ટ્રમ્પનો મોટો યુ-ટર્ન! ટ્રેડ વોર વચ્ચે આ ઉત્પાદનો પર ટેરિફ 25% થી ઘટાડીને 15% કર્યો

donald trump tariff cuts: વેપાર યુદ્ધ વચ્ચે ટ્રમ્પનો યુ-ટર્ન; જે વિદેશી કંપનીઓ 85% અમેરિકન સ્ટીલ કે એલ્યુમિનિયમ વાપરશે તેમને જ આ 10% ની રાહત મળશે, નવો નિયમ 2027 સુધી રહેશે અમલી.

trump tariff reduction on agricultural industrial machinery trade war u turn

Source : ai

Show Quick Read

Key points generated by AI, verified by newsroom

• ટ્રમ્પે કૃષિ-ઔદ્યોગિક સાધનો પર ટેરિફ ઘટાડી 25% થી 15% કર્યો.
• ખેડૂતો, ઉત્પાદકોનો ખર્ચ ઘટાડવા અને સ્થાનિક ઉદ્યોગને મજબૂત કરવાનો હેતુ.
• ટેરિફ લાભ માટે આયાતી મશીનોમાં 85% અમેરિકન ધાતુ ફરજિયાત.
• રાષ્ટ્રીય સુરક્ષા અને આર્થિક સ્થિરતા માટે ટેરિફનો ઉપયોગ કરાયો.

donald trump tariff cuts: અમેરિકાના રાષ્ટ્રપતિ ડોનાલ્ડ ટ્રમ્પે ઈરાન સાથેની તંગદિલી અને વૈશ્વિક વેપાર યુદ્ધ વચ્ચે એક મોટો અને ચોંકાવનારો નિર્ણય લીધો છે. ટ્રમ્પે કૃષિ અને ઔદ્યોગિક સાધનો પર લાગતા ટેરિફ (આયાત ડ્યુટી) માં મોટો ઘટાડો કરવાની જાહેરાત કરી છે. હવેથી હાર્વેસ્ટર અને બુલડોઝર જેવા મશીનો પર 25% ને બદલે 15% ટેરિફ લાગશે. આ નિર્ણયનો મુખ્ય હેતુ અમેરિકન ખેડૂતો અને ઉત્પાદકોનો ખર્ચ ઘટાડવાનો તેમજ સ્થાનિક સ્ટીલ અને એલ્યુમિનિયમ ઉદ્યોગને મજબૂત કરવાનો છે. આગામી વર્ષના અંત સુધીમાં આ ઘટાડો સંપૂર્ણપણે લાગુ થઈ જશે અને આ નવા ફેરફારો વર્ષ 2027 સુધી અમલમાં રહેશે.

કૃષિ અને ઔદ્યોગિક મશીનરી થશે સસ્તી

નવા ફેરફારો મુજબ, ખેતીમાં વપરાતા કમ્બાઈન્સ, હાર્વેસ્ટર્સ અને અન્ય કૃષિ મશીનરી પરનો ટેરિફ વર્તમાન 25% થી ઘટાડીને સીધો 15% કરી દેવામાં આવશે. અમેરિકન સરકારનું માનવું છે કે આ ટેરિફ ઘટાડાથી ઉત્પાદકોનો ખર્ચ ઘટશે અને અમેરિકાના કૃષિ ક્ષેત્રમાં નવા રોકાણને મોટું પ્રોત્સાહન મળશે. માત્ર ખેતી જ નહીં, પણ અમેરિકાના વેપાર કરારો હેઠળ આવતા દેશોમાંથી આયાત થતા ઔદ્યોગિક મશીનો જેમ કે બુલડોઝર, ફોર્કલિફ્ટ અને અન્ય સમાન સાધનોને પણ આ 15% ના ઘટાડેલા ટેરિફનો લાભ મળશે.

રાહત માટે 85% અમેરિકન ધાતુ વાપરવાની મોટી શરત

જોકે, આ ટેરિફ ઘટાડાનો લાભ લેવા માટે ટ્રમ્પ સરકારે એક મોટી અને કડક શરત પણ રાખી છે. સ્થાનિક ધાતુ ઉત્પાદનને વેગ આપવા માટે, વિદેશી ઉત્પાદકોને આ 10% ના ટેરિફ ઘટાડાનો લાભ ત્યારે જ મળશે જો તેમના મશીનોમાં વજનના હિસાબે ઓછામાં ઓછું 85% અમેરિકન બનાવટનું સ્ટીલ અથવા એલ્યુમિનિયમ વપરાયું હોય. એટલું જ નહીં, આ સ્ટીલ અને એલ્યુમિનિયમ અમેરિકામાં જ ઓગાળીને કાસ્ટ કરેલું (બનાવેલું) હોવું ફરજિયાત છે.

આ પણ વાંચોઃ ટ્રમ્પ સરકારે વસૂલેલા 166 અબજ ડોલરના ટેરિફ હવે પાછા અપાશે, જાણો ભારતને આનાથી કેટલો ફાયદો થશે?

વ્હાઇટ હાઉસનું સત્તાવાર નિવેદન

આ મહત્વપૂર્ણ નિર્ણય અંગે વ્હાઇટ હાઉસે એક સત્તાવાર નિવેદન જારી કરતા જણાવ્યું છે કે, "રાષ્ટ્રપતિ ટ્રમ્પે આયાતી એલ્યુમિનિયમ, સ્ટીલ અને તાંબા પર ટેરિફનો ઉપયોગ અમેરિકાની રાષ્ટ્રીય સુરક્ષા, મહત્વપૂર્ણ ઉદ્યોગોની આર્થિક સ્થિરતા અને અમેરિકન પરિવારો, સમુદાયો તથા વ્યવસાયોને સસ્તી વિદેશી આયાતના ખતરાથી બચાવવા માટે કર્યો છે."

આ પણ વાંચોઃ ચીન પર ફરી અમેરિકા 50% ટેરિફ લગાવશે! જાણો ડોનાલ્ડ ટ્રમ્પ કેમ આપી ખુલ્લી ધમકી?