ગુજરાતની શાળાઓમાં ઉનાળુ વેકેશન થયું જાહેર, કઈ તારીખથી કઈ તારીખ સુધી રહેશે રજાઓ?

ગુજરાતમાં કોરોનાના વધતા કેસોના કારણે 3 મેથી લોકડાઉન સંપૂર્ણપણે નહીં હટાવી લેવાય એવું મુખ્યમંત્રી વિજય રૂપાણીએ સ્પષ્ટ કરી દીધું છે.

અમદાવાદઃ ગુજરાતમાં કોરોનાના વધતા કેસોના કારણે 3 મેથી લોકડાઉન સંપૂર્ણપણે નહીં હટાવી લેવાય એવું મુખ્યમંત્રી વિજય રૂપાણીએ સ્પષ્ટ કરી દીધું છે. આ સંજોગોમાં રાજ્યની શાળાઓ સહિતની શૈક્ષણિક સંસ્થાઓ ઝડપથી નહીં ખૂલે એ સ્પષ્ટ છે ત્યારે રાજ્યના પ્રાથમિક શિક્ષણ નિયામકે રાજ્યમાં વેકેશનની તારીખો જાહેર કરી દીધી છે.

રાજ્યના પ્રાથમિક શિક્ષણ નિયામકે રાજ્યની પ્રાથમિક શાળાઓનું નવું સત્ર 8 જુનથી શરૂ કરવાની સૂચના આપી છે. પ્રાથમિક શિક્ષણ નિયામક દ્વારા કરાયેલી જાહેરાત પ્રમાણે સમગ્ર રાજ્યની પ્રાથમિક શાળાઓમાં 4 મેથી 7 જૂન સુધી ઉનાળુ વેકેશન રહેશે અને પ્રાથમિક શાળાઓનું નવું સત્ર 8 જુનથી શરૂ થશે.

અલબત્ત એ સ્પષ્ટતા પણ કરાઈ છે કે, કોરોનાની મહામારીમાં વેકેશન લંબાવા કે ટૂંકાવવા બાબતે રાજ્ય સરકાર દ્વારા હવે પછી કોઈ નિર્ણય લેવાશે તો તેની જાણ જાહેર માધ્યમો દ્વારા કરવામાં આવશે.