RBI Repo Rate: રેપો રેટમાં કોઇ ફેરફાર નહિં, 5.25% પર પર યથાવત
RBI Repo Rate Cut:RBI એ રેપો રેટ 5.25% પર રાખવાનો નિર્ણય લીધો છે. આનો અર્થ એ થયો કે, તમારા ઘર કે કાર લોન પરના EMIમાં ઘટાડો કે વધારો થશે નહીં.
RBI Repo Rate Cut:રિઝર્વ બેંકના ગવર્નર સંજય મલ્હોત્રાએ ગુરુવાર, 6 ફેબ્રુઆરીના રોજ નાણાકીય નીતિની જાહેરાત કરી. 4 ફેબ્રુઆરીથી શરૂ થયેલી નાણાકીય નીતિ સમિતિની બેઠક આજે પૂર્ણ થઈ અને લેવામાં આવેલા નિર્ણયોની જાહેરાત કરવામાં આવી. ગવર્નર સંજય મલ્હોત્રાએ જણાવ્યું કે, સમિતિએ સર્વાનુમતે વ્યાજ દરો યથાવત રાખવાનો નિર્ણય લીધો અને રેપો રેટ 5.25% પર રાખ્યો છે.
ગયા વર્ષે રેપો રેટમાં કેટલો ઘટાડો કરવામાં આવ્યો હતો?
2025માં, રિઝર્વ બેંકે રેપો રેટમાં 125 બેસિસ પોઈન્ટનો ઘટાડો કર્યો હતો. ડિસેમ્બર પોલિસી મીટિંગમાં, MPC એ રેપો રેટમાં 25 બેસિસ પોઈન્ટનો ઘટાડો કર્યો હતો જે 5.5 % થી ઘટાડીને 5.25% કર્યો હતો. ગયા વર્ષે, રિઝર્વ બેંકે રેપો રેટમાં ચાર વખત ઘટાડો કર્યો હતો. પ્રથમ, ફેબ્રુઆરીમાં તેમાં 25 બેસિસ પોઈન્ટનો ઘટાડો કરવામાં આવ્યો હતો, ત્યારબાદ એપ્રિલમાં બીજા 25 બેસિસ પોઈન્ટનો ઘટાડો કરવામાં આવ્યો હતો. ત્રીજો ઘટાડો જૂનમાં 50 બેસિસ પોઈન્ટનો હતો અને છેલ્લો ઘટાડો ડિસેમ્બરમાં 25 બેસિસ પોઈન્ટનો હતો.
રેપો રેટ શું છે?
રેપો રેટ એ દર છે, જેના પર દેશની મધ્યસ્થ બેંક (ભારતીય રિઝર્વ બેંક) પ્રવાહીતાની અછતને પહોંચી વળવા માટે વાણિજ્યિક બેંકોને ધિરાણ આપે છે. બેંકો સરકારી સિક્યોરિટીઝ સામે ઉધાર લે છે અને પછીથી તેને નિશ્ચિત દરે ચૂકવે છે. જ્યારે રેપો રેટ વધે છે, ત્યારે બેંકો માટે RBI પાસેથી ઉધાર લેવું વધુ મોંઘું થઈ જાય છે, જેના કારણે તેઓ ઘર અને કાર લોન પર વ્યાજ દરમાં વધારો કરે છે. જ્યારે રેપો રેટ ઘટે છે, ત્યારે બેંકો માટે ગ્રાહકોને ઓછા વ્યાજ દરે ધિરાણ આપવાનું સરળ બને છે. એકંદરે, રેપો રેટમાં વધારો અને ઘટાડો તમારા નાણાકીય ક્ષેત્રને અસર કરે છે.
ટોપ સ્ટોરી
ટ્રેન્ડિંગ સમાચાર
