હવામાન વિભાગ દ્વારા ફરી આગામી 31 ઓગસ્ટ અને 1 સપ્ટેમ્બર ભારેથી અતિભારે વરસાદની આગાહી કરવામાં આવી છે. વેલમાર્ક લો પ્રેશર અને સાયક્લોનિક સરક્યુલેશનના કારણે ગુજરાતમાં ફરી વરસાદને લઈને આગાહી કરવામાં આવી છે. સૌરાષ્ટ્ર અને દક્ષિણ ગુજરાતમાં ધોધમાર વરસાદ વરસી શકે છે.
ગુજરાતમાં આગામી 2 દિવસ ભારે વરસાદની આગાહી કરવામાં આવી છે ત્યારે સૌરાષ્ટ્ર, ઉત્તર ગુજરાતમાં ભારે વરસાદની આગાહી કરવામાં આવી છે જ્યારે અમરેલી, ભાવનગર, ગીર-સોમનાથ આ ઉપરાંત સુરત, નવસારી, વલસાડ, ભરૂચ, અમદાવાદ, ગાંધીનગર, વડોદરા, બનાસકાંઠા અને પાટણમાં પણ વરસાદની આગાહી કરવામાં આવી છે.
હવામાન વિભાગની આગાહી પ્રમાણે, રાજ્યમાં 31 ઓગસ્ટ અને 1 સપ્ટેમ્બરે ભારેથી અતિભારે વરસાદ પડે તેવી સંભાવના છે. 31 ઓગસ્ટે સૌરાષ્ટ્ર-કચ્છમાં ભારે વરસાદની આગાહી કરવામાં આવી છે. રાજ્યના દરિયાકાંઠા વિસ્તારોમાં પવન સાથે ભારે વરસાદ વરસી શકે છે.
રાજ્યમાં આજથી આગામી બે દિવસ ભારેથી અતિભારે વરસાદની હવામાન વિભાગ દ્વારા આગાહી કરવામાં આવી છે. જેમાં સૌરાષ્ટ્ર, ઉત્તર-દક્ષિણ ગુજરાત અને કચ્છમાં ભારે વરસાદ પડી શકે છે.