US Trade War: ટ્રમ્પની ટેરિફ બાજી ઉંધી પડી! ભારતે રસ્તો બદલી આ દેશો સાથે મિલાવ્યો હાથ, જુઓ લિસ્ટ
અમેરિકાની દાદાગીરી સામે ભારતનો માસ્ટરસ્ટ્રોક: 575% ટેક્સની ધમકી છતાં ભારત ડગ્યું નહીં; ડિસેમ્બરમાં ચીનમાં નિકાસ 67% વધી, બ્રિટન અને યુરોપ સાથે મજબૂત થઈ મિત્રતા.
Donald Trump Tariff Threat: અમેરિકાના રાષ્ટ્રપતિ ડોનાલ્ડ ટ્રમ્પ (Donald Trump) તેમના બીજા કાર્યકાળમાં સતત આક્રમક વલણ અપનાવી રહ્યા છે. સત્તા સંભાળ્યા બાદ તેઓ લગભગ દર બીજા દિવસે કોઈને કોઈ દેશ પર આયાત શુલ્ક એટલે કે ટેરિફ (Tariff) ઝીંકી રહ્યા છે. ટ્રમ્પની આ 'ટેરિફ વોર' માં અમેરિકાના સૌથી મોટા વ્યૂહાત્મક ભાગીદાર ગણાતા ભારતે પણ બાકાત રાખવામાં આવ્યું નથી. જોકે, ટ્રમ્પની આ દબાણની રણનીતિ સામે ઝૂકવાને બદલે ભારતે પોતાની વેપાર નીતિ (Trade Strategy) માં મોટો ફેરફાર કરીને અમેરિકાને જડબાતોડ જવાબ આપ્યો છે. ભારતે હવે અમેરિકા પર નિર્ભર રહેવાને બદલે અન્ય વૈશ્વિક બજારોમાં પોતાની પકડ મજબૂત બનાવી છે.
ભારત પર 575% ટેરિફનો તોળાઈ રહ્યો છે
ખતરો હાલની સ્થિતિએ ભારત અમેરિકામાં નિકાસ પર 50% ટેરિફનો સામનો કરી રહ્યું છે. પરંતુ જોખમ અહીં અટકતું નથી. જો ભારત રશિયા (Russia) પાસેથી ક્રૂડ ઓઈલ ખરીદવાનું ચાલુ રાખશે, તો ટ્રમ્પ વહીવટીતંત્ર આ ટેરિફ વધારીને 500% સુધી લઈ જઈ શકે છે. આ ઉપરાંત, ઈરાન સાથેના વેપાર સંબંધોને કારણે વધારાનો 25% ટેક્સ લાદવાની પણ ભીતિ છે. આમ, કુલ મળીને ભારત પર 575% જેટલા તોતિંગ ટેરિફનો ખતરો મંડરાઈ રહ્યો છે. જેના કારણે બંને દેશોના રાજદ્વારી સંબંધોમાં તણાવ સર્જાયો છે.
અમેરિકા ઘટ્યું, ચીન વધ્યું: ભારતનો પલટવાર
અમેરિકાના આ દબાણને અવગણીને ભારતે નિકાસ બજારોમાં વિવિધતા (Diversification) લાવવાનું શરૂ કર્યું છે, જેના સકારાત્મક પરિણામો દેખાવા લાગ્યા છે. ડિસેમ્બરના વેપાર ડેટા (Trade Data) મુજબ, અમેરિકામાં ભારતની નિકાસ 1.8% ઘટીને $6.8 Billion થઈ ગઈ છે. તેની સામે આશ્ચર્યજનક રીતે ચીન (China) જેવા બજારોમાં ભારતની નિકાસમાં જબરદસ્ત ઉછાળો આવ્યો છે. ડિસેમ્બરમાં ચીનમાં ભારતીય નિકાસ 67% વધીને $2 Billion ને પાર પહોંચી ગઈ છે. આ આંકડા દર્શાવે છે કે ભારત હવે માત્ર પશ્ચિમી દેશો પર નિર્ભર નથી.
નવા મિત્રો સાથે 'ફ્રી ટ્રેડ' ની તૈયારી
એક તરફ અમેરિકા દરવાજા બંધ કરી રહ્યું છે, ત્યારે ભારતે યુએઈ (UAE), ઓસ્ટ્રેલિયા, ઓમાન અને યુકે (UK) જેવા દેશો સાથે મિત્રતા ગાઢ બનાવી છે. યુરોપિયન યુનિયન અને યુકે સાથેના 'મુક્ત વેપાર કરાર' (Free Trade Agreement - FTA) હવે અંતિમ તબક્કામાં છે. આ નવી ડીલ મુજબ, 99% ભારતીય ઉત્પાદનોને બ્રિટનના બજારોમાં ડ્યુટી ફ્રી એક્સેસ (Duty Free Access) મળશે. જ્યારે યુકેથી આવતી 99% આયાત પર માત્ર 3% સામાન્ય ટેરિફ લાગશે. આ ઉપરાંત ભારતે હવે લેટિન અમેરિકા અને આફ્રિકન દેશોમાં પણ નવું માર્કેટ ઊભું કરીને પોતાને ગ્લોબલ મેન્યુફેક્ચરિંગ હબ તરીકે પ્રસ્થાપિત કર્યું છે.
ટોપ સ્ટોરી
ટ્રેન્ડિંગ સમાચાર
