Rain Forecast:હવામાન વિભાગની આગાહી મુજબ વરસાદ રાજસ્થાન, ગુજરાત મધ્ય પ્રદેશ સહિતના કેટલાક રાજ્યોને મેઘરાજા ઘમરોળી શકે છે. ભારતના ઘણા રાજ્યોમાં ભારે વરસાદ ચાલુ છે. હવામાન વિભાગે આજે ઘણા રાજ્યોના વિવિધ વિસ્તારોમાં ભારેથી અતિ ભારે વરસાદની આગાહી કરી છે. જ્યારે ભારતીય હવામાન વિભાગે મહારાષ્ટ્રના કેટલાક વિસ્તારો માટે રેડ એલર્ટ જાહેર કર્યું છે, ત્યારે રાજસ્થાન, ઉત્તરાખંડ, મધ્યપ્રદેશ, કર્ણાટક અને છત્તીસગઢ જેવા રાજ્યો માટે વરસાદ માટે ઓરેંજ એલર્ટ જાહેર કરવામાં આવ્યું છે. તેમજ આગામી 5 દિવસ દરમિયાન પશ્ચિમ અને મધ્ય ભારતમાં જુદા જુદા સ્થળોએ હળવાથી મધ્યમ વરસાદનું અનુમાન છે.
આ રાજ્યોમાં વરસાદનું રેડ એલર્ટ
હવામાન વિભાગના જણાવ્યા અનુસાર, ઉત્તર બંગાળની ખાડી અને બાંગ્લાદેશ, પશ્ચિમ બંગાળના દરિયાકાંઠે લો પ્રેશરનું ક્ષેત્ર બન્યું છે. ચોમાસુ 'ટ્રફ લાઇન' તેની સામાન્ય સ્થિતિમાં છે. જેના કારણે અનેક જગ્યાએ ભારે વરસાદની સંભાવના છે. હવામાન વિભાગે દેશના વિવિધ રાજ્યો માટે આગાહી કરી છે. આ હિસાબે મધ્ય મહારાષ્ટ્રમાં અલગ-અલગ સ્થળોએ ભારે વરસાદની આશંકા છે. જો મહારાષ્ટ્રના વિદર્ભ વિસ્તારમાં ભારે વરસાદની આગાહી કરવામાં આવી છે તો મથવાડામાં ભારે વરસાદ થઈ શકે છે. મધ્ય મહારાષ્ટ્રમાં વરસાદ માટે રેડ એલર્ટ જારી કરવામાં આવ્યું છે.
મધ્યપ્રદેશ અને છતીસગઢમાં રેડ એલર્ટ
હવામાન વિભાગે મધ્યપ્રદેશ અને છત્તીસગઢમાં ભારે વરસાદની આગાહી કરી છે. આ સાથે કોંકણ અને ગોવા તેમજ ગુજરાતમાં અલગ-અલગ સ્થળોએ ભારે વરસાદની શક્યતા છે. આ સાથે જ મધ્યપ્રદેશ અને ગુજરાતના વિવિધ વિસ્તારોમાં પણ ભારે વરસાદની આગાહી કરવામાં આવી છે.
આ રાજ્યોમાં પણ ભારે વરસાદની આગાહી
હવામાન વિભાગના જણાવ્યા અનુસાર આજે ઉત્તરાખંડના વિવિધ વિસ્તારોમાં ભારે વરસાદની સંભાવના છે. જ્યારે પૂર્વી રાજસ્થાનમાં આજે અને આવતીકાલે વિવિધ સ્થળોએ ભારે વરસાદ પડી શકે છે. આ સાથે હિમાચલ પ્રદેશ, ઉત્તરાખંડ અને ઉત્તર પ્રદેશના વિવિધ વિસ્તારોમાં 30 જુલાઈ સુધી ભારે વરસાદની સંભાવના છે. તેમજ આજથી બે દિવસ પશ્ચિમ રાજસ્થાનમાં કેટલાક સ્થળોએ ભારે વરસાદની સંભાવના છે.
ઉત્તરાખંડમાં 106 લોકોનું રેસ્ક્યુ કરાયું
શુક્રવારે ઉત્તરાખંડમાં વિવિધ સ્થળોએ વરસાદ ચાલુ રહ્યો હતો, જેના કારણે ગંગા અને યમુના સહિત ઘણી નદીઓ અને નાળાઓ ઓવરફ્લો થઈ ગયા હતા જ્યારે મદમહેશ્વરમાં એક ફૂટબ્રિજ વરસાદમાં ધોવાઈ જતાં ત્યાં ફસાયેલા 106 પ્રવાસીઓને સુરક્ષિત રીતે બચાવી લેવામાં આવ્યા હતા. અધિકારીઓએ જણાવ્યું કે, સતત વરસાદને કારણે હરિદ્વાર જિલ્લામાં ગંગા નદી ખતરાના નિશાનથી ઉપર વહી રહી છે, જેને જોતા નદીના કિનારે બનાવવામાં આવેલી પૂરની ચોકીઓને એલર્ટ કરી દેવામાં આવી છે.
ભારે વરસાદને કારણે રૂદ્ર પ્રયાગ જિલ્લામાં લગભગ 11 હજાર ફૂટની ઉંચાઈ પર સ્થિત મદમહેશ્વર જવાના પગથિયા પર ગોંદરમાં એક પુલ ધોવાઈ ગયો હતો, જેમાં 100 થી વધુ પ્રવાસીઓ ફસાઈ ગયા હતા. SDRF તરફથી મળેલી માહિતી અનુસાર, માહિતી મળ્યા બાદ હેલિકોપ્ટરની મદદથી ત્યાં ફસાયેલી પાંચ મહિલાઓ સહિત 106 પ્રવાસીઓને સુરક્ષિત બહાર કાઢવામાં આવ્યા હતા.