકારી યોજનામાં ફક્ત ₹250 થી ખાતું ખોલાવો, સંપૂર્ણ ટેક્સ ફ્રી કમાણી સાથે ઉચ્ચ શિક્ષણ અને લગ્ન માટે મળશે મોટું ભંડોળ.

sukanya samriddhi yojana ssy calculator interest rate investment age limit

Source : ai

Show Quick Read

Key points generated by AI, verified by newsroom

• સુકન્યા સમૃદ્ધિ યોજના દીકરીઓના ઉજ્જવળ ભવિષ્ય માટે શ્રેષ્ઠ વિકલ્પ.
• વાર્ષિક 8.2% વ્યાજ દર, ₹250 થી ₹1.5 લાખ સુધી રોકાણ.
• 10 વર્ષથી ઓછી ઉંમરની દીકરીઓ માટે, 15 વર્ષ સુધી રોકાણ.
• 21 વર્ષે મેચ્યોરિટી, 18 વર્ષે લગ્ન માટે આંશિક ઉપાડ શક્ય.

Sukanya Samriddhi Yojana: જો તમે પણ તમારી દીકરીના ઉજ્જવળ ભવિષ્ય, ઉચ્ચ શિક્ષણ અને લગ્નના ખર્ચને લઈને ચિંતિત છો, તો કેન્દ્ર સરકારની 'સુકન્યા સમૃદ્ધિ યોજના' (SSY) તમારા માટે એક શ્રેષ્ઠ વિકલ્પ છે. આ ખાસ કરીને માત્ર દીકરીઓ માટે જ બનાવવામાં આવેલી ખૂબ જ લોકપ્રિય નાણાકીય યોજના છે. તેમાં વાર્ષિક 8.2 ટકાનું આકર્ષક વ્યાજ મળે છે, જે દેશની અન્ય કોઈ પણ યોજનામાં છોકરીઓ માટે અપાતા વ્યાજ કરતા વધારે છે. સૌથી સારી વાત એ છે કે આ યોજનામાં નાની બચત કરીને પણ તમે મેચ્યોરિટી પર દીકરી માટે એક મોટું અને સંપૂર્ણપણે ટેક્સ ફ્રી ફંડ જમા કરી શકો છો.

કોણ ખોલાવી શકે ખાતું અને રોકાણની મર્યાદા શું છે?

આ યોજનાના નિયમો ખૂબ જ સરળ છે, જે નીચે મુજબ છે:

ઉંમર: ફક્ત 10 વર્ષથી ઓછી ઉંમરની દીકરીઓ માટે જ આ યોજના હેઠળ ખાતું ખોલાવી શકાય છે.

રોકાણની રકમ: SSY ખાતામાં તમારે દર વર્ષે ઓછામાં ઓછા ₹250 જમા કરાવવા ફરજિયાત છે. વધુમાં વધુ તમે વર્ષે ₹1.5 લાખ સુધીનું રોકાણ કરી શકો છો.

ટેક્સ બેનિફિટ: આ એક સંપૂર્ણપણે કરમુક્ત (ટેક્સ ફ્રી) યોજના છે. આ યોજનામાંથી મળતા વ્યાજ કે કમાણી પર તમારે એક પણ રૂપિયો ટેક્સ ચૂકવવાનો રહેતો નથી.

ખાતાની સંખ્યા: સામાન્ય રીતે એક પરિવારમાં વધુમાં વધુ બે દીકરીઓ માટે જ ખાતા ખોલી શકાય છે. જોકે, ઘરમાં જોડિયા દીકરીઓનો જન્મ થાય, તો બેથી વધુ દીકરીઓ માટે પણ ખાતા ખોલાવી શકાય છે.

આ પણ વાંચોઃ આજે સોનાના ભાવમાં ₹2,800 નો મોટો કડાકો, પણ ચાંદી મોંઘી થઈ; જુઓ 24 કેરેટનો લેટેસ્ટ રેટ

રોકાણની મુદત અને મેચ્યોરિટીના નિયમો

રોકાણનો સમયગાળો: આ સ્કીમમાં તમારે દીકરીના નામે સળંગ 15 વર્ષ સુધી પૈસા જમા કરાવવાના હોય છે.

મેચ્યોરિટી: ખાતું ખોલાવ્યાની તારીખથી 21 વર્ષ પૂરા થતાં આ યોજના પાકે છે (મેચ્યોર થાય છે).

વચમાં ખાતું બંધ કરવાના નિયમો: જો તમારી દીકરી 18 વર્ષની થઈ જાય અને તમે તેના લગ્ન કરાવવાનું વિચારી રહ્યા છો, તો તમે વચમાં જ આ ખાતું બંધ કરી શકો છો. આ સંજોગોમાં ખાતાના તમામ પૈસા સીધા તમારી દીકરીના બેંક એકાઉન્ટમાં ટ્રાન્સફર કરી દેવામાં આવે છે.

SSY કેલ્ક્યુલેટર: સમજો ગણતરી

આ યોજનામાં નિયમિત રોકાણ કરવાથી લાંબા ગાળે કેટલું મોટું ફંડ બની શકે છે તે એક ઉદાહરણથી સમજીએ:

ધારો કે તમારી દીકરીની ઉંમર અત્યારે 1 વર્ષ છે. તમે હમણાં જ તેનું ખાતું ખોલાવીને દર વર્ષે ₹1,09,000 નું રોકાણ કરો છો. આ ગણતરી મુજબ, વર્ષ 2047 માં જ્યારે આ ખાતું મેચ્યોર થશે, ત્યારે તમારી દીકરીના ખાતામાં કુલ ₹50,34,040 (લગભગ 50 લાખ રૂપિયા) ની તોતિંગ રકમ મળશે. આ રકમ તેના ભવિષ્યને આર્થિક રીતે સંપૂર્ણ સુરક્ષિત કરી શકે છે.

આ પણ વાંચોઃ  1 જૂનથી સોલાર પેનલના નિયમો બદલાશે: જાણો કિંમત અને PM સૂર્ય ઘર સબસિડી પર શું અસર થશે