પતંજલિ આયુર્વેદ લિમિટેડનો દાવો છે કે કંપની ભારતીય FMCG (ફાસ્ટ મૂવિંગ કન્ઝ્યુમર ગુડ્સ) ક્ષેત્રમાં સ્વદેશી નવીનતાનું એક શાનદાર ઉદાહરણ બની ગઈ છે. પતંજલિ કહે છે કે એક નાની ફાર્મસીથી શરૂ થયેલી આ બ્રાન્ડ આજે ભારતની ત્રીજી સૌથી મોટી FMCG કંપની છે, જેનો ટર્નઓવર રૂ. 45,000 કરોડથી વધુ છે. પતંજલિનું બિઝનેસ મોડેલ ખાસ છે કારણ કે તે ભારતીય સંસ્કૃતિ, આયુર્વેદ અને આત્મનિર્ભરતાના સિદ્ધાંતો પર આધારિત છે, જેણે ગ્રાહકોના હૃદયમાં સ્થાન બનાવ્યું છે.
પતંજલિએ કહ્યું છે કે, "કંપનીની સફળતાનો પહેલો આધાર તેની સ્વદેશી અપીલ છે. કંપનીએ આત્મનિર્ભર ભારત અને મેડ ઇન ઇન્ડિયાની ભાવના અપનાવીને આયુર્વેદિક અને કુદરતી ઉત્પાદનોને પ્રોત્સાહન આપ્યું. તેના ઉત્પાદનો, જેમ કે સાબુ, શેમ્પૂ, ખાદ્ય પદાર્થો અને દવાઓ, ભારતીય પરંપરાઓ અને કુદરતી ઘટકો પર આધારિત છે, જે ગ્રાહકોને ગમે છે. બાબા રામદેવ યોગ અને આયુર્વેદના વિશ્વસનીય ચહેરા હોવાને કારણે બ્રાન્ડે ગ્રાહકોનો વિશ્વાસ જીત્યો. તેમના ટેલિવિઝન પર યોગ વર્ગો અને શિબિરોએ પતંજલિને ઘર-ઘરમાં લોકપ્રિય નામ બનાવ્યું."
કંપનીનું ઓછી કિંમતનું મોડેલ ગ્રાહકો માટે આકર્ષક
પતંજલિ દાવો કરે છે કે, "કંપનીનું ઓછી કિંમતનું મોડેલ ગ્રાહકો માટે આકર્ષક છે. કંપની ખેડૂતો પાસેથી સીધો કાચો માલ ખરીદે છે, જેના કારણે ખર્ચ ઓછો રહે છે અને ઉત્પાદનો પોસાય તેવા ભાવે ઉપલબ્ધ થાય છે. તેના પોતાના રિટેલ સ્ટોર્સ અને ગ્રાહક સાથે સીધા સંપર્કના અભિગમથી વિતરણ ખર્ચમાં વધુ ઘટાડો થયો છે. ઉદાહરણ તરીકે, પતંજલિ ઉત્પાદનો અન્ય મોટી બ્રાન્ડ્સ કરતાં 15-30% સસ્તા છે, જેના કારણે તે મધ્યમ અને નીચલા-મધ્યમ વર્ગ માટે પ્રથમ પસંદગી છે."
પતંજલિએ કહ્યું છે કે, "કંપની નવીનતા પર ભાર મૂકે છે. તેનું સંશોધન અને વિકાસ (R&D) કેન્દ્ર સતત નવા ઉત્પાદનો વિકસાવે છે જે આધુનિક ગ્રાહકોની જરૂરિયાતોને પૂર્ણ કરે છે. ચ્યવનપ્રાશથી લઈને નૂડલ્સ અને વસ્ત્રો સુધી, કંપનીએ તેના ઉત્પાદન પોર્ટફોલિયોમાં વૈવિધ્યીકરણ કર્યું. 2019 માં રુચી સોયાના સંપાદનથી તેના વિતરણ નેટવર્કને વધુ મજબૂત બનાવવામાં આવ્યું.''
પતંજલિ વૈશ્વિક દિગ્ગજો સાથે સ્પર્ધા કરે છે
પતંજલિ કહે છે કે કંપનીનું મોડેલ શીખવે છે કે ભારતીય મૂલ્યો, ઓછી કિંમત અને નવીનતાને જોડીને વૈશ્વિક દિગ્ગજો સાથે સ્પર્ધા કરી શકાય છે. તે માત્ર એક કંપની નથી, પરંતુ એક આંદલોન છે જે સ્વદેશી અને સ્વસ્થ જીવનને પ્રોત્સાહન આપે છે.